17
მაისიდღის ზოგადი ასტროლოგიური პროგნოზი
13 თებერვალს გავრცელებული ინფორმაციით, ჰურონის ტბის თავზე, აშშ-კანადის საზღვართან ამერიკელმა სამხედროებმა მორიგი მფრინავი ობიექტი ჩამოაგდეს. ეს იყო მე- 4 შემთხვევა, როდესაც ჩრდილოეთ ამერიკის საჰაერო სივრცეში უცნობი ობიექტი შეიჭრა, შესაბამისად, არ წყდება მითქმა-მოთქმა იმაზე, თუ რა წარმოშობის არის ეს ობიექტები. გაჩნდა იმგვარი ვარაუდებიც, რომ ისინი შესაძლოა, არამიწიერ ცივილიზაციას ეკუთვნოდეს. გაჩენილ კითხვებზე დასაბუთებული პასუხები არ ჩანს, რაც ადამიანების ფანტაზიას დიდ გასაქანს აძლევს და უცხოპლანეტელების თაობაზეც სულ უფრო მეტს ლაპარაკობენ...
მოკლედ, ამერიკულმა და კანადურმა თვითმფრინავებმა ამ თვეში უკვე ოთხი ამოუცნობი მფრინავი ობიექტი ჩამოაგდეს.
- 4 თებერვალი: ამერიკელები აგდებენ, სავარაუდოდ, სადაზვერვო საჰაერო ბურთს სამხრეთ კაროლინის სანაპიროსთან. ამერიკელი ჩინოსნების თქმით, ის ეკუთვნოდა ჩინეთს, რამდენიმე დღის განმავლობაში დაფრინავდა აშშ-ის საჰაერო სივრცეში და უთვალთვალებდა ამერიკის სამხედრო-სტრატეგიულ ობიექტებს. ჩინეთმა განაცხადა, რომ ბურთი მათი იყო და მხოლოდ და მხოლოდ ამინდის კვლევისთვის იყენებდნენ მას.
- 10 თებერვალი: აშშ აგდებს ამოუცნობ საფრენ ობიექტს ალასკის ჩრდილოეთ ნაწილში. როგორც ცნობილი ხდება, მას არ ჰქონდა რაიმე ტიპის ძრავა ან მართვის სისტემა.
- 11 თებერვალი: გამანადგურებელმა ჩამოაგდო ძალიან მაღალ სიმაღლეზე მფრინავი ობიექტი, რომელიც მდებარეობდა კანადის საჰაერო სივრცეში აშშ-ის საზღვრიდან 160 კილომეტრში. მას აღწერდნენ, როგორც ცილინდრის ფორმის და გაცილებით მცირე ზომის ობიექტს, ვიდრე ეს იყო მფრინავი ბურთი.
- 12 თებერვალი: ამერიკულმა გამანადგურებელმა ჩამოაგდო მე-4 ობიექტი გურონის ტბის სიახლოვეს.
4 თებერვალს ჩამოგდებული საჰაერო ბურთის ნამსხვრევები იპოვეს და საკვლევად წაიღეს. ჩინეთი კი ნარჩენების უკან დაბრუნებას ითხოვს.
აშშ-ს მთავრობაზე მზარდი ზეწოლის ფონზე, რათა განემარტა ვითარება ჩრდილოეთ ამერიკის ცაზე აღმოჩენილი და ჩამოგდებული ამოუცნობი ობიექტების შესახებ, თეთრმა სახლმა ორშაბათს საღამოს მოაწყო პრესკონფერენცია, რომლის დროსაც ადმინისტრაციის წარმომადგენელი ცდილობდა უპასუხა მოსახლეობისთვის შემაშფოთებელ კითხვებზე.
თეთრი სახლის ეროვნული უშიშროების საბჭოს სპიკერმა ჯონ კირბიმ თქვა, აუცილებელია განვასხვავოთ პირველივე ჩამოგდებული ობიექტი, რომელიც იდენტიფიცირებული იყო, როგორც მართვადი ჩინური სადაზვერვო ზონდი, შემდგომ ჩამოგდებული სამი ობიექტი განსხვავდებოდა პირველისგან როგორც ზომით, ასევე სხვა მახასიათებლებით. მათი წარმომავლობა და დანიშნულება ჯერ კიდევ გაურკვეველია.
