მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბევრჯერ ჩავედი ქალბატონ ნინოსთან და მოვითხოვე კადრის დამატება... სააკაშვილთან შესვლა სტრესია და ამის გამო მუშაობა არ უნდათ" - რა ჩვენება მისცა "ვივამედის" ექთანმა?
15:38 / 01-02-2023
მე და მიხეილ სააკაშვილს გვაქვს ნორმალური, კარგი ურთიერთობა. ჩემ მიმართ მას აგრესია არ ჰქონია - ბოლო დროა დამხმარე საშუალებით გადაადგილდება და ბოლო მორიგეობაზე საპირფარეშომდე ეტლით მიმაყვანინა თავი, - ამის შესახებ კლინიკა „ვივამედის“ მედდამ ქეთევან ღვინიანიძემ სასამართლო პროცესზე განაცხადა.
მისივე თქმით, მას პაციენტი, კვების გარდა, უარს არაფერზე ეუბნება.
"მე და მიხეილ სააკაშვილს გვაქვს ძალიან კარგი ურთიერთობა, რაც შეიძლება იყოს მედპერსონალსა და მის პაციენტს შორის. ძალიან მენდობა, არაფერზე უარს არ მეუბნება, კვების საკითხის გარდა. გვაქვს ნორმალური, კარგი ურთიერთობა. ჩემ მიმართ აგრესია არ ჰქონია. დინამიკაში მისი ჯანმრთელობის მდგომარეობა გაუარესებულია. დღითიდღე სუსტდება, იმიტომ, რომ არ იკვებება სრულფასოვნად, ვერ თუ არ იღებს საკვებს, ამას ვერ გეტყვით. ადამიანი იკლებს, არის სუსტად. როგორც მედიკოსს, გული მტკივა. იყო დრო, როცა ის საერთოდ არ სვამდა წამლებს. არის რაღაც მედიკამენტი, რომელზეც მეუბნებოდა, რომ მსხვილია და ვერ ვსვამო - ვერ თუ არ სვამდა, ეს არაა ჩემი გადასაწყვეტი. სხვა პროცედურებზე ჩემთვის მას უარი არ უთქვამს, თუ არ ჩავთვლით ბოლო კვირას, როცა მას სჭირდება ხელოვნური კვება ანუ იმ პრეპარატების მიცემა, რაც მისთვის აუცილებელია და რაზეც მან კატეგორიული უარი განაცხადა“, - განაცხადა ქეთევან ღვინიანიძემ.
მისივე თქმით, მას აქვს უფლება უარი თქვას ამა თუ იმ მედიკამენტსა და გადასხმაზე, რადგან არ იმყოფება უგონო მდგომარეობაში.
"აქამდე საკვები მასთან მე შემქონდა. ბოლო ერთი თვეა, გიული ალასანიას შეაქვს და ის ესწრება მის კვებას. თუ რაიმეს იღებს, იღებს მცირე ოდენობით, რადგან ეს მის წონას ეტყობა. ჩემს მორიგეობაზე, დამიძახა ბადრაგმა, ოდნავ ხმაური გაიგონა, წამიერად იქვე ვიყავით და იმ წუთასვე შევედი, ვნახე მუხლებზე დავარდნილ მდგომარეობაში. გონების კარგვა ჩემი თვალით არ მინახავს. მოვიდა ბადრაგი და ამაყენებინეს, დავაწვინეთ, შემოვიდა მორიგე ექიმი, ჩამოვიყვანეთ ნევროლოგი და შემდეგ დილით ენცეფალოგრამაც გადავუღეთ. ბოლო დროა დამხმარე საშუალებით გადაადგილდება და ბოლო მორიგეობაზე საპირფარეშომდე ეტლით მიმაყვანინა თავი. ბოლო ორი თვეა უჭირს ჩაცმა, მკლავის აწევა და რაღაცები, ვეხმარებით. მე არასდროს შევსწრებივარ ფაქტს, რომ მედპერსონალს ესვრის საგნებს“, - განაცხადა ღვინიანიძემ.
მისივე თქმით, მიხეილ სააკაშვილთან მუშაობა ძალიან დიდი პასუხისმგებლობაა.
"ძალიან ბევრჯერ ჩავედი მე ქალბატონ ნინოსთან და მოვითხოვე კადრის დამატება, ამიტომაც მომიწია მე მასთან მორიგეობა, რაც მე არ მეკუთვნოდა არანაირად. არ უნდათ მუშაობა, მაგრამ აქ არის რამდენიმე მიზეზი, რატომაც არ უნდათ მუშაობა. მასთან მუშაობა ძალიან დიდი პასუხისმგებლობაა, თუნდაც ის, რომ მე ახლა აქ ვდგავარ პირველად, ესეც ხომ სტრესია და ძალიან ბევრი სხვა რამ, თუნდაც სოციალურ ქსელში ჩვენი კლინიკის და ჩვენი ოჯახების ლანძღვა, უდიერად მოპყრობა. მე „ჩვენს“ იმიტომ ვამბობ, რომ კონკრეტულად მე არ მერჩის ბატონი მიხეილი, არასდროს, მაგრამ ჩემი კლინიკა და ჩემი თანამშრომელი არის ჩემი და გამოდის, რომ ეს მე მეხება. აი, ამის გამო არავის არ უნდა მუშაობა, თორემ ბატონ მიხეილთან მე პირადად პრობლემა არ მაქვს. ძალიან დიდი სტრესია და ამ სტრესების გამო არ უნდათ მასთან მუშაობა. რაც შემეხება მე, მე ცხოვრებაში იმხელა სტრესი მივიღე შვილის დაღუპვის შემდეგ, რომ არაფერი არ არის სტრესი და გაუსაძლისი ამ ქვეყანაზე. ასე რომ, მე თავისუფლად შემიძლია მასთან ყველანაირად ვიმუშაო და ეს ყველაფერი ავიტანო, ვგულისხმობ გარემო სიტუაციებს. ჩემს მიმართ მიხეილ სააკაშვილი ცუდად არ არის განწყობილი“, - განაცხადა ქეთევან ღვინიანიძემ.
ნახეთ ასევე:
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რაც გააკეთა მიხეილმა იმას იმკის
თუმცაღა მართლაც მეცოდეა..
მან აირჩია ეს გზა დაე ბოლომდე გავიდეს..
აი, კიკიმორა ნადირაძე რომ მთავარი ექიმი იქნება, იქ კლინიკის ექთნებს და ექიმებსაც მაღალი სანდოობა ვერაფრით ექნება... არც სასამართლოა ავტორიტეტული ამ ქვეყანაში და, შესაბამისად, სრული ქაოსია ამ და ნებისმიერ სხვა საკითხზეც... მღვრიე წყალში მოყურყუმალე ქოცების ლიდერიც ამით ქაჩავს ამდენი ხანი.. მაგრამ მალე გამოიყვანენ სუფთა წყალზე..