18
მაისიდღის ზოგადი ასტროლოგიური პროგნოზი
საქართველო მართალი არის ყველა დავაში რუსეთის ფედერაციის წინააღმდეგ, - ამის შესახებ იუსტიციის მინისტრმა რატი ბრეგაძემ პარლამენტში "მინისტრის საათის“ ფარგლებში სიტყვით გამოსვლისას აღნიშნა.
მისივე თქმით, რუსეთის წინააღმდეგ მოპოვებული დიდი გამარჯვებებია როგორც დეპორტირებულების საქმეზე, ისე 2008 წლის რუსეთ-საქართველოს ომის საქმეზე.
"თუმცა, აქვე მინდა, კიდევ გაგახაროთ და კარგი სიახლეები გამცნოთ, რომ ჩვენ პირველად მოგვიწია 2008 წლის ომის დროს დაზარალებული პირების საერთო ბაზის შექმნამ, რომელთა მონაცემებიც კომპენსაციის მიღების მიზნით იანვარში წარედგინა სტრასბურგის სასამართლოს (ჯამში, 35 000-მდე დაზარალებული). ასევე, მყარი სამართლებრივი პოზიციები და მტკიცებულებები წარვადგინეთ განგრძობადი ოკუპაციის მიმდინარე დავაზე, რომელიც სხვებს შორის მოიცავს ტატუნაშვილის, ოთხოზორიას და ბაშარულის საქმეებს. მიმდინარე წელს საქართველომ საბოლოოდ მოიგო მის წინააღმდეგ რუსეთის ორკესტრირებით აგვისტოს ომის თაობაზე შეტანილი ყველა საჩივარი. ვფიქრობ, ყოვლისმთქმელია რიცხვები – საქართველოს წინააღმდეგ შეტანილი იყო 3 300-მდე საჩივარი და ჩვენ მოვიგეთ აბსოლუტურად ყველა საქმე, რაც კიდევ ერთხელ ხაზს უსვამს იმ გარემოებას, რომ საქართველო მართალი არის ყველა დავაში რუსეთის ფედერაციის წინააღმდეგ. კიდევ ერთხელ ხაზგასმით ვიტყვი, რომ ეს არის სხვადასხვა საჯარო უწყებაში დასაქმებული კეთილსინდისიერი საჯარო მოხელის დამსახურება და ამისთვის, ვფიქრობ, მათ ეკუთვნით ძალიან დიდი მადლობა. წარმატებული იყო ჰააგის მიმართულებაც და წელს პირველად გამოიცა დაკავების ორდერები 3 პირზე, რომლებმაც 2008 წელს ომის დანაშაულები ჩაიდინეს საქართველოს მოსახლეობის მიმართ“, – განაცხადა რატი ბრეგაძემ.
გარდა ამისა, როგორც ბრეგაძემ აღნიშნა, სტრასბურგში საქართველოს წინააღმდეგ შეტანილია მხოლოდ 138 საქმე, რაც ისტორიული მინიმუმია.
"სტრასბურგის სასამართლოს სტატისტიკა არის ყველაზე კარგი ინდიკატორი ქვეყნის შიგნით მიმდინარე რეფორმებისა. ხაზგასმით მინდა, გითხრათ, რომ დღეისათვის განიხილება საქართველოს წინააღმდეგ შეტანილი მხოლოდ 138 საქმე, რაც ისტორიული მინიმუმია. და აუცილებელი არის ხოლმე შედარების გაკეთება იმისათვის, რომ არ დაგვავიწყდეს ისტორია. 2011-2012 წლებში სასამართლოს წარმოებაში ჰქონდა საქართველოს წინააღმდეგ შეტანილი 3000-დან 4000-მდე საქმე, დღეს კი, არის მხოლოდ 138. ეს არის ის სტატისტიკა, რომელიც კიდევ ერთხელ მეტყველებს ადამიანის უფლებების მდგომარეობაზე საქართველოში. და მართლაც პარადოქსია, როდესაც ეს ხალხი, რომელიც დარბაზიდან გარბის, იმიტომ, რომ სათქმელიც კი არაფერი და ვერაფერი აქვთ, გარდა უნიჭო, შეურაცხმყოფელი და წყევლა-კრულვით აღსავსე პერფორმანსებისა, სხვა სათქმელი არაფერი აქვთ და, შესაბამისად, გარბის დარბაზიდან. მედიას შეუძლია აჩვენოს ცარიელი სკამები ამ ძალით ვაჟკაცი და ვითომ ქვეყნის მოყვარული ხალხისა, რომელიც საქართველოს ინტერესების წინააღმდეგ მუშაობს როგორც ქვეყნის შიგნით, ისე ქვეყნის გარეთ და ეს ცარიელი სკამებიც ნათლად მეტყველებს მათ მიდგომებზე, ზოგადად, სახელმწიფოს მიმართ“, – განაცხადა რატი ბრეგაძემ პარლამენტში“ მინისტრის საათის“ ფარგლებში სიტყვით გამოსვლისას.
აბა ომი საქართველომ არ დაიწყო? ახლა ის ქართველები, ვინც საქართველომ დაიწყო ომიო ამბობდნენ, გამოვლენ და იტყვიან ბოდიში ვცდებოდიო? ოღონდაც სააკაშვილი ყოფილიყო დამნაშავე და ბევრს ალბათ ერჩივნა დასკვნა, რომ ომი საქართველომ დაიწყო. არადა, მოღალატის იარლიყს ყველა უკადრისობს.
ამან ეხლა ახალი აღმოაჩინა რაღაც,რა რუსეთი და სამართალი,რა რუსეთის მიმართ სამართალი.ცოტა ხო არ გაკლიათ თქვენ,ბანდა ხართ რა ,,ააა თუმცა თქვენთვის რუსეთის ომი ხო გაპრავებულია