"ასეთი რწმენით და მონდომებით მთებს გადავდგავმთ დედი" - ვიდეო, რომელშიც ჩანს, რომ დათი ქოქაშვილი ვარჯიშობს: რას წერს ავარიისას დაშავებული მოზარდის დედა?

31 მარტს, თბილისში, შარტავას ქუჩაზე, ავარიის დროს 8 წლის დათი ქოქაშვილი უმძიმესად დაშავდა. ბავშვი ერთი კვირის განმავლობაში მრავლობითი მოტეხილობით იაშვილის კლინიკაში იბრძოდა სიცოცხლისთვის, შემდეგ კი ოჯახმა ისრაელში გადაიყვანა. ამჟამად ის გერმანიაში იმყოფება, სადაც რეაბილიტაციის კურს გადის.

დათის დედა ქრისტინე მამუკაშვილი სოციალურ ქსელში შვილის ვიდეოს აქვეყნებს და წერს:

"რამდენიმე კვირის წინ ოსნაბრუკის ცენტრში სეირნობისას დათიმ სკეიტბორდების მაღაზია დაინახა, სასწრაფოდ შეგვიყვანა და დიდი ინტერესით დაათვალიერა იქაურობა.

ბოლოს აირჩია თავისი მოსაწონი და დაჟინებით მოითხოვა, რომ გვეყიდა თან წუწუნებდა ისევ თავიდან მექნება სასწავლიო. ასეთი რწმენით და მონდომებით მთებს გადავდგავმთ დედი... მადლობა უფალს რომ ყველაზე ძლიერი შვილი მაჩუქა მთელ სამყაროში" - წერს დათის დედა.