უკ­რა­ი­ნე­ლე­ბის­თვის გმი­რია, რუ­სე­ბის­თვის "ნა­ი­ომ­ნი­კი“, ქარ­თვე­ლებს კი მის მი­მართ არა­ერ­თგვა­რო­ვა­ნი და­მო­კი­დე­ბუ­ლე­ბა აქვთ - "მე­და­სავ­ლე­თე­ებს“ უყ­ვართ, "რუ­სე­თუ­მე­ებს“ სძულთ. მარ­თა­ლია, პრო­ფე­სი­ით დიპ­ლო­მა­ტი და ეკო­ნო­მის­ტია, მაგ­რამ უკვე 8 წე­ლია უკ­რა­ი­ნა­ში, რუ­სე­ბის წი­ნა­აღ­მდეგ იბ­რძვის. 14 წლის იყო პირ­ვე­ლად, ია­რაღს რომ მოჰ­კი­და ხელი და გე­ნე­რალ მა­მას­თან, ზუ­რაბ მა­მუ­ლაშ­ვილ­თან ერ­თად აფხა­ზე­თის ომში წა­ვი­და. ტყვე­დაც მა­მას­თან ერ­თად ჩა­ვარ­და, უფრო სწო­რად, მტერს ჩაჰ­ბარ­და ქარ­თვე­ლი ქა­ლი­სა და მისი სამი მცი­რე­წლო­ვა­ნი შვი­ლის გა­ა­თა­ვი­სუფ­ლე­ბის სა­ნაც­ვლოდ. ახლა უკ­რა­ი­ნა­ში " ქარ­თულ ლე­გი­ონს“ ხელ­მძღვა­ნე­ლობს და ქარ­თვე­ლე­ბის სა­ხე­ლით მოძ­მე უკ­რა­ი­ნე­ლებს სა­ერ­თო მტრის წი­ნა­აღ­მდეგ ბრძო­ლა­ში ეხ­მა­რე­ბა.

ამ ცოტა ხნის მა­მუ­კა მა­მუ­ლაშ­ვილ­მა "ტვი­ტერ­ში“ მამა გა­იხ­სე­ნა და ის მო­მენ­ტი აღ­წე­რა, რა­მაც მისი შემ­დგო­მი ცხოვ­რე­ბა გან­სა­ზღვრა.

"როცა რუსი მა­მა­ჩე­მის საკ­ნის წინ მცემ­და, მა­მამ უთხრა - ღმერ­თმა ქნას, გა­დარ­ჩეს და გა­ი­ზარ­დოს“... მა­მუ­ლაშ­ვი­ლის ამ უწყი­ნარ პოსტს ქარ­თულ სო­ცი­ა­ლურ მე­დი­ა­ში არა­ერ­თგვა­რო­ვა­ნი გა­მოხ­მა­უ­რე­ბა მოჰ­ყვა. ზო­გი­ერ­თმა უკ­რა­ი­ნა­ში მისი ბრძო­ლის მო­ტი­ვი მი­იჩ­ნია სა­ეჭ­ვოდ და დას­ვა კი­თხვა - სად იყო მა­მუ­ლაშ­ვი­ლი აგ­ვის­ტოს ომში?! ზოგ­მა ის სის­ხლის სა­მარ­თლის საქ­მე­ე­ბი გა­იხ­სე­ნა, რომ­ლე­ბიც რუ­სებ­მა აღ­ძრეს მის წი­ნა­აღ­მდეგ, ზოგ­მაც ორ­მაგ მო­თა­მა­შედ და ლა­მის რუ­სე­თის აგენ­ტად მი­იჩ­ნია.

ვინ არის სი­ნამ­დვი­ლე­ში მა­მუ­კა მა­მუ­ლაშ­ვი­ლი, რის­თვის იბ­რძვის უკ­რა­ი­ნა­ში და სად იყო აგ­ვის­ტოს ომის დროს? - ამის შე­სა­ხებ "ქარ­თუ­ლი ლე­გი­ო­ნის“ მე­თა­უ­რი თა­ვად გვი­ამ­ბობს, ის ასე­ვე გაგ­ვაც­ნობს ფრონ­ტის ხაზ­ზე დღეს არ­სე­ბულ ვი­თა­რე­ბას და რთუ­ლი ზამ­თრის მო­ლო­დინ­ში მყო­ფი უკ­რა­ი­ნე­ლე­ბის გან­წყო­ბებს.

