მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საშობაო ბაზრობა თბილისში და ყველაზე გემრიელი ადგილი ორბელიანზე
11:49 / 09-01-2023
რა შეიძლება იყოს საშობაო ბაზრობაზე უფრო ჯადოსნური, ზღაპრული, მიმზიდველი და დასამახსოვრებელი? სწორედ აქ იღებ ნათელ შთაბეჭდილებებს, იძირები ემოციების ზღვაში და თავს პატარა ბავშვად გრძნობ, რომელსაც ჯერ კიდევ სჯერა მაგიის.
წელს, ნამდვილ ახალი წლის განწყობას ორბელიანის მოედანზე შეიგრძნობთ! საკმაოდ დიდი ტერიტორია ნამდვილ საშობაო სოფლადაა ქცეული. ცას ფერადი განათებები ანათებს, სადღესასწაულო სული და ბევრი ხალხი ტრიალებს გარშემო. ლამაზი შენობები მხიარული საშობაო სცენებითაა გაფორმებული.
გლინტვეინის და შემწვარი სოსისების, დაბრაწული წაბლის და სხვა, გემრიელი არომატები ტრიალებს ჰაერში, ისინი აქ, ღია ცეცხლზე იწვება!
როდესაც რაიმე ახალი კულტურული ფენომენი შემოდის ჩვენს ცხოვრებაში, განსაკუთრებით ინგლისური სახელით, ჩვენ მას ყველაზე ხშირად წარმოვადგენთ, როგორც რაღაც სრულიად ახალ და, რა თქმა უნდა, ძალიან თანამედროვეს. თუმცა, ხშირად, ის უბრალოდ საკმაოდ მივიწყებული ძველი აღმოჩნდება, რომელიც ადრე არსებობდა ჩვენს ყოველდღიურ ცხოვრებაში. ეს შეიძლება ითქვას ქუჩის საკვებზე, რომელსაც დღეს საყოველთაოდ Street Food-ით მოიხსენიებენ!
საშობაო ბაზრობაზე Street Food-ის უამრავი არჩევანია: ბურგერები, სენდვიჩები, სარდელები, სოსისები – აქ ხინკალსაც კი დააგემოვნებთ. მაგრამ ეს ყველაფერი უკვე კარგად ნაცნობია ჩვენთვის. ჩემი ყურადღება ყველაზე განსხვავებულმა საკვებმა მიიპყრო. “გუნდას” ჯიხურში წარმოდგენილმა მენიუმ, ძალიან უცნაური სახელებით, დანახვისთანავე დამაინტერესა და არჩევანი სწორედ “გუნდაზე” შევაჩერე.
“კოტორი”, “ჭლაკვიანი”, “ლუკვნე” და სხვა, საინტერესო სახელებმა ინტუიციურად მიმახვედრა, რომ საქმე რაღაც ძველ ქართულ ტრადიციულ კერძებთან მქონდა. “გუნდა” აღმოჩნდა არტიზანული სახაჭაპურე. “გუნდას” ჯგუფმა მოიკვლია და შეაგროვა ძველი ტრადიციული ხაჭაპურის რეცეპტები და ჩემთვის სრულიად უცნობი, ხაჭაპურის ძალიან საინტერესო ვერსიები გააცოცხლა.
“ჭლაკვიანის” და “ლუკვნეს” დაგემოვნება გადავწყვიტე. როგორც “გუნდას” მცხობელმა მითხრა, ჭლაკვიანი არის სვანური ხაჭაპური, რომელიც კეთდება ნარჩვის ყველით და ემატება ველური მწვანე ხახვი, რომელსაც სვანები ეძახიან ჭლაკვს და ყველთან კომბინაციაში ძალიან გემრიელია. სახელიც აქედან მოდის. “ლუკვნეც” სვანური ხაჭაპურია, რომელიც კეთდება ყველით, ფეტვითა და კანაფის ზეთით. ცომი ორივეს აქვს უსაფუარო, თხელი და საოცრად გემრიელი.
ორივე იმდენად საინტერესო და უცნაურად გემრიელია, რომ უბრალოდ აუცილებელია, ცხოვრებაში ერთხელ მაინც გასინჯო და გემო გაუგო ჩვენი ქვეყნის წარსულს.
პატარა ხის სახლებში უამრავი ქართული ბრენდის ნაირსახეობაა წარმოდგენილი. აქ ნახავთ არომატული სანთლების ჯიხურს, ნაძვის ხის ხელნაკეთ სათამაშოებს, ხელნაკეთ ნივთებსა და სამკაულს. არჩევანი მართლა ძალიან დიდია და სხვათა შორის, იდეალური ადგილია საახალწლო საჩუქრების საყიდლად.
ცოცხალი მუსიკის კონცერტი 21 საათიდან იწყება. ერთი სიტყვით, თუ გსურთ, რომ მეგობრებთან ან ოჯახის წევრებთან ერთად არაჩვეულებრივი საღამო გაატაროთ, აუცილებლად უნდა გაისეირნოთ ორბელიანის მოედანზე. ნამდვილი ახალი წელი – აქ არის!
წყარო: Tea's Blog
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ისეᲗი ფასებია ყველაფერზე, ერᲗი დᲦის სიამოვნება მᲗელი Თვის ხელფასად გიჯდება.
საშობაო კი არა სამარცხვინო ბაზრობაა...