მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ქართველებმა უელსის ნაკრებს სეისმური სარაგბო შოკი მიაღებინეს“ - როგორ აშუქებს უცხოური მედია ქართველი ბორჯღალოსნების ისტორიულ გამარჯვებას უელსთან
10:18 / 20-11-2022
ქართველმა ბორჯალოსნებმა 19 ნოემბერს, უელსში, კარდიფში, უელსის ეროვნული ნაკრების წინააღმდეგ ისტორიული გამარჯვება მოიპოვეს და ანგარიშით 13-12 დაამარცხეს.
ქართველების ამ შთამბეჭდავ გამარჯვებას მსოფლიოს ერთ-ერთი უძლიერესი გუნდის წინააღმდეგ, წამყვანი მედიასაშაუალებები აშუქებენ და ამბავი სარაგბო საზოგადოებაში განხილვის მთავარი თემაა. ახლა კიდევ უფრო მეტს საუბრობენ იმის შესახებ, რომ ჩვენი გუნდი, ელიტის წვერობას, "ექვსი ერის" წევრობას იმსახურებს.
"ქართველებმა უელსის ნაკრებს სეისმური სარაგბო შოკი მიაღებინეს“, - წერს გამოცემა The Guardian-ი და გამოქვეყნებულ სტატიაში უელსის მარცხი საქართველოსთან "დამამცირებელ მარცხად" არის შესაფესებული.
- ბორჯღალოსნების გამარჯვებას ვრცელ სტატიას უძღვნის BBC-ი, სადაც ვკითხულობთ, რომ ქართველების პრეტენზიის უგულებელყოფა "ექვსი ერის" წევრობაზე, შეუძლებელია უგულებელყოფილი იყოს.
"ქართველებს სჯერათ, რომ მათი პრეტენზია რაგბის ელიტის წევრობაზე, უელსის დამარცხების შემდეგ, შეუძლებელია, უგულებელყოფილი იყოს. ივლისში იტალიის, ახლა კი უკვე უელსის დამარცხების შემდეგ, საქართველოში თვლიან, რომ მათი ადგილი "ექვს ერშია“, - წერს გამოცემა.
სტატიაში ვკითხულობთ ქართველი კაპიტნის, მერაბ შარიქაძის სიტყვებს: "უსამართლობა იქნება, თუ მსოფლიო რაგბი ისე მოიქცევა, რომ თითქოს ეს (ქართველების მიერ ელიტარული გუნდების დამარცხება) არ მომხდარა. ეს ბევრ რამეზე მეტყველებს - წელს ჩვენ დავამარცხეთ ორი უმაღლესი დონის გუნდი. იმედი გვაქვს, რომ ისინი ამას ხედავენ. მე არ ვარ ამპარტავანი. იმედი მაქვს, არ ეცდებიან ჩვენს უგულებელყოფას.
იტალიის დამარცხება საოცარი იყო, მაგრამ უელსში უელსის დამარცხება, დაუჯერებელია. ეს ბევრს ამბობს, არა?! ბევრს დავუმტკიცეთ, რომ ჩვენთან დაკავშირებით ცდებოდნენ. ჩვენ არ ვართ მსოფლიოს ჩემპიონები, მაგრამ ისტორია შევქმენით“, - ამბობს შარიქაძე.
- BBC-ის სტატიაში საუბარია იმაზეც, რომ ქართულ რაგბს უდიდესი ისტორია აქვს და რომ ის ხალხური სპორტული თამაშიდან "ლელო ბურთიდან" იღებს სათავეს.
"უკიდურესად იმედგამაცრუებელი შედეგი უელსისთვის, სიამაყით ავსებს მორაგბე ერს, სადაც რაგბის ფესვები უძველესი ხალხური სპორტიდან, ლელო ბურთიდან იღებს სათავეს, საიდანაც მოდის ეროვნული გუნდის კიდევ ერთი სახელი "ლელო", - წერს გამოცემა.
სტატიაში ასევე აღნიშნულია, რომ საქართველომ მსოფლიო თასზე ექვსჯერ მოიპოვა თამაშის უფლება, ექვსჯერ გადალახა საკვალიფიკაციო ეტაპი, ხოლო "რაგბი ევროპის ჩემპიონატი" საკუთარ სამფლობელოდ აქცია - ბოლო 12 წლის განმავლობაში ეს ჩემპიონატი 11-ჯერ მოიგო.
00:00 / 00:00
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სიამაყის მოზღვავება,... ვულოცავ ბიჭებს და საქართველოს, სხვა მრავალიც .... არ ვიცი მომეჩვენა თუ რა, მაგრამ მსაჯის მინიმუმ კეთილგანწყობა დავაფიქსირე , განსაკუთრებით ბოლო წუთებში, ხმამაღლა ამაზე ალბად არავინ ილაპარაკებს, რამეს ხომ არ მიანიშნებს..? ... .
ჯვრის გამოსახვაზე მთავარი.არხის სახეები კონვულსიებში ჩავარდნენ და ამათ კადრებს რატომ დებთ?