ასევე დაგაინტერესებთ

13:03 / 14-06-2022

უკრაინაში უცხოელ მებრძოლთა უდიდეს ნაწილს ქართველები შეადგენენ, შემდეგი ბრიტანელების კონტინგენტია - რა განაცხადა მამუკა მამულაშვილმა Sky News-თან?

09:04 / 10-07-2022

"კადიროველები" პიარს იკეთებენ ამ ომში, გარიყულები არიან რუსული ჯარისგან, კავკასიისა და თავიანთი ხალხის მოღალატეები არიან" - მამუკა მამულაშვილი

11:30 / 21-10-2022

"როცა რუსი მამაჩემის საკნის წინ მცემდა, მამამ უთხრა - "ღმერთმა ქნას, გადარჩეს და გაიზარდოს" -  რას წერს მამუკა მამულაშვილი

13:18 / 27-12-2022

"კარგია, როდესაც ახალ წელს ოჯახში ხვდები, მაგრამ არც კი მახსოვს, ეს ბოლოს როდის იყო" - საახალწლო მილოცვა და სურვილები ფრონტის ხაზიდან: ინტერვიუ მამუკა მამულაშვილთან

- მზად ვარ ნე­ბის­მი­ერ დროს, ნე­ბის­მი­ერ კი­თხვას ვუ­პა­სუ­ხო. რა­ტომ ვმო­ნა­წი­ლე­ობ რუ­სეთ-უკ­რა­ი­ნის ომში?! ად­რე­ულ ასაკ­ში ვის­წავ­ლე მტერ-მოყ­ვა­რის გარ­ჩე­ვა. ახ­ლაც მახ­სოვს, აფხა­ზე­თის ომში რუ­სე­ბის წი­ნა­აღ­მდეგ რომ ვიბ­რძო­დით, მამა რა გა­ხა­რე­ბუ­ლი მე­უბ­ნე­ბო­და, - უკ­რა­ი­ნე­ლე­ბი ჩა­მო­ვიდ­ნენ, ჩვენს და­სახ­მა­რებ­ლა­დო. რო­გორც მე­გობ­რე­ბი და პარტნი­ო­რე­ბი, ყვე­ლა რთულ მო­მენ­ტში ჩვენს გვერ­დით იდ­გნენ. მი­ვიჩ­ნიე, რომ ახლა მე უნდა დავ­მდგა­რი­ყა­ვი მათ გვერ­დით, მე­გო­ბარს რომ გა­უ­ჭირ­დე­ბა, ხომ უნდა და­ეხ­მა­რო?!

- ზო­გი­ერ­თის ვერ­სი­ით, 2014 წელს დო­ნეც­კის და ლუ­განსკის ოლ­ქებ­ში გარ­კვე­უ­ლი სა­ფა­სუ­რის სა­ნაც­ვლოდ იბ­რძო­დით. შემ­დეგ ფრონ­ტის ხა­ზი­დან თქვე­ნი მე­გობ­რე­ბი მოხ­სე­ნით და თქვით, რომ ქარ­თვე­ლებს სა­ზარ­ბაზ­ნე ხორ­ცად გვი­ყე­ნებ­დნენ, სულ წინა ხაზ­ზე გვიშ­ვებ­დნე­ნო...

