მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სკანდალი ცნობილი თურქი მსახიობის გარშემო, რომელსაც საყვარელ ქალზე ძალადობა ბრალდება - კუნძულზე გადასახლებული ოზან გიუენის კარიერა და წარუმატებელი პირადი
12:35 / 11-02-2023
ცნობილი თურქი მსახიობი ოზან გიუენი ქართულმა საზოგადოებამ თურქული საკულტო სერიალით "დიდებული საუკუნით" გაიცნო, სადაც მან ოსმალეთის იმპერიის ვეზირის რუსტემ ფაშას როლი შეასრულა.
ოზანის სამსახიობო ბიოგრაფია მეოცე საუკუნის 90-იანი წლების ბოლოს დაიწყო. ოზანს ოცამდე როლი აქვს შესრულებული თურქულ ფილმებში, რომელთა შესახებ ფართო აუდიტორიამ პრაქტიკულად არაფერი იცის.
მოგვიანებით, ოზანი თურქეთში ერთ-ერთი ყველაზე ცნობილი კინო და სატელევიზიო მსახიობი გახდა. მას ჰყავდა ფანების უზარმაზარი არმია, რომელთა უმეტესობას ქალები შეადგენდნენ.
პოპულარობა არა მხოლოდ თურქეთში, არამედ მსოფლიოში მას შემდეგ მოვიდა, რაც სერიალში "დიდებული საუკუნე" ერთ-ერთი მთავარი როლი ითამაშა.
ბიოგრაფიული ფაქტები
თურქი კინომსახიობი გერმანიაში 1975 წლის გაზაფხულზე დაიბადა. მისი წარმოშობით თურქული ოჯახი თავიდან ბულგარეთში ცხოვრობდა, სადაც ოდესღაც ოსმალეთის იმპერიიდან მიგრირებული მათი წინაპრები დასახლდნენ. შვილის გაჩენამდე კი მისი მშობლები ემიგრაციაში წავიდნენ გერმანიაში.
გუვენი ისტორიულ სამშობლოში ათი წლის ასაკში დაბრუნდა. სკოლა თურქეთში დაამთავრა და სწავლა იზმირის მუნიციპალურ კონსერვატორიაში გააგრძელა, სადაც მსახიობობასა და დრამატურგიას სწავლობდა.
მოგვიანებით, ოზანმა სწავლა მიმარ სინანის სახვითი ხელოვნების უნივერსიტეტში, თანამედროვე ცეკვის განყოფილებაში გააგრძელა.
გუვენი შესანიშნავად საუბრობს რამდენიმე ენაზე: გერმანულ, ინგლისურ და თურქულ ენებზე.
სკოლის დასრულების შემდეგ ოზანი სტამბოლში მცირე თეატრის დასში მიიღეს, სადაც რამდენიმე წლის განმავლობაში მუშაობდა, სანამ ჯარში არ გაიწვიეს.
ოზანი ხშირად იხსენებდა ამ წლებს და ამბობდა, რომ მას ჯარი დაეხმარა დისციპლინის დაცვაში, ძლიერი ხასიათის ჩამოყალიბებასა და სირთულეების გადალახვაში. ეს თვისებები მას მსახიობის პროფესიაში დაეხმარა, განსაკუთრებით სერიალის "დიდებული საუკუნის" გადასაღებ მოედანზე.
სამსახიობო კარიერის პარალელურად ბიზნესშიც სცადა ბედი და სტამბოლში ცნობილი ფეხსაცმლის მაღაზიების ქსელი დააარსა.
სამსახიობო კარიერა
გუვენმა პირველი როლი ითამაშა ფილმში "ბალალაიკა". ამ როლმა მას არა მხოლოდ პოპულარობა, არამედ პირველი თაყვანისმცემლები შესძინა. როლისთვის SİYAD ჯილდო მიიღო, როგორც თურქეთის საუკეთესო ახალგაზრდა მსახიობმა. ფილმის პრემიერა 2000 წელს შედგა. ეკრანებზე სურათის გამოსვლისთანავე, ახალგაზრდა მსახიობმა რეჟისორებისგან უამრავი ახალი შეთავაზება მიიღო.
