მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კრემლის 10-წლიანი გეგმა მოლდოვის დესტაბილიზაციისთვის - რა წერია "ეფ ეს ბე"-ს საიდუმლო დოკუმენტში
11:49 / 17-03-2023
რა წერია კრემლის "საიდუმლო დოკუმენტში", რომელიც მოლდოვის დესტაბილიზაციის 10-წლიან გეგმას სახავს.
რუსეთის ფედერალური უშიშროების სამსახურის (ეფ ეს ბე) მიერ შედგენილი საიდუმლო გეგმა მოლდოვის დესტაბილიზაციის დეტალურ ვარიანტებს მოიცავს, მათ შორის პრორუსული ჯგუფების მხარდაჭერას, მართლმადიდებლური ეკლესიის გამოყენებას და ბუნებრივი აირის მიწოდების შეწყვეტის მუქარას, - ინფორმაციას CNN-ი ავრცელებს.
ტელეკომპანია განმარტავს, რომ როგორც ჩანს, დოკუმენტი შედგენილია მოლდოვის დასავლეთისკენ სწრაფვის შესაჩერებლად, რაც მოიცავს ნატოს-თან უფრო მჭიდრო ურთიერთობასა და ევროკავშირში გაწევრიანებას.
მასში არაერთხელაა მინიშნებული მოლდოვას ნატო-ში გაწევრების პრევენციის მნიშვნელობა.
CNN-ის ცნობით, დოკუმენტი მოიპოვა და პირველად გამოაქვეყნა მედიის კონსორციუმმა, მათ შორის VSquare-მა, RISE Moldova-მ, Expressen-მა, Dossier Center-მა და სხვა მედია საშუალებებმა.
CNN-მა დოკუმენტის - "რუსეთის ფედერაციის სტრატეგიული მიზნები მოლდოვის რესპუბლიკაში“ სრული ვარიანტი ნახა, რომელიც, როგორც ჩანს, 2021 წელს რუსეთის უშიშროების სამსახურის ტრანსსასაზღვრო თანამშრომლობის დირექტორატმა დაწერა.
ტელეკომპანიის ინფორმაციით, დოკუმენტი მოლდოვის რუსეთის გავლენის სფეროში მოქცევისთვის 10-წლიან სტრატეგიას ადგენს.
გეგმა მოიცავს მოლდოვის დამოკიდებულებას რუსული გაზის იმპორტზე და სოციალური კონფლიქტის გაღვივებას, ასევე ცდილობს დაბლოკოს მოლდოვის ძალისხმევა, რომელიც პრორუსულ სეპარატისტულ რეგიონში, დნესტრისპირეთში გავლენის მოპოვებისკენაა მიმართული. ხუთგვერდიანი დოკუმენტში საუბარია მოკლე, საშუალო და გრძელვადიან მიზნებზე. უახლოეს მიზნებს შორისაა „მოლდოვის პოლიტიკური ძალების მხარდაჭერა, რომლებიც მხარს უჭერენ კონსტრუქციულ ურთიერთობებს რუსეთის ფედერაციასთან“ და „მოლდოვის რესპუბლიკის იმ ინიციატივების განეიტრალება, რომელიც მიმართულია დნესტრისპირეთში რუსული სამხედრო ყოფნის ლიკვიდაციისკენ“.
საშუალოვადიან მიზნებს შორისაა მოლდოვის რესპუბლიკასა და ნატო-ს შორის თანამშრომლობისთვის წინააღმდეგობის გაწევა. ეფესბე-ს დოკუმენტი ასახავს გრძელვადიან მიზნებსაც, მათ შორის "მოლდოვის პოლიტიკურ და ეკონომიკურ ელიტებში სტაბილური პრორუსული გავლენის ჯგუფების შექმნას“ და „ნატო-ს მიმართ ნეგატიური დამოკიდებულების ჩამოყალიბებას“.
დოკუმენტის შესახებ დასმულ კითხვაზე პასუხისას, კრემლის პრესსპიკერმა, დიმიტრი პესკოვმა განაცხადა: ”ჩვენ არაფერი ვიცით ასეთი გეგმის არსებობის შესახებ. არ გამოვრიცხავ, რომ ეს მორიგი „ფეიკია“. რუსეთი ყოველთვის იყო და რჩება ღია კეთილმეზობლური, ორმხრივ სარგებელზე ორიენტირებული ურთიერთობების დამყარებისთვის, მათ შორის მოლდოვასთან.“
მკითხველის კომენტარები /
34 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პატარა ქვეყნის სინდრომი სჭირს ბევრს. რუსეთის უძლეველობის კიდევ სჯერათ და ამიტომ არ სჯერათ, როგორ თუ საუდუმლო ვინმემ გაიგოო. რა გიკვირთ, იმ საიდუმლო დოკუმენტებს ვერ გაყიდნენ თუ რა? კორუფციის ჭაობში ჩაფლული ქვეყანა.
ეგ რა არის, ლენინს მთელი მსოფლიოს წითელპროლეტარული სახელმწიფოს შიგნით მოქცევის გეგმაც ქონდა და არ აცალა სტალინმა, ერთშიო, სოციალიზმიო, მაღლა მუშა, ძირს ნიკოლოზ, მხოლოდ აქაოდა, აქ დავიბადეთ, ისიც ერთხელ?!