- ჩვენ ახ­ლაც სულ წინა ხაზ­ზე ვართ. მა­შინ კონ­კრე­ტუ­ლი ოპე­რა­ცი­ის გამო, მო­მი­ვი­და უკ­მა­ყო­ფი­ლე­ბა ბრი­გა­დის ხელ­მძღვა­ნელ­თან და ამი­ტომ სხვა და­ნა­ყოფ­ში გა­და­ვე­დით. უმ­თავ­რე­სად პო­რო­შენ­კოს დროს გვქონ­და პრობ­ლე­მე­ბი. სა­ა­კაშ­ვილ­თან და­პი­რის­პი­რე­ბის დროს, უკ­რა­ი­ნა­ში შე­ი­ა­რა­ღე­ბუ­ლი ქარ­თვე­ლე­ბის ყოფ­ნა სა­ხი­ფა­თოდ მი­იჩ­ნია და "ქარ­თუ­ლი ლე­გი­ო­ნის“ დაშ­ლა გა­და­წყვი­ტა.

- სა­ა­კაშ­ვი­ლის გუნდში ხართ?

- შე­იძ­ლე­ბა ვინ­მეს მი­მართ სიმ­პა­თია ან ან­ტი­პა­თია მქონ­დეს, მაგ­რამ ეს იმას არ ნიშ­ნავს, რომ რო­მე­ლი­მე პო­ლი­ტი­კურ გუნდს ვე­კუთ­ვნი. ვი­ნა­ი­დან ერთხელ სა­ა­კაშ­ვილს შევ­ხვდი და ხელი ჩა­მო­ვარ­თვი, გა­და­წყვი­ტეს, რომ პო­ლი­ტი­კუ­რად ვარ მო­ტი­ვი­რე­ბუ­ლი... სა­ერ­თოდ არ მა­ინ­ტე­რე­სებს პო­ლი­ტი­კა, მე მე­ო­მა­რი ვარ. ერთს კი გე­ტყვით, არ მომ­წონს ეს კო­ლა­ბო­რა­ცი­ო­ნის­ტი მთავ­რო­ბა და რუ­სუ­ლი "გა­ზპ­რო­მის“ აქ­ცი­ო­ნე­რი ივა­ნიშ­ვი­ლი. მე მთე­ლი ჩემი შეგ­ნე­ბუ­ლი ცხოვ­რე­ბა რუ­სულ ოკუ­პა­ცი­ას ვებ­რძვი. მა­მა­ჩემ­მა, ზურა მა­მუ­ლაშ­ვილ­მა, მთე­ლი ცხოვ­რე­ბა რუ­სე­ბის წი­ნა­აღ­მდეგ იბ­რძო­ლა. უკ­რა­ი­ნის "ქარ­თულ ლე­გი­ონ­შიც“ სამი წელი იმ­სა­ხუ­რა, მერე ავად გახ­და და სა­ქარ­თვე­ლო­ში დაბ­რუნ­და. სამ­წუ­ხა­როდ, მა­ლე­ვე გარ­და­იც­ვა­ლა. ის გზა, რო­მელ­საც სა­ქარ­თვე­ლოს ახ­ლან­დე­ლი ხე­ლი­სუფ­ლე­ბა ად­გას, ჩემს არ­ჩე­ვანს არ ემ­თხვე­ვა. ოკუ­პანტ რუ­სეთ­თან დათ­მო­ბა­ზე წას­ვლა და­მო­უ­კი­დებ­ლო­ბის და­კარ­გვის ტოლ­ფა­სია, დათ­მო­ბის პო­ლი­ტი­კით რუ­სე­ბის გულს ვერ მო­ვი­გებთ, ვერ და­ვი­მე­გობ­რებთ. უკ­რა­ი­ნა კი ჩვე­ნი სტრა­ტე­გი­უ­ლი პარტნი­ო­რი, მე­გო­ბა­რი და რე­გი­ონ­ში უმ­ნიშ­ვნე­ლო­ვა­ნე­სი მო­თა­მა­შეა. ახლა, როცა ჩემი ქვეყ­ნის მთავ­რო­ბა რუ­სე­თის მიერ არის ოკუ­პი­რე­ბუ­ლი, ჩვენ ქარ­თვე­ლი მებ­რძო­ლე­ბი ვი­ცავთ სა­ქარ­თვე­ლოს ინ­ტე­რე­სებს.

- სა­ა­კაშ­ვილს რა­ტომ შეხ­ვდით?

