მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
კვირა, მთვარის ოცდამეერთე დღე დაიწყება 02:39-ზე, მთვარე მერწყულში იქნება 09:27-დან
კარგი დღეა ფინანსური საკითხების მოსაგვარებლად; გუნდური მუშაობისთვის; ვაჭრობისთვის. კარგია საერთო მიზნისთვის გაერთიანება, მომავლის დასახვა. კარგია მგზავრობა, მივლინება; საქმიანობის შეცვლა. მოაგვარეთ საოჯახო საქმეები; დაისვენეთ. კარგი დღეა ქორწინებისა და ნიშნობისათვის. ერთგულების ფიცის დასადებად; მავნე ჩვევებისგან გასათავისუფლებლად. ნუ გადატვირთავთ ღვიძლს. გაისეირნეთ სუფთა ჰაერზე. არ დაძაბოთ და გადაღალოთ თვალები. კარგი დღეა დასვენებისთვის, შიმშილისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სამომხმარებლო სესხი და 7000-დოლარიანი ავტომობილი - ლევან ხაბეიშვილის ქონება, პოლიტიკური გზა და პირადი ცხოვრება
19:19 / 30-01-2023
30 იანვრიდან "ნაციონალურ მოძრაობას“ ახალი თავმჯდომარე ჰყავს. არჩევნების შედეგად ოთხი კანდიდატიდან ლევან ხაბეიშვილმა სამი კონკურენტი, მათ შორის, ნიკა მელია დაამარცხა და ამომრჩეველთა ხმების 52,58% მიიღო.
ვინ არის ხაბეიშვილი, საიდან მოვიდა პოლიტიკაში, რა ქონებას ფლობს და ვინ არიან მისი ოჯახის წევრები - ენმ-ს ახალი თავმჯდომარეზე მოგიყვებით:
- ბიოგრაფიული დეტალები
პროფესიით ეკონომისტი ხაბეიშვილი 1987 წლის 7 მაისს თბილისში დაიბადა. უმაღლესი განათლება ახალგაზრდა მეცნიერთა ასოციაციასთან არსებულ უნივერსიტეტ "მცირე აკადემიაში" მიიღო. 2006 წლიდან სოციალური კვლევის ინსტიტუტ "ბი-სი-ჯი"-ში მუშაობდა.
"2008-2010 წელს უკვე დედაქალაქის მერიაში, კერძოდ, ისან-სამგორში ახალგაზრდულ საქმეთა განყოფილების ხელმძღვანელად ვმუშაობდი, 2010-2012 წლებში კი ისან-სამგორის რაიონში სპორტის კომიტეტის ხელმძღვანელად," - ამბობს ხაბეიშვილი.
2012 წლიდან 2013 წლის მაისამდე ის მაშინდელი პრეზიდენტის, მიხეილ სააკაშვილის ადმინისტრაციის ფინანსურ სამსახურში წამყვან სპეციალისტად მუშაობდა. ამბობს, რომ 2013 წლის მაისიდან 2014 წლის აგვისტომდე, სანამ მერიიდან "უკანონოდ გაათავისუფლებდნენ, რაც სასამართლოს სამმა ინსტანციამაც დაადგინა," დედაქალაქის მერიის სოციალური მომსახურებისა და კულტურის საქალაქო სამსახურში უფროსის მოადგილის პოზიციაზე მუშაობდა.
შეგახსენებთ, რომ ლევან ხაბეიშვილი 2012 წელს "ერთიანი ნაციონალური მოძრაობის" საარჩევნო სიაში, 153-ე ადგილს იკავებდა, 2014 წლის ადგილობრივი თვითმმართველობის არჩევნებში კი "ერთიანი ნაციონალური მოძრაობის” მაჟორიტარი დეპუტატობის კანდიდატი გახლდათ.
მოულოდნელად, ხაბეიშვილი ჩნდება პარტიაში "პაატა ბურჭულაძე სახელმწიფო ხალხისთვის." ის ასევე იყო გიორგი ვაშაძის მიერ დაფუძნებული პარტია "ახალი საქართველოს" წევრი და ერთ-ერთი ლიდერი. მისივე თქმით, "ახალ საქართველოში" "ნაციონალური მოძრაობის" მაშინდელ ლიდერებთან დაპირისპირების გამო გადავიდა.
