მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გარშემო განადგურებული შენობებია, სახლებს ცეცხლი უკიდია... ყველა გარეთაა, ყველას ეშინია" - რას ჰყვებიან თურქეთში მომხდარ დამანგრეველ მიწისძვრებს გადარჩენილი ადამიანები?
15:55 / 06-02-2023
თურქეთში მომხდარი დამანგრეველი მიწისძვრების შედეგად, გარდაცვლილთა რიცხვი ყოველწუთიერად იზრდება. ბოლო მონაცემებით, თურქეთსა და სირიაში 1500-ზე მეტი ადამიანია გარდაცვლილი, ათასობით კი დაშავებული.
თურქეთის სამხრეთით მდებარე ქალაქ გაზიანთეფში, რომლის სიახლოვესაც იყო გამთენიისას მომხდარი მიწისძვრის ეპიცენტრი, მოსახლეობამ ყველაზე მეტად იგრძნო ბიძგები და ნგრევაც ყველაზე მეტად ამ რეგიონში მოხდა.
"რხევა რომ ვიგრძენით, გვეძინა, გაგვიჭირდა გამორკვევა, შინიდან გასვლას ვერ მოვასწრებდით, ამიტომ დავრჩით და ბიძგების შეწყვეტას ველოდით. საშინელი ხმაური იყო, სახლი დამსხვრეული მინებით გაივსო“, - ჰყვება სინან შაჰანი, გაზიანთეფის მკვიდრი და აგრძელებს: - ელექტროენერგია გაითიშა, ბიძგები რომ შეწყდა, ტელეფონის ფანრების შუქზე ჩავიცვით და სასწრაფოდ გავედით სახლიდან, ჩვენი სახლი გადარჩა, მაგრამ ჩვენს სიახლოვეს ბევრს ყველაფერი გაუნადგურდა, ბევრი დაიღუპა".
ქალაქ პაზარჯიქის მკვიდრი, ნიჰათ ალტუნდაღი ამბობს, რომ მისი ოჯახიც ძლიერმა მიწისძვრამ გააღვიძა.
"ჩვენი სახლი გარედან ისე ჩანს, რომ თითქოს მყარად დგას, მაგრამ მიწისძვრის შემდეგ შიგნით ბზარები გაჩნდა. გარშემო განადგურებული შენობებია, სახლებს ცეცხლი უკიდია, სხვა შენობები კი თანდათან იბზარება. ჩვენგან სულ რაღაც 200 მეტრის მოშორებით მდგარი შენობა მთლიანად ჩამოინგრა. ყველა გარეთაა, ყველას ეშინია", - ამბობს ის.
"როცა ბიძგები დაიწყო, ჩემმა ცოლმა გამაღვიძა. ყველა მხრიდან საშინელი ხმები ისმოდა. დაახლოებით 2 წუთი გაგრძელდა რხევები“, - ყვება ერთ-ერთი მოქალაქე.
მიწისძვრას გადარჩენილი ერთ-ერთი მამაკაცი კი ყვება:
"ნანგრევებში კიდევ ბევრი ადამიანი რჩება... ამ კორპუსში ჩემი მეგობარი ცხოვრობს. მისი შვილები სულ ზედა სართულიდან იხსნეს, მაგრამ მისმა გოგონამ ხელი მოიტეხა".
წყარო: theguardian
მოამზადა: ანა სიბოშვილმა
00:00 / 00:00
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პირველი, ნაწილი... მეორე აუცილებლად იქნება!!!
გენაცვალე თბილ გულში, ზუსტად მაგის დაწერას ვაპირებდი, არაფერია წუთისოფელი, ვაკეთოთ სიკეთე ასეთ დროს მაინც გავერთიანდეთ!