- აქ ქარ­თვე­ლე­ბი ხში­რად ვხვდე­ბით ერ­თმა­ნეთს. სა­ა­კაშ­ვი­ლი იმ­ჟა­მად სა­ქარ­თვე­ლოს ექ­სპრე­ზი­დენ­ტის სა­ხე­ლით იყო ჩა­მო­სუ­ლი, ჩვენ კი ჩვე­ნი ბი­ჭე­ბის და­ჯილ­დო­ე­ბის ცე­რე­მო­ნი­ა­ზე ვი­ყა­ვით. იქ მო­ვი­და და ხელი ჩა­მოგ­ვარ­თვა.

- ამ­ბო­ბენ, რომ პრე­ზი­დენტ ზე­ლენ­სკი­საც შეხ­ვდით და მის­გან თით­ქოს რა­ღაც და­პი­რე­ბა მი­ი­ღეთ...

- კი, ზე­ლენ­სკის შევხდი, თა­ნაც არა­ერ­თხელ, მაგ­რამ მის­გან არა­ნა­ი­რი პი­რო­ბა არ მი­მი­ღია, ან რა პი­რო­ბა უნდა მი­მე­ღო? "ქარ­თუ­ლი ლე­გი­ო­ნი“ სრუ­ლი­ად გამ­ჭირ­ვა­ლეა, ფა­რულ მო­ლაპ­რა­კე­ბებს არა­ვის­თვის ვა­წარ­მო­ებთ. ამი­ტო­მაც არის, რომ ჩვენ ამე­რი­კე­ლი კონ­გრეს­მე­ნე­ბი და სე­ნა­ტო­რე­ბი ისე გვსტუმ­რო­ბენ, შე­იძ­ლე­ბა უკ­რა­ი­ნის ოფი­ცი­ა­ლუ­რი პი­რე­ბი არც კი ნა­ხონ. რაც შე­ე­ხე­ბა ზე­ლენ­სკის, ბო­ლოს ორი თვის წინ იალ­ტის კონ­ფე­რენ­ცი­ა­ზე შევხდი, ხელი ჩა­მო­მარ­თვა და რო­გორც ქარ­თულ მებ­რძოლს, მად­ლო­ბა გა­და­მი­ხა­და.

- ამ ცოტა ხნის წინ უკ­რა­ი­ნის პრე­ზი­დენ­ტის ოფი­სის ყო­ფილ­მა მრჩე­ველ­მა, ოლექ­სი არეს­ტო­ვიჩ­მა ერთ-ერთ "იუ­თუ­ბარხზე" გა­მარ­თულ დის­კუ­სი­ა­ში თქვა, რომ უახ­ლო­ეს მო­მა­ვალ­ში, რო­დე­საც უკ­რა­ი­ნა რუ­სეთ­თან ომში უპი­რა­ტე­სო­ბას მო­ი­პო­ვებს, ისი­ნი უნდა გა­და­ერ­თონ სა­ქარ­თვე­ლოს შვე­ლა­ზე, რომ ომში გა­მოც­დილ მათ გო­გო­ნებ­სა და ბი­ჭებს სა­ქარ­თვე­ლო­ში საქ­მე გა­მო­უჩ­ნდე­ბა­თო. თქვე­ნი, რო­გორც ქარ­თვე­ლის პო­ზი­ცია რო­გო­რია ამ გან­ცხა­დე­ბას­თან და­კავ­ში­რე­ბით?

- სწო­რად შე­ნიშ­ნეთ, არის­ტო­ვი­ჩი აღარ არის მრჩევ­ლის თა­ნა­შემ­წე. რო­გორც მე ვიცი, ის თა­ვის დრო­ზე კარ­გი მსა­ხი­ო­ბი იყო. სხვა­თა შო­რის, ბოლო დროს სა­ერ­თოდ აღარ ჩანს.

