"საქართველოსა და რუსეთს შორის სრულფასოვანი დიპლომატიური ურთიერთობა უნდა აღდგეს" - სერგეი გავრილოვი

რუსეთის დუმის დეპუტატის, სერგეი გავრილოვის განცხადებით, აუცილებელია აღდგეს რუსეთსა და საქართველოს შორის არა მხოლოდ ავიამიმოსვლა, არამედ სრულფასოვანი დიპლომატიური ურთიერთობა. ამის შესახებ გავრილოვმა News.ru-სთან საუბრისას განაცხადა.

• მისი თქმით, უნდა არსებობდეს საელჩო და საკონსულო, რაც ხელს შეუწყობს ამ ქვეყანაში რუსეთის კონტაქტების გაფართოებასა და საქართველოში მყოფი რუსეთის მოქალაქეების მხარდაჭერას.

"უკრაინის საკითხზე საქართველოს დამოუკიდებელი პოზიციისა და რუსეთის წინააღმდეგ დაწესებულ სანქციებთან დაკავშირებული პოზიციის გათვალისწინებით, აუცილებელია აღდგეს არა მხოლოდ საჰაერო კომუნიკაციები, არამედ სრულფასოვანი დიპლომატიური ურთიერთობები ჩვენს ქვეყნებს შორის.

საელჩოსა და საკონსულო სამსახურის არსებობა ხელს შეუწყობს ჩვენი კონტაქტების გაფართოებას და საქართველოში ჩვენი მოქალაქეების მხარდაჭერის შესაძლებლობას", - ამბობს გავრილოვი.

მისივე თქმით, ურთიერთობების აღდგენა ხელს შეუწყობს სავაჭრო ბრუნვის გაზრდას და ტურიზმის განვითარებას.

"უნდა გაიზარდოს ავიაკომპანიების რაოდენობა, რომლებიც განახორციელებენ გადაზიდვებს რუსეთსა და საქართველოს შორის“, - აცხადებს გავრილოვი.

• ნახეთ ასევე:
• "საქართველო რუსეთის წინააღმდეგ სანქციებთან მიერთებაზე დასავლეთისგან ზეწოლას განიცდის, თუმცა ქვეყნის მთავრობას აქვს გამბედაობა... ეს შესაქებია" - ლავროვი
• "ასეთი გადაწყვეტილება ჩვენთვის არის მისასალმებელი" - ირაკლი კობახიძე რუსეთიდან ფრენების აღდგენაზე