კირბის თქმით, ეს ობიექტები იყო ბევრად უფრო პატარა, მოძრაობდნენ ბევრად უფრო დაბალ სიმაღლეზე, იყვნენ უკონტროლო და არ გააჩნდათ რაიმე ელემენტი, რომელიც მათ ფრენისას მანევრირების საშუალებას მისცემდათ. ცნობილია, რომ ერთი მათგანი ცილინდრული იყო, მეორეს კი რვაკუთხედის ფორმა ჰქონდა. ასევე უცნობია, თუ როგორ ახერხებდნენ ჰაერში გაჩერებას. კირბის თქმით, ჩამოგდებული ობიექტები მოსახლეობისთვის საფრთხეს არ წარმოადგენდა.
ჟურნალისტის კითხვაზე, თუ რატომ ჩამოაგდეს ისინი, კირბიმ უპასუხა, რომ პრეზიდენტი ბაიდენი ყოველთვის მიჰყვება სამხედრო სარდლობის რჩევას და ყველაფერს აკეთებს იმისათვის, რომ ამერიკელებს ჰიპოთეტური საფრთხეც კი არ დაემუქროთ.
კირბის თქმით, პირველი საჰაერო ბურთი საკმაოდ შთამბეჭდავი იყო. ის მოძრაობდა 18 000 მეტრის სიმაღლეზე, გაცილებით მაღლა, ვიდრე სამოქალაქო ავიაციის თვითმფრინავები დაფრინავენ. სამი სხვა ობიექტი კი გაცილებით დაბლა დაფრინავდა 6000-12000 მ-მდე სიმაღლემდე, რამაც ისინი ბევრად უფრო სახიფათო გახადა ავიახაზებისთვის. გარდა ამისა, მათ არ ჰქონდათ ძრავები და ქარის ეფექტმა მათი ტრაექტორია გაცილებით ნაკლებად პროგნოზირებადი გახადა.
კირბიმ განაცხადა, რომ ჩინეთი მაღალი სიმაღლის აეროსტატის პროგრამას აშშ-სა და მის მოკავშირეებზე თვალთვალისთვის მრავალი წლის განმავლობაში ახორციელებს.
მისი თქმით, სათვალთვალო პროგრამა თარიღდება სულ მცირე დონალდ ტრამპის ადმინისტრაციის დროიდან.
"ის მოქმედებდა წინა ადმინისტრაციის დროს, მაგრამ მათ ეს ვერ აღმოაჩინეს. ჩვენ აღმოვაჩინეთ, მივადევნეთ თვალი და ყურადღებით ვსწავლობდით, რომ რაც შეიძლება მეტი გაგვეგო. ვიცით, რომ ჩინეთის სახალხო რესპუბლიკის სათვალთვალო საჰაერო ბურთებმა ათობით ქვეყანაში შეაღწიეს, ჩვენი უახლოესი მოკავშირეებისა და პარტნიორების ჩათვლით“, - აღნიშნა ჯინ კირბიმ.
მისი თქმით, აშშ-ის ხელისუფლებას მეტი ეცოდინება, როდესაც ჩამოგდებული მფრინავი ობიექტების ნამსხვრევებს შეისწავლიან.
ჟურნალისტების კითხვებზე პასუხის გაცემისას კირბიმ ასევე დაარწმუნა, რომ არ არსებობს ნიშნები, რომლებიც მიუთითებენ იდუმალი ობიექტების შესაძლო არამიწიერ წარმოშობაზე. თუმცა, კითხვაზე, თუ რატომ არავინ აცხადებდა პრეტენზიას ამ ობიექტების საკუთრებაზე, მან უპასუხა: "ჩვენ ეს, უბრალოდ, არ ვიცით".
