მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საკანონმდებლო ცვლილებების მიხედვით, ვანდალიზმის პირველ ფაქტზე მოქალაქე 300 ლარით, ხოლო მეორეზე - 500 ლარით დაჯარიმდება
12:15 / 15-02-2023
თბილისის მერის კახა კალაძის განცხადებით, საზოგადოებრივი სივრცეებში და მუნიციპალურ ტრანსპორტში ვანდალიზმის ფაქტების პრევენციის მიზნით, ადმინისტრაციულ სამართალდარღვევათა კოდექსში ცვლილებები მომზადდა.
როგორც მან დედაქალაქის მთავრობის სხდომაზე განაცხადა, ცვლილებების მიხედვით ვანდალიზმის პირველ ფაქტზე მოქალაქე 300 ლარის ოდენობით დაჯარიმდება, ხოლო განმეორებითი ფაქტი გამოიწვევს დაჯარიმებას 500 ლარის ოდენობით, ან ადმინისტრაციულ პატიმრობას.
დედაქალაქის მერის განცხადებით, არავის სიამოვნებს ვინმეს დაჯარიმება, მაგრამ პრევენციის მიზნით ამ ცვლილებების განხორციელება მნიშვნელოვანია.
"ძალიან ბევრია ვანდალიზმის ფაქტი და უმეტესად ამას აკეთებენ მოზარდები. უამრავი ვიდეო მასალა იქნა გავრცელებული ჩვენი მხრიდან, რომ ახალრეაბილიტირებულ სივრცეების დამტვრევა, განადგურება მიმდინარეობს მიზანმიმართულად. გარდა იმისა, რომ ინფრასტრუქტურა და ინვენტარი ზიანდება და მას ჩვენი მოქალაქეები ვეღარ იყენებენ, მის აღსადგენად და შესაცვლელად დამატებითი თანხების გამოყოფის საჭიროება ჩნდება, რაც შეიძლებოდა სხვა პრობლემებს მოხმარებოდა, ან სხვა პროექტები განგვეხორციელებინა და რა თქმა უნდა, ამით ჩვენი მოქალაქეები ისარგებლებდნენ. ფაქტია, რომ ამ მიმართულებით აუცილებელია პასუხისმგებლობის გამკაცრება, რათა ამ ვანდალურ ფაქტებს მოჰყვეს პრევენცია და რა თქმა უნდა, ამ ყველაფერში თითოეული ჩვენგანის როლი არის მნიშვნელოვანი, რომ ერთად ვებრძოლოთ ასეთ ფაქტებს. დღეს მოქმედი რეგულაციით სხვისი ნივთის დაზიანება ან განადგურება პასუხისმგებლობის დაკისრებას მხოლოდ იმ შემთხვევაში ითვალისწინებს, თუ დაზიანებული ან განადგურებული ნივთის ღირებულება 150 ლარს აღემატება. ჩვენ გვქონდა შინაგან საქმეთა სამინისტროსთან კომუნიკაცია და მთელი ამ ხნის განმავლობაში ერთად ვმუშაობდით და მოვამზადეთ საქართველოს ადმინისტრაციულ სამართალდარღვევათა კოდექსში ცვლილებები, რაც ითვალისწინებს მოედანზე, გზაზე, პარკში, სკვერში, მიწისქვეშა გადასასვლელში განთავსებული ინფრასტრუქტურის, ინვენტარის და საზოგადოების სარგებლობისთვის განკუთვნილი სხვა ობიექტის, მათ შორის, საგზაო ნიშნის, შუქნიშნის, გარესამეთვალყურეო კამერის განზრახ დაზიანება ან განადგურება, ასევე საზოგადოებრივი ტრანსპორტის განზრახ დაზიანება, ან ტრანსპორტში არსებული ინვენტარის განზრახ დაზიანება, ან განადგურება გამოიწვევს დაჯარიმებას 300 ლარით. იგივე ქმედების განმეორებით ჩადენა კი გამოიწვევს დაჯარიმებას 500 ლარის ოდენობით, ან ადმინისტრაციულ პატიმრობას. აღნიშნული კანონპროექტი წარედგინება პარლამენტს და იმედი მაქვს, რომ კანონმდებელთა მხარდაჭერას მიიღებს“, - განაცხადა კალაძემ.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რაებს ბოდიალობთ,ხელს უწყობთ?!...ისეთ ჯარიმა უნდა იყოს რომ შიშით გაფიქრებაც ვერ შეუძლოა რომ ,რამე დააზიანოს! გუშინ მეტროში ესკალატორზე 12-14 წლის ბიჭი იდგა და გამოზნულად აზიანებდა ესკალატორის კედელს..ვუყურე,ვუყურე და მერე მივეცი შემიშვნა..არ გაინტერესებთ რა მითხრა?- დეიდა,დაჟინებულად მიმზერდი და პატრული ხომ არ დავუძახოოო!...ა ბატონო თქვენი ლიბერალური კანონები
როგორც ყოველთვის სასჯელი მინიმუმია, ისევე როგორც მერაბიშვილის, უგულავას, სააკაშვილის და სხვ. მიერ ჩადენილი დანაშაულები აბსოლუტურად შეუსაბამოა მათ მიერ ჩადენილ დანაშაულებთან. მაგალითისათვის გეტყვით, რომ ჩემმა მეზობელმა, რომელმაც გატეხა ე.წ. კომერციული ჯიური და იქიდან წაიღო არაყი, და ალბათ მასზე დასაყოლებელი რამოდენიმე სასუსნავი, მიუსაჯეს 7 წელი. საწყალი სასმელზე იყო დამოკიდებული(ლოთი). ბატონ პრეზიდენტს და სხვა დანარჩენებს კი ფაქტიურად მაგაზე ნაკლები აქვთ მისჯილი და არც სურთ, რომ ასეთი მინიმალური სასჯელი მოიხადონ. ამიტომაა ასეთი მდგომარეობა... ვითხოვთ მეთ სიმკაცრეს.....