- უკ­რა­ი­ნის ეროვ­ნუ­ლი უსაფრ­თხო­ე­ბი­სა და თავ­დაც­ვის საბ­ჭოს მდი­ვა­ნის პო­ზი­ცი­ა­ზე მყოფ­მა და­ნი­ლოვ­მა გა­ნა­ცხა­და ასე­თი რამ: "რო­დე­საც ომი და­ი­წყო, მე მქონ­და კა­მა­თი ხე­ლი­სუფ­ლე­ბას­თან ჩემს გან­ცხა­დე­ბებ­თან და­კავ­ში­რე­ბით. მე დღე­საც მი­მაჩ­ნია, რომ თუ სა­ქარ­თვე­ლო ამას (აფხა­ზეთ­სა და ე.წ. სამ­ხრეთ ოსეთს) თა­ვის ტე­რი­ტო­რი­ად მი­იჩ­ნევს, უნდა ამ­დგა­რი­ყო და და­ეც­ვა თა­ვი­სი ქვე­ყა­ნა“. რო­გორ გგო­ნი­ათ, უკ­რა­ი­ნა ომში გა­მარ­ჯვე­ბის შემ­დეგ მარ­თლა შე­ეც­დე­ბა სა­ქარ­თვე­ლო­ში სი­ტუ­ა­ცი­ის და­ლა­გე­ბას?

- და­ნი­ლოვ­მა თვი­თონ­ვე თქვა, - კა­მა­თი მქონ­და ხე­ლი­სუფ­ლე­ბას­თა­ნო. ე.ი. ხე­ლი­სუფ­ლე­ბა­ში სხვაგ­ვა­რად ფიქ­რო­ბენ. ვინც რა უნდა ის თქვას, ქარ­თვე­ლე­ბი თა­ვად გა­დავ­წყვეტთ, რო­გორ და­ვიბ­რუ­ნებთ ჩვენს ტე­რი­ტო­რი­ებს. ისე, კი მეც მგო­ნია, რომ რუ­სე­ბი თა­ვი­სით არ წავ­ლენ აფხა­ზე­თი­დან, ცხინ­ვა­ლი­დან და ოდეს­ღაც ჩვენ ისევ მოგ­ვი­წევს ბრძო­ლა. პო­ლი­ტი­კო­სე­ბი ნუ ანერ­ვი­ულ­დე­ბი­ან, მა­გათ არა, ისევ ჩვენ მოგ­ვი­წევს ომი.

- სად იყო მა­მუ­კა მა­მუ­ლაშ­ვი­ლი 2008 წლის აგ­ვის­ტოს ომის დროს?

- მა­მუ­კა მა­მუ­ლაშ­ვი­ლი 2008 წლის აგ­ვის­ტოს ომის დროს სამ­ხედ­რო მო­სამ­სა­ხუ­რე არ იყო, შე­რე­უ­ლი ორ­თაბ­რძო­ლე­ბის ფე­დე­რა­ცი­ის პრე­ზი­დენ­ტი იყო და შე­სა­ბა­მი­სად, ფე­დე­რა­ცი­ა­ში იყო, მაგ­რამ ამის მი­უ­ხე­და­ვად მე და მა­მა­ჩემ­მა მო­ხა­ლი­სე­ე­ბის მო­ბი­ლი­ზე­ბა და­ვი­წყეთ. სამ­წუ­ხა­როდ, ომი ხუთ დღე­ში დამ­თავ­რდა და ვე­რა­ფე­რი მო­ვას­წა­რით, მაგ­რამ სახ­ლებ­ში მა­ინც არ გავ­ბრუ­ნე­ბულ­ვართ, ქარ­თვე­ლი სამ­ხედ­რო­ე­ბის ცხედ­რე­ბი გა­მოგვქონ­და ბრძო­ლის ვე­ლი­დან. ისე, რომ იცოდ­ნენ, მა­მუ­კა მა­მუ­ლაშ­ვი­ლი, წე­ლი­წად­ზე მეტი იყო აფხა­ზეთ­ში, ტყვე­ო­ბა­ზე აღა­რა­ფერს ვამ­ბობ. ამის მერე ცხინ­ვალ­შიც იყო და ჩეჩ­ნებ­საც ეხ­მა­რე­ბო­და.

- ჩეჩ­ნებს რო­დის ეხ­მა­რე­ბო­დით?