ხუთშაბათს, დაზვერვისა და სამხედრო ჩინოვნიკებმა კონგრესმენებს აცნობეს, რომ პირველი ჩამოგდებული ბურთი, აშკარად აგროვებდა სადაზვერვო მონაცემებს და გაშვებული იყო ჩინეთიდან. აშშ-ის ხელისუფლება მიიჩნევს, რომ პეკინმა შექმნა სადაზვერვო ბურთების ფლოტი სხვადასხვა კონტინენტზე ათობით ქვეყნის მონიტორინგისთვის.
ჩინეთის საგარეო საქმეთა სამინისტრომ საპასუხოდ განაცხადა, რომ გასული წლის განმავლობაში შეერთებული შტატებიდან 10-ზე მეტჯერ შეფრინდა საჰაერო ბურთებით ჩინეთის საჰაერო სივრცეში.
- გაუგებარი საფრთხე
თუ თებერვალში ჩამოგდებული პირველი ობიექტის წარმოშობასთან დაკავშირებით ყველაფერი მეტ-ნაკლებად ნათელია, ბოლო დღეებში განადგურებულ დანარჩენ სამ ობიექტზე ინფორმაცია კვლავ გაურკვეველია. ამერიკელი სამხედროები აგრძელებენ მათი ნარჩენების შესწავლას და მოუწოდებენ, რომ ობიექტები ამ ეტაპზე არ მიეწეროს არცერთ ქვეყანას.
"მე არ ვაპირებ მათ კლასიფიკაციას. ჩვენ მათ ობიექტებს ვუწოდებთ მიზეზთა გამო", - განუცხადა ჟურნალისტებს NORAD-ის ხელმძღვანელმა გენერალმა გლენ ვანჰერკმა.
"ვხედავთ ძალიან, ძალიან პატარა ობიექტებს, რომლებსაც აქვთ ძალიან დაბალი ამრეკლავი ზედაპირი."
ჟურნალისტებმა გენერალს ჰკითხეს, შეიძლება თუ არა ეს მფრინავი ობიექტები არამიწიერი წარმოშობის იყოს.
"დაზვერვასა და კონტრდაზვერვას დავუტოვებ ამას გასარკვევად. ამ დროისთვის მე არაფერს გამოვრიცხავ", - თქვა ვანჰერკმა.
CIA-ს ყოფილი ოფიცერი მარკ პოლიმეროპულოსი ამბობს, რომ მას არ ახსოვს საჰაერო სივრცის მსგავსი დარღვევების სერია. მსგავსი განცხადება გააკეთა აშშ-ს სენატის დაზვერვის კომიტეტის წევრმა მაიკლ ბენეტმაც და თქვა, რომ საზოგადოება იმსახურებს უფრო მნიშვნელოვან პასუხს ჩამოგდებულ ობიექტებზე, ვიდრე ამჟამად სამხედროები იძლევიან.
იხილეთ ასევე:
ეგ ინფორმაცია თავად აშშ-ს სპეცსამსახურების "შეგდებულია" და რაღაცაში სჭირდებათ. მსგავსი რამ მართლა რომ მომხდარიყო და რაიმე ამოუცნობი მფრინავი ობიექტი არათუ ჩამოეგდოთ, თუნდაც მხოლოდ დაეფიქსირებინათ, მკაცრად გაასაიდუმლოებდნენ და საჯაროდ არ გახდიდნენ.
აშშ-ის ცენტრალური სადაზვერვო სააგენტოს (CIA) ყოფილმა თანამშრომელმა ედვარდ სნოუდერმა განაცხადა, რომ ჩინეთის აეროსტატებთან და ამოუცნობ მფრინავ ობიექტებთან დაკავშირებული მოვლენები თუ განცხადებები არის აშშ-ის ხელისუფლების მცდელობა საზოგადოების ყურადღების გადატანა იმ გამოძიებიდან, რომელიც ტარდება ჩრდილოეთ ნაკადის მილსადენებზე მომხდარ აფეთქებებთან დაკავშირებით.
ამერიკელი პუბლიცისტის მიერ ჩატარებული გამოკვლევების შედეგად აშკარად იკვეთება, რომ მომხდარი აფეთქებების ბრძანება გასცა აშშ-ის პრეზიდენტმა ბაიდენმა.