გავრცელებულ ინფორმაციას, რომ სენაკის სამხედრო ბატალიონი ხელისუფლებას არ ემორჩილება, თავდაცვის სამინისტრო ეხმაურება
სოციალურ ქსელში, ყალბი გვერდების გამოყენებით ვრცელდება დეზინფორმაცია, თავდაცვის ძალების გარკვეული ქვედანაყოფის დაუმორჩილებლობის შესახებ, - ამის შესახებ თავდაცვის სამინისტროს მიერ გავრცელებულ განცხადებაშია ნათქვამი.
როგორც უწყებაში აცხადებენ, აღნიშნული ინფორმაცია წარმოადგენს სიცრუეს და საზოგადოების შეცდომაში შეყვანის მიზანმიმართულ მცდელობას.
"მოვუწოდებთ ყველას, თავი შეიკავონ ცრუ ინფორმაციის გავრცელებისგან“, - ნათქვამია განცხადებაში.
ცნობისთვის, ცოტა ხნის წინ სოციალურ ქსელში გავრცელდა ინფორმაცია, რომ სენაკის სამხედრო ბატალიონი ხელისუფლებას არ ემორჩილება.