- 90-იან წლებ­ში, რუ­სეთ-ჩეჩ­ნე­თის ომში, ცხინ­ვალ­ში კი ლო­კა­ლურ კონ­ფლიქ­ტებ­ში ვმო­ნა­წი­ლე­ობ­დი.

- ამ­დე­ნი ომით არ და­ი­ღა­ლეთ?

- ჯერ არ მცა­ლია დაღ­ლის­თვის. სა­დაც სა­შა­უ­ლე­ბა მექ­ნე­ბა, იქ ვიბ­რძო­ლებ რუ­სე­ბის წი­ნა­აღ­მდეგ.

- რამ­დე­ნად მარ­თა­ლია, გავ­რცე­ლე­ბუ­ლი ამ­ბა­ვი იმის შე­სა­ხებ, რომ დე­დათ­ქვე­ნი რუ­სია და რუ­სუ­ლი სკო­ლა გაქვთ დამ­თავ­რე­ბუ­ლი?

- ჩემი დის­კრე­დი­ტა­ცი­ის­თვის ახა­ლი ჭო­რე­ბი მო­უ­გო­ნე­ბი­ათ. დე­და­ჩე­მი გვა­რად ქო­ჩო­რა­ძეა. სხვა­თა შო­რის, მისი პაპა - თე­ო­დო­რე ქო­ჩო­რა­ძე, უცხო ენე­ბის ინ­სტი­ტუ­ტის ერთ-ერთი და­მა­არ­სე­ბე­ლი იყო, 20 უცხო ენას ფლობ­და. არც რუ­სუ­ლი სკო­ლა და­მიმ­თავ­რე­ბია... ჯერ "ნა­ხა­ლოვ­კა­ში“ მე-14 სკო­ლა­ში ვსწავ­ლობ­დი, მერე რკი­ნიგ­ზის პირ­ველ ექ­სპე­რი­მენ­ტა­ლურ სკო­ლა­ში გა­და­მიყ­ვა­ნეს. მა­ინც სა­ი­დან მო­ი­ფიქ­რეს ეს ჭორი, რუ­სუ­ლი რომ ვიცი?! ისე, მე ინ­გლი­სუ­რი, ფრან­გუ­ლი და უკ­რა­ი­ნუ­ლიც ვიცი. ბო­ლოს შალ­ვა ნუ­ცუ­ბი­ძის ფსევ­დო­დი­ო­ნი­სე არე­ო­პა­გე­ლი გა­დავ­თარ­გმნე ინ­გლი­სუ­რად.

- რო­გორც ვიცი, ხა­ტავთ კი­დეც...

- ხატ­ვა ჩემ­თვის თე­რა­პი­აა, აფხა­ზე­თის ომის შემ­დეგ თვით­გა­მო­ხატ­ვა­ში და­მეხ­მა­რა.

- რუ­სებ­მა თქვენს წი­ნა­აღ­მდეგ სის­ხლის სა­მარ­თლის საქ­მე აღ­ძრეს, ომის წე­სე­ბის დარ­ღვე­ვის გამო. შე­გიძ­ლი­ათ თქვათ, რომ ბრალ­დე­ბა უსა­ფუძ­ვლოა?

- რა თქმა უნდა. თა­ვი­ანთ დად­გმულ სცე­ნებ­ზე საქ­მე­ე­ბის აღ­ძვრა ჩვე­უ­ლებ­რი­ვი რუ­სუ­ლი პრო­ვო­კა­ცი­აა. 8 წე­ლია, უკ­რა­ი­ნა­ში ვარ და ყო­ველ წელს თითო საქ­მეს ხსნი­ან ჩემს წი­ნა­აღ­მდეგ. ფუ­ლა­დი ჯილ­დო­ე­ბი რომ აქვთ და­წე­სე­ბუ­ლი, ჩემი მოკ­ვლის­თვის, ეგ სა­მარ­თლი­ა­ნია? სი­მარ­თლე რომ გი­თხრათ, არც მა­გა­თი აღ­ძრუ­ლი საქ­მე მა­ღელ­ვებს და არც მათი გა­მოგზვა­ნი­ლი მკვლე­ლე­ბი. რუ­სე­ბი მალე და­მარ­ცხდე­ბი­ან და თა­ვად მო­უ­წევთ სამ­ხედ­რო ტრი­ბუ­ნა­ლის წი­ნა­შე წარ­სდგო­მა.

- გა­მო­რი­ცხავთ, რომ ომი მალე მო­ლა­პა­რა­კე­ბით დამ­თავ­რდეს? ზო­გი­ერ­თი ანა­ლი­ტი­კო­სის ვერ­სი­ით, ენერ­გოკ­რი­ზი­სი უკ­რა­ი­ნას აი­ძუ­ლებს, მო­ლა­პა­რა­კე­ბის მა­გი­დას­თან დაჯ­დეს.

- გა­მო­რი­ცხუ­ლია. არა­ნირ შეხ­ვე­ვა­ში არ აწყობს უკ­რა­ი­ნას მო­ლა­პა­რა­კე­ბის მა­გი­დას­თან დაჯ­დო­მა. ჯერ ერთი, კონ­ტრშე­ტე­ვის ოპე­რა­ცია უკ­რა­ი­ნის სა­სარ­გებ­ლოდ მიმ­დი­ნა­რე­ობს, მერე კი­დევ, უკ­რა­ი­ნე­ლებ­მა იცი­ან, რომ რუ­სეთ­თან მო­ლა­პა­რა­კე­ბას აზრი არ აქვს, ეს ტე­რო­რის­ტუ­ლი სა­ხელ­მწი­ფოა და როცა მო­უნ­დე­ბა, მა­შინ არ­ღვევს შე­თან­ხმე­ბას. პუ­ტინს ტყუ­ი­ლად აქვს იმე­დი, რომ კრი­ტი­კულ ინფრას­ტრუქ­ტუ­რას და­ბომ­ბავს, უკ­რა­ი­ნე­ლებს შეს­ცივ­დე­ბათ და მო­ლა­პა­რა­კე­ბე­ბის მა­გი­დას­თან დას­ხდე­ბი­ან. ეს ასე არ იქ­ნე­ბა, იმი­ტომ, რომ უკ­რა­ი­ნე­ლებს აქვთ მი­ზა­ნი - სა­კუ­თა­რი სამ­შობ­ლოს დაც­ვა. ამ ყვე­ლაფ­რის პა­რა­ლე­ლუ­რად, უკ­რა­ი­ნამ შეძ­ლო და შე­ი­ნარ­ჩუ­ნა შე­ი­რა­ღე­ბუ­ლი ძა­ლე­ბის ძი­რი­თა­დი ნა­წი­ლი, რუ­სებ­მა ვე­რა­ფე­რი და­აკ­ლეს სამ­ხედ­რო ელი­ტას, მა­შინ რო­დე­საც რუ­სე­თის სამ­ხედ­რო ელი­ტა - მო­წი­ნა­ვე და მო­ი­ე­რი­შე ძა­ლე­ბი სრუ­ლი­ად გა­ნად­გუ­რე­ბუ­ლია. ამი­ტომ მო­უ­წია პუ­ტინს მო­ბი­ლი­ზა­ცი­ის გა­მო­ცხა­დე­ბა. ამა­ნაც რომ ვერ უშ­ვე­ლა, ცი­ხე­ე­ბი­დან და­ი­წყო ბან­დი­ტე­ბის შეგ­რო­ვე­ბა. მა­ინც ვე­რა­ფერს გახ­დე­ბა, უკ­რა­ი­ნუ­ლი ჯარი მწყობ­რშია, სა­მო­ქა­ლა­ქო სა­ზო­გა­დო­ე­ბა მო­ბი­ლი­ზე­ბუ­ლია და ეხ­მა­რე­ბა ჯარს. სინ­ქრო­ნუ­ლად მოქ­მე­დე­ბენ.

- მაგ­რამ არ­სე­ბობს ბირ­თვუ­ლი ია­რა­ღის გა­მო­ყე­ნე­ბის საფრ­თხე...

- დიახ, ტაქ­ტი­კუ­რი ბირ­თვუ­ლი ია­რა­ღი, სამ­წუ­ხა­როდ, ