აღდგომა ბომბების ქვეშ - ოკუპანტებმა უკრაინის ზოგიერთ ტაძარზე იერიში მიიტანეს
რუსმა ოკუპანტებმა მძიმე არტილერიიდან ნიკოპოლში მდებარე ერთ-ერთ ტაძარს დაარტყეს, რის შედეგადაც ორი ადამიანი დაშავდა, - ამის შესახებ დნეპროპეტროვსკის რეგიონალური სამხედრო ადმინისტრაციის ხელმძღვანელმა, სერგეი ლისაკმა განაცხადა.
"რუსებმა კიდევ ერთხელ დაადასტურეს, რომ მათში არაფერია წმინდა, ნიკოპოლის ტაძარს მძიმე არტილერიით დაარტყეს, ორი ადამიანი დაშავდა, 57 წლის მამაკაცი და 38 წლის ქალი“ - დაწერა ლისაკმა სოციალურ ქსელში.
მისი თქმით, ქალაქში დაზიანდა ხუთი საცხოვრებელი კორპუსი, ორი ავტომობილი და რამდენიმე ელექტროგადამცემი ხაზი. გარდა ამისა, დაზიანებულია ოთხი და განადგურებულია ერთი სამეურნეო შენობა.
გარდა ამისა, ზაპოროჟიის რეგიონალური ადმინისტრაციის ხელმძღვანელმა იური მალაშკომ სოფელ კამიშევახში ეკლესიის დაბომბვის შესახებ განაცხადა.
დაბომბვის დროს ტაძარში მსახურება არ მიმდინარეობდა. მსხვერპლი არ ყოფილა.