მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რუსებმა უკრაინელებს მართლაც აუფეთქეს ათობით "ჰაიმარსი"... ოღონდ გასაბერი, რასაც ჩეხეთი, როგორც სატყუარას, სპეციალურად უკრაინისთვის ამზადებს
10:17 / 01-03-2023
რუსეთის თავდაცვის სამინისტროს ინფორმაციისა და მასობრივი კომუნიკაციების დეპარტამენტის უფროსმა იგორ კონაშენკოვმა მთელ მსოფლიოში იმით დაიმსახურა "საუკუნის მატყუარას" იარლიყი, რომ თავის ყოველდღიურ ოფიციალურ სატელევიზიო მოხსენებებში უკრაინელებს იმდენი ტანკი "აუფეთქა" და თვითმფრინავი "ჩამოუგდო", რამდენიც უკრაინის გენშტაბს არც დასიზმრებია...
გასაგებია, რომ ესეც საინფორმაციო ომის შემადგენელი ნაწილია და ამ მხრივ არც უკრაინული მხარეს ცოდავს ნაკლებად, მაგრამ კონაშენკოვი მაინც უნიკუმია, რომელსაც უკვე თვით ყველაზე ურაპატრიოტი რუსებიც კი დასცინიან, მაგრამ მერე რა? - პრეზიდენტმა პუტინმა კონაშენკოვს "ბრძოლა" საინფორმაციო ფრონტზე დაუფასა და მას გენერალ-ლეიტენანტის წოდება მიანიჭა: არადა, ეს კონაშენკოვი თავის სამხედრო კარიერას 1994-2008 წლებში საქართველოს აფხაზეთში, რუსი ე.წ. სამშვიდობოების რიგში იწყებდა.
კონაშენკოვს და შესაბამისად, თავდაცვის მინისტრ შოიგუს უფრო იმიტომაც დასცინიან, რომ რუსეთის თავდაცვის სამინისტროს ყოველდღიურ საინფორმაციო უწყებებში უკრაინის არმიას უკვე ასამდე "ჰაიმარსი" "გაუნადგურეს", მაშინ როცა მთელმა დასავლეთმა უკრაინას დღემდე არაუმეტეს 40 "ჰაიმარსი", "ემ-ელ-არ-სი" თუ "მარსი" გადასცა.
თუმცა რამდენიმე დღის წინ გავრცელდა ინფორმაცია, რომელიც ცრუპენტელა "გენერალ" კონაშენკოვის სახელს ნაწილობრივ მაინც პირს სწმენდს.
არა, რუსეთის დაზვერვას არ მოუპოვებია "აფეთქებული" "ჰაიმარსების" ერთი ფოტოც კი, უბრალოდ, კონკრეტულმა ჩეხურმა კომპანიამ პირველად გაასაჯაროვა და ვიდეოც აჩვენა იმისა, თუ როგორ ამზადებს ის უკრაინის არმიისთვის "ჰაიმარსებს"... ოღონდ გასაბერს...
სამხედრო ტექნიკის საიმიტაციო გასაბერი კონსტრუქციები დიდი ხანია გამოიყენება ჯარების საბრძოლო ტექნიკის შესანიღბად - ანუ ცრუპოზიციებზე გასაბერი ტანკები და საარტილერიო დანადგარები თავსდება, რომლებიც ვიზუალურად ძალიან ჰგვანან ნამდვილს და აღჭურვილი არიან სითბოს გამომყოფი ხელსაწყოებითა და რადიოტალღების ამრეკლი მეტალის კუთხოვანებით, რათა მოწინააღმდეგე ვიზუალური დაზვერვის გარდა, თბო- და რადიოლოკაციურ რეჟიმებშიც დარწმუნდეს, რომ მის წინ 41-ტონიანი ნამდვილი ტანკია და არა 41 კგ-იანი გასაბერი. ამიტომაც შეიძლება იმის დაშვება, რომ ცრუპენტელა "გენერალი" კონაშენკოვი რუსეთის მთელ თავდაცვის სამინისტროსთან ერთად მართლაც უნადგურებს უკრაინელებს "ჰაიმარსებს", ოღონდ გასაბერებს, და ამაში უამრავ ბევრად ძვირ მართვად რაკეტებსა და კამიკაძე-დრონებს ხარჯავს, ვიდრე რეზინისგან დამზადებული გასაბერი "ჰაიმარსი" ღირს. გააგრძელეთ კითხვა
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
