მოდელ რენატა ბეგიაშვილზე ძალადობის ბრალდებით მისი მეუღლე დააკავეს - რას აცხადებს პროკურატურა?
საქართველოს პროკურატურის გავრცელებული ინფორმაციით, მეუღლის მიმართ ძალადობის ბრალდებით მამაკაცი დააკავეს. მას ბარლი უკვე წარედგინა.
პროკურატურის ცნობითვე, შინაგან საქმეთა სამინისტროს მიერ ჩატარებული გამოძიებით დადგინდა, რომ 22 აპრილს, თბილისში ბრალდებულმა ურთიერთშელაპარაკების ნიადაგზე მეუღლეზე ფიზიკურად იძალადა, რა დროსაც სახის არეში დაზიანებები მიაყენა.
"სამართალდამცველებმა დანაშაულის ჩამდენი პირი 25 აპრილს დააკავეს. მას ბრალდება საქართველოს სისხლის სამართლის კოდექსის 126 პრიმა მუხლის პირველი ნაწილით (ოჯახის ერთი წევრის მიერ ოჯახის სხვა წევრის მიმართ ძალადობა, რამაც ფიზიკური ტკივილი გამოიწვია) წარედგინა.
პროკურატურა, ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით, სასამართლოს კანონით დადგენილ ვადაში მიმართავს.
საქართველოს პროკურატურა მსგავსი კატეგორიის დანაშაულებზე მკაცრ სისხლის სამართლის პოლიტიკას ატარებს, რასაც მომავალშიც გააგრძელებს“, - ნათქვამია განცახდებაში.
საქმე შეეხება მოდელ რენატა ბეგიაშვილის მიერ რამენიმე დღის წინ გავრცელებულ ინფორმაციას, რომ მასზე იძალდეს. ქალმა სოციალურ ქსელში ფოტოც გაავრცელა.
იხილეთ ასევე:
- "ეს ბოლო წვეთია! ცრემლის ნაცვლად თვალიდან სისხლი მდის" - მოდელი რენატა ბეგიაშვილი ძალადობაში ყოფილ მეუღლეს ადანაშაულებს: რას პასუხობს ბრალდებას მამაკაცი?
- "ეს იმის ბრალია, სახარებასაც რომ უკუღმა ვხსნით და ქალებს ვაჯერებთ, "როგორ უნდა ეშინოდეს ქმრისა” - რას წერს პეტრე კოლხი