მის ნამუშევრებს შორის ყველაზე ცნობილი კინოროლებია: FI "კოსმოსური ელემენტი", "AROG", "მამაცი ოსმალები", "დრაკონის გზა", "დედის ჭრილობა".
მსოფლიო პოპულარობა კი „დიდებული საუკუნით“ მოვიდა, სადაც მან ოსმალეთის იმპერიის ვეზირის რუსტემ ფაშას როლი შეასრულა. სერიალი ეკრანზე 2011 წელს გამოვიდა და საერთო ჯამში, გადაღებულია პროექტის ოთხ სეზონში. სურათის სიუჟეტს საფუძვლად უდევს სულთან სულეიმან I- ის დროს მომხდარი რეალური მოვლენები.
პირადი ცხოვრება
ოზანს რაშიც არ გაუმართლა, ეს პირადი ცხოვრებაა. ის ერთადერთხელ იყო დაოჯახებული. 2003 წელს მისი რჩეული რეჟისორი თურკან დერია გახდა, რომელსაც ახალგაზრდა მსახიობი ჯერ კიდევ თეატრში მუშაობის დროს შეხვდა.
2004 წელს წყვილს ვაჟი ალი ატეში შეეძინა. რამდენიმეწლიანი ქორწინების შემდეგ კი განქორწინდნენ. მიზეზი მუდმივი უთანხმოება იყო. ოზანმა ცოლსა და შვილს ბინა და ყველა დანაზოგი დაუტოვა.
სკანდალი, რომელმაც თურქეთი შეძრა
განქორწინების შემდეგ თურქული მედია წერდა, რომ მსახიობს ხანმოკლე რომანი ჰქონდა მერიემ უზერლისთან. 2015 წელს ისინი დაშორდნენ, მაგრამ მეგობრული ურთიერთობა შეინარჩუნეს.
2020 წელი საბედისწერო აღმოჩნდა ოზანის ცხოვრებაში, რამაც აიძულა, რომ გაურკვეველი დროით დაეტოვებინა ტელეეკრანები. გიუვენს ბრალი საყვარელი ქალის დენიზ ბულუცუზის ცემაში დასდეს. ქალმა მსახიობის წინააღმდეგ სასამართლოში სარჩელი შეიტანა, მას ბრალი შეურაცხყოფაში, სხეულის განზრახ დაზიანებაში და თავისუფლების აღკვეთაში დასდეს. პროკურორმა 13 წლამდე პატიმრობა მოითხოვა. საზოგადოებისთვის შოკისმომგვრელი აღმოჩნდა ოზანის ძალადობაში დადანაშაულება. თურქეთში ცნობილმა სახეებმა გაავრცელეს ოფიციალური განცხადებები, სადაც საჯაროდ დაგმეს ქალზე ძალადობა.
მსახიობმა დენის ბულუცუზის წინააღმდეგ საპირისპირო სარჩელი შეიტანა, ქალი მორალური ზიანის მიყენებაში დაადანაშაულა. საქმე ამ დრომდე სასამართლოშია, მაგრამ განაჩენის გამოტანამდე ოზანი იძულებული გახდა დაეტოვებინა სერიალი „ბაბილონი“, რომლის გადაღებებშიც მონაწილეობდა და ასევე, სტამბოლი.
ოზანმა სტამბოლში, ლევენტში მდებარე სახლი სრულიად დააცარიელა და ბალიკესირის რაიონში მდებარე კუნძულზე გადავიდა საცხოვრებლად, სადაც დღემდე განმარტოებულია.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ცნობილი და თურქი მსახიობი ოქსიმორონია!!! თურქი, მსახიობი და ცნობილი??????
ქალს მარცხენა უვარგა კაცს მარჯვენა, ეტყობა სარკესთან იდგნენ