ვინ არის ახალგაზრდა ქალი, რომელიც ზღვაში გარდაცვლილი იპოვეს - "ადგილზე ჩავიდნენ ირინას ნათესავებიც, თუმცა მისი ცოცხლად პოვნის იმედი, პრაქტიკულად, არ არსებობდა"
რამდენიმე საათის წინ ცნობილი გახდა, რომ ქობულეთში, ზღვაში გარდაცვლილი ქალი იპოვეს. ის ბელარუსის მოქალაქე ირინა სლიუსარია. ახალგაზრდა ქალს, ზღვაში 22 თებერვლიდან ეძებდნენ. ცხედარი ქალაქ ქობულეთსა და შეკვეთილს შორის მდებარე ტერიტორიაზე იპოვეს.
როგორც ბელარუსული მედია წერს, ადგილზე ჩავიდნენ ირინას ნათესავებიც, თუმცა ქალის ცოცხლად პოვნის იმედი პრაქტიკულად არ არსებობდა.
გასულ კვირას 33 წლის სლიუსარი მეგობართან ერთად ნაპირზე სეირნობდა. მოულოდნელად მათთან მყოფი ძაღლი წყალში შევიდა და უცებ ტალღამ გაიტაცა. ცხოველის გადასარჩენად ორივე ქალი ზღვაში შევარდა, მაგრამ უშედეგოდ.
ირინას მეგობარმა ნაპირზე გამოსვლა მოახერხა, ახლა ის საავადმყოფოშია. თავად სლიუსარს ხუთი დღის განმავლობაში ეძებდნენ მაშველები და მოხალისეები. მხოლოდ დღეს შეძლეს ცხედარის პოვნა.
გარდაცვლილი მინსკში დაიბადა, დაამთავრა ბელარუსის სახელმწიფო სამხატვრო აკადემია. რამდენიმე წლის წინ სლიუსარმა ჩრდილოეთ დედაქალაქში თოჯინების თეატრი „მუსი და ციცინათელა“ დააარსა.
ირინას გარდაცვალების შესახებ ინფორმაცია საგარეო საქმეთა სამინისტრომ დაადასტურა.
"ამჟამად ტარდება ყველა საჭირო საგამოძიებო და საექსპერტო ღონისძიება. ბელარუსი დიპლომატები მზად არიან გარდაცვლილის ახლობლებს გაუწიონ საჭირო საკონსულო და იურიდიული დახმარება“, - წერს ბელორუსული მედია.