მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სამჯერ დანგრეული ოჯახი, ხმაურიანი რომანი შაკირასთან და პატიმრობა ოჯახში ძალადობის გამო - ოსვალდო რიოსის თავგადასავლებით სავსე ცხოვრება: როგორ გამოიყურება დღეს 61 წლის მსახიობი?
15:15 / 12-11-2022
პუერტო რიკოელი მსახიობი, კომპოზიტორი და მომღერალი 61 წლის ოსვალდო რიოსი საქართველოში განსაკუთრებულად პოპულარული ორი სერიალით, "კასანდრათი“ და "ბლანკოს ქვრივით" გახდა, თუმცა ის არაერთ სერიალშია გადაღებული და თავის ქვეყანაში, ერთ-ერთ ყველაზე სექსუალურ მსახიობად ითვლება...
ოსვალდო 1960 წლის 25 ოქტომბერს კაროლინაში დაიბადა. მისი მშობლები - ოსვალდო რიოსი და ნელი ალონსო, სიღარიბეში ცხოვრობდნენ. მსახიობის დედა სომხეთიდანაა. ოსვალდოს ჰყავს ძმა, ოსვალდო ლუისი და და, მილდრედი.
მსახიობს ბავშვობიდან მძიმე შრომა უწევდა, რათა მშობლებს დახმარებოდა. ხუთი წლის ასაკში ოსვალდო სიმღერით დაინტერესდა და მუსიკა მისი ჰობი გახდა. მრავალი წლის განმავლობაში რიოსს არც კი უფიქრია სამსახიობო კარიერაზე.
1977 წელს სკოლის დამთავრების შემდეგ, უნივერსიტეტში ფსიქოლოგიის ფაკულტეტზე ჩაირიცხა, შემდეგ კი პუერტო რიკოს ახალგაზრდული ამხანაგობის გაერთიანებაში მდივნად მოეწყო, სადაც 1988 წლამდე მუშაობდა.
ამასობაში მსახიობის დედა მეორედ გათხოვდა. მამინაცვალმა ურჩია ოსვალდოს, დაეტოვებინა სამსახური და ბედი მსახიობობაში ეცადა, რადგან ბიჭს მიმზიდველი გარეგნობა ჰქონდა. სიმაღლე (185 სანტიმეტრი) ძალიან დაეხმარა ოსვალდოს, რომ სამოდელო, შემდეგ კი სამსახიობო კარიერა დაეწყო.
რიოსს შეუძლია ბას-გიტარაზე, დრამზე და ფორტეპიანოზე დაკვრა. როგორც გიტარისტმა, ოსვალდომ საკუთარი მუსიკალური ჯგუფიც კი შექმნა, რომელიც წლების მანძილზე პუერტო რიკოში კონცერტებზე გამოდიოდა.
კარიერის დასაწყისი
პუერტო რიკო პატარა სახელმწიფოა, სადაც არც ისე კარგადაა განვითარებული ტელე-ინდუსტრია, ამიტომ ადგილობრივი მსახიობები ინტენსიურად თანამშრომლობენ ვენესუელის, კოლუმბიისა და მექსიკის ტელევიზიებთან.
ორწლიანი სამოდელო კარიერის შემდეგ, ოსვალდო სერიალებში კასტინგებზე მიიწვიეს. ორ წელიწადში კი სამ ფილმში გადაიღეს.
1992 წელს მსახიობი მიიწვიეს სერიალში "კასანდრა", რომელიც მისი კარიერის პიკად იქცა.
სერიალი "კასანდრა"
1992 წელს რეჟისორმა გრაციო დ'ანჯელომ და სცენარისტმა დელია ფიალომ ოსვალდო ახალ სერიალში მონაწილეობის მისაღებად შეარჩიეს. „კასანდრას“ გადაღებები ვენესუელაში მიმდინარეობდა და დამწყებ მსახიობს პარტნიორობას ამომავალი ვარკვლავი კორაიმა ტორესი უწევდა.
სერიალმა მთელ მსოფლიოში უამრავი გულშემატკივარი შეიძინა. „კასანდრა“ იყო სერიალი, რომელსაც უფრო მაღალი რეიტინგი ჰქონდა, ვიდრე „სანტა ბარბარას“.
მელოდრამატული ტელენოველა "ქვრივი ბლანკო"
შემდეგი პოპულარული პროექტი ოსვალდო რიოსის ცხოვრებაში „ბლანკოს ქვრივი“ აღმოჩნდა. სერიალი 13-ზე მეტ ქვეყანაში აჩვენეს. მართალია, კასანდრასავით პოპულარული არ გამხდარა, მაგრამ რიოსის გმირისთვის ტრამპლინად იქცა...
პირადი ცხოვრება
სერიალში ოსვალდო რიოსი ისეთივე სექსუალური მამაკაცია, როგორც რეალურ ცხოვრებაში. ოფიციალურად, მსახიობი სამჯერ იყო დაქორწინებული, მაგრამ მედია წერს, რომ ოსვალდოს ყველა იმ ქვეყანაში მინიმუმ ორი რომანი ჰქონდა, სადაც გადაღებებზე იმყოფებოდა ხოლმე.
1986 წელს ოსვალდო მსახიობ სალი დიასზე დაქორწინდა. ქორწინება წელიწადზე ნაკლებ ხანს გაგრძელდა. რიოსის მეორე ცოლი ჟურნალისტი კარმენ დომინიკი გახდა. 1990 წელს მსახიობს ვაჟი ჯულიანო გაბრიელი შეეძინა, მაგრამ ვერც კარმენმა შეინარჩუნა სექსუალური ოსვალდო.
1996 წელს ოსვალდო რიოსი სამი თვით ოჯახში ძალადობის ბრალდებით დააპატიმრეს. პოლიციაში საჩივარი მისმა ყოფილმა შეყვარებულმა დეიზი ანეტ სანტიაგომ შეიტანა.
2000 წელს ოსვალდო მესამედ დაქორწინდა. ამჯერად მისი რჩეული მსახიობი ჯერალდინ ფერნანდესი გახდა. ამ ქორწინებიდან მსახიობს კიდევ ერთი ვაჟი, ოსვალდო გაბრიელი შეეძინა. ოთხ წელიწადში მესამე ოჯახიც დაენგრა.
მსახიობის მომდევნო სიყვარული სპორტსმენი კასიანა როსო აღმოჩნდა, რომელმაც 2009 წელს მესამე ვაჟი გაუჩინა...
ოსვალდოს ყველაზე გახმაურებული რომანი მაინც შაკირასთან ჰქონდა. შაკირა მაშინ 20 წლის იყო, ოსვალდო 37 წლის და პოპულარობის პიკში. შაკირა კარიერას მაშინ იწყებდა.
ოსვალდომ ერთ-ერთ ინტერვიუში აღიარა, რომ მასზე დაქორწინებას აპირებდა.
"მე გავიცანი მისი მამა, დედა, ძმა ტონინო... დაქორწინებას ვაპირებდით, სახლიც გვქონდა ნანახი, სადაც ვიცხოვრებდით...“ - ამბობდა წლების შემდეგ რიოსი.
რომანი რვა თვეს გაგრძელდა და წყვილი ერთმანეთს დაშორდა. მოგვიანებით ოსვალდო იტყვის, რომ მიზეზი შაკირას ღალატი გახდა, რომელიც იმ პერიოდში ტურნეებში ხშირად დადიოდა.
მსახიობის პროფესიის გარდა, ოსვალდო რიოსი წარმატებით აგრძელებს პროდიუსერობას და პოზიციონირებს, როგორც სოციალური აქტივისტი.
მისი ბოლო სიყვარულია მსახიობი ივლინ ჰირო, რომელსაც 2006 წლიდან იცნობს, როდესაც ერთად ითამაშეს სერიალში „გადაწყვეტილებები“.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
