მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ტყუილია... ბანკშიც ადამიანები ვმუშაობთ და ჩვენც გვყავს ახლობლები... " - რას პასუხობენ "საქართველოს ბანკიდან" აკა სინჯიკაშვილის ბრალდებას?
11:36 / 13-01-2023
"საქართველოს ბანკის" წარმომადგენელი სამოქალაქო აქტივისტ აკა სინჯიკაშვილის ბრალდებას პასუხობს, რომელმაც "ფეისბუქის" გვერდზე გამოაქვეყნა პოსტი. მისი მტკიცებით, ბანკის წარმომადგენლებმა უსახლკარო პირს, რომელიც შენობაში ღამის გასათევად შევიდა, ისეთი პირობები შეუქმნეს, რომ იქაურობა დაეტოვებინა.
"საქართველოს ბანკის ფილიალში, თანამშრომლებმა შეამჩნიეს, რომ რამდენიმე დღის განმავლობაში მოხუცი ქალი ღამით სითბოში შედიოდა და იძინებდა. რაღაცა სასწაულით გუშინ ჯერ სითბო გამოირთო ვესტიბიულში. დღეს ნახეს, რომ ქალი მაინც მივიდა, რომ თოვლს მაინც მორიდებოდა. ამაზეც მოიფიქრეს გამოსავალი და სითბოს გამორთვის გარდა, ბოლომდე გაღებული დატოვეს კარი, ისე, რომ შიგნით გაჩერებას აზრი არ ჰქონდეს. ამ რამდენიმე დღეში, მთელს ამ პროცესს ჩემი თვალით ვუყურე, თავის თანამშრომლებთან ყველა დიალოგით და ჩემთან აზრი არ აქვს იმ დებილობის თქმას, რომ რიგრრიგობით გაფუჭდა ამ ორ დღეში ყველაფერი. ბებო ამაღამაც თბილად დაიძინებს და ხვალ საერთოდ სასწაულ ამბავს ვუმზადებთ. მაგ საქციელს კი ვაბშე არასოდეს არაფერი არ ეშველება. ვერცერთი ფულით ვერ იყიდი ადამიანობას. ამწამსაც ასეა, შავი ზღვის ქუჩის კვეთაზე. შეგიძლიათ თქვენც შეამოწმოთ. გული მერევა ასეთ საქციელზე და ამაზე თვალის დახუჭვა, მაგაზე მეტი დანაშაულია." - წერდა სინჯიკაშვილი "ფეისბუქში".
"მსგავსი სტატუსები არ მჩვევია, მაგრამ უნდა დავწერო. გვადანაშაულებენ, თითქოს ადამიანს, რომელიც ჩვენს ფილიალს აფარებდა თავს (და რომელსაც თანამშრომლებმა შესთავაზეს კიდეც საცხოვრებელი) ძალით შევუქმენით ისეთი პირობები, რომ ფილიალში ღამე ვერ გაეთენებინა. ტყუილია. ჩვენთვის, "საქართველოს ბანკის" თითოეული თანამშრომლისთვის სრულიად მიუღებელია ასეთი დამოკიდებულება. ბანკშიც ადამიანები ვმუშაობთ და ჩვენც გვყავს ახლობლები. განზრახ კარი ღია არავის დაუტოვებია. მწყობრიდან გამოვიდა მექანიზმი. ასევე, ერთ-ერთი კომენტარის ავტორი, რომელსაც სამუშაო ადგილად "საქართველოს ბანკი" უწერია, ტყუის. დანამდვილებით შემიძლია გითხრათ, რომ ( ბიწაძე ნანა) არათუ მარკეტინგში, საერთოდ "საქართველოს ბანკშიც" კი არ მუშაობს. ძალიან საწყენია და როგორც ჩანს, სხვებისთვის მარტივი, ასე ხელაღებით დაადანაშაულო სხვები ბოროტებაში" , - დაწერა "საქართველოს ბანკის" მედიასთან ურთიერთობის გუნდის უფროსმა ნინო ფოფხაძემ.
მკითხველის კომენტარები /
48 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კერძო დაწესებულება არ არის თავშესაფარი. ცოტა ხნით შეიძლება გათბე დავუშვათ, მაგრამ ღამის გათევა არ მიმაჩნია სწორად. ქალაქს თავშესაფარი რამე ექნება, სადაც ქუჩაში დარჩენილს ღამის გათევა შეეძლება. თუ არ გვაქვს ასეთი, მაშინ საზრუნავია რომ გავაკეთოთ
ლიბერთი პენსიონერებს ემსახურება.ეგეთი შემთხვევები ბევრია.გასაცოდავებული პენსიონერები გასათბობად შედიან და იყო შემთხვევა სკამები გადამალეს,რომ ფეხზე დიდხანს ვერ გაჩერდებოდნენ....ასე რომ ბანლკების გულცივობა გასაკვირი არააა.მომსახურე პერსონალი არაფერშუაშია....იმათ თავისი გაჭირვება აქვთ კაპიკეპზე მუშაობენ და თავში წამორტყმის მეტი არაფერი უნახავთ ხელმძღვანელობისგან.