2021 წელს "ტვ-პირველის" ეთერში ხაბეიშვილმა ვაშაძის შესახებ თქვა:
“მიმაჩნია, რომ გიორგი ვაშაძე ძალიან ჭკვიანი ახალგაზრდაა, თუმცა ვფიქრობ, პოლიტიკაში იმდენი შეცდომა აქვს დაშვებული, როგორც პოლიტიკოსი, არ გამოდგა, დრომ აჩვენა. მისი ჭკუის და ნიჭიერების გამოყენება ალბათ შესაძლებელია ქვეყნის საკეთილდღეოდ, თუმცა როგორც პოლიტიკოსი ვერ შედგა. ახლაც ოპოზიციური ფლანგის ლანძღვით უნდა რომ დაიმკვიდროს ადგილი და ეს მიანიშნებს მხოლოდ სისუსტეზე. ძლიერი ადამიანები პირიქით იქცევიან“.
ლევან ხაბეიშვილმა 2017 წლის ადგილობრივი თვითმმართველობის არჩევნებში მონაწილეობა ისევ "ერთიანი ნაციონალური მოძრაობის" პარტიული სიით მიიღო. ის ნიკა მელიას მხარდამხარ საარჩევნო ბუკლეტებსაც არიგებდა.
2020 წლიდან ლევან ხაბეიშვილი საქართველოს X მოწვევის პარლამენტის წევრია, "ნაციონალური მოძრაობის" რიგებიდან.
- ქონებრივი დეკლარაცია
2022 წელს ქონებრივ დეკლარაციებში დარღვევების გამო, შემოწმებულ თანამდებობის პირთა 36% დაჯარიმდა. მათ შორის იყო ლევან ხაბეიშვილიც. 2022 წლის განმავლობაში შემოწმებული 377 თანამდებობის პირიდან, 39 პარლამენტარი იყო. 6 დეპუტატის დეკლარაცია დადებითად შეფასდა, 27 - დაჯარიმდა, 3 -ს გაფრთხილება მისცეს, ხოლო 3 დეპუტატის დეკლარაციის მონიტორინგი შეწყდა.
ერთ-ერთი დეპუტატი, რომლის ქონებრივი დეკლარაციაც უარყოფითად შეფასდა და დაჯარიმდა, გახლდათ "ერთიანი ნაციონალური მოძრაობის" ახლანდელი თავმჯდომარე ლევან ხაბეიშვილი. საჯარო სამსახურის ბიუროს მიერ გამოქვეყნებული ანგარიშით, დაჯარიმების მიზეზი გახდა: ბიუროს მიერ მოთხოვნილი საბანკო დოკუმენტაციის არასრულყოფილად წარდგენა. ამასთან, მათი შეფასებით, დეკლარაციაში არ არის მითითებული ინფორმაცია თანამდებობის პირის სამეწარმეო საქმიანობის შესახებ.
დეკლარაცია ლევან ხაბეიშვილს, როგორც პარლამენტის წევრს, 2022 წლის თებერვალში აქვს შევსებული.
დეკლარაციის მიხედვით, მის სახელზე არ ფიქსირდებოდა უძრავი ქონება. მის საკუთრებაშია მსუბუქი ავტომობილი Toyota Highlander-ი, რომელიც 2020 წელს 7 000 დოლარად შეიძინა.
დეკლარაციის შევსების მომენტში სახელფასო ანგარიშზე 9 334 ლარი, ხოლო საკრედიტოზე ჯამში - 2 179 ლარი ჰქონდა. ამასთან, პარლამენტის წევრის პოზიციაზე მისმა შემოსავალმა გასულ წელს 42 412 ლარი, ხოლო თბილისის საკრებულოს წევრის პოზიციაზე 2021 წლის 1-ელ 5 თვეში 12 864 ლარი შეადგინა. მასვე უფიქსირდება 23 500 ლარის მოცულობის სამომხმარებლო სესხი.
- პირადი ცხოვრება
ლევან ხაბეიშვილის ორი შვილი ჰყავს, მეუღლეს კი გაცილებულია. მისი ყოფილი მეუღლე ლიკა ნიკოლაიშვილი მისი აქტიური მხარდამჭერია და სოციალურ ქსელში ხშირად ლეცან ხაბეიშვილის მხარდამჭერ პოსტებს. "მეგობრებო, გაიარეთ რეგისტრაცია, ხმა მიეცით ღირსეულ კანდიდატს...“ - ამ ტექსტით უჭერდა მხარს ლევან ხაბეიშვილს, დღეს მილოცვებიც მიიღო.
- ხაბეიშვილის იმიჯი
ცოტა ხნის წინ, ჯერ კიდევ კანდიდატობის დროს, ლევან ხაბეიშვილმა განაცხადა, რომ სოციალურ ქსელებსა და პოლიტიკურ წრეებში მას იმის გამო აკრიტიკებენ, რომ ბრენდული სამოსი არ აცვია. როგორც ხაბეიშვილი ამბობს, ამის გამო მას პარტიის თავმჯდომარეობისთვის იწუნებენ.
"ქირქილებენ, რომ ხაბეიშვილი გოიმია, სოფლელია, ბრენდულები არ აცვია და ლილოში ყიდულობს ტანსაცმელს.. მე წარმოვადგენ მშრომელ, წესიერ, პატიოსან ხალხს და არა ვიწრო პრივილეგირებულს, "ელიტას."
დიახ, პარლამენტარი ლევან ხაბეიშვილის პედაგოგი დედა დღეს, გაზის აღმრიცხველად მუშაობს სამგორის რაიონში და კარდაკარ დადის, მამაჩემი ინჟინერი კაცი იყო და არასდროს უთაკილია შრომა...
რომ დაჭირდა ოჯახს, გაზგასამართის დაცვაში იმუშავა და ღამეებს ათენებდა, ჩემი მაიორი ძმა ამერიკაში ტრაილერის მძღოლია - ვამაყობ ჩემი ქართული, ტრადიციული, ქრისტიან-მართმადიდებლური ოჯახით და მისი თითოეული წევრით", - ამბობდა ხაბეიშვილი "ტვ პირველის" ეთერში.
მის იმიჯზე აქცენტი გააკეთა ნანუკა ჟორჟოლიანმა "პალიტრანიუსის“ ეთერში, თუმცა ცხადია, ამ შემთხვევაში ჟურნალისტი მის არაბრენდულ სამოსს არ გულისხმობდა.
"არასწორი კანდიდატი შეარჩია ხაბეიშვილი, მე როგორც ვიცი, ის ყველასთვის მისაღები არ იყო. მე როგორც კეზერას ვიცნობ, მის გემოვნებაში ხაბე ვერ ჩაჯდება. საუკეთესო იქნებოდა ხატია დეკანოიძე თუ დათანხმდებოდა, მაგრამ არ დათანხმდება, სადაც ვიღაცის თოჯინა უნდა იყოს, არ დათანხმდებოდა ამაზე ხატია...“ - ამბობდა ნანუკა ჟორჟოლიანი.
- ტიკ ტოკი
ხაბეიშვილი აქტიურია სოციალურ ქსელში. ყოველდღიურად იყენებს "ფეისბუქს," აქვს მხარდამჭერი რამდენიმე ჯგუფი და აქტიურია "ტიკ-ტოკშიც." მაგალითად, ვიდეო, სადაც ხაბეიშვილი სახტუნაოთი ვარჯიშობს, დღეს სოციალურ ქსელში ყველაზე ხშირად ზიარდებოდა.
საინტერესოა ის ფაქტი, რომ ხაბეიშვილს "ინსტაგრამზე" თავისი პროფილი დახურული აქვს, თუმცა როგორც გამოქვეყნებული პოსტების რაოდენობიდან ჩანს, აქტიურობა არც იქ ეზარება.
ნახეთ ასევე:
მკითხველის კომენტარები /
38 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
იცნობდეთ მომავალ შალიკოს✌️
რა გინდა შვილო.სად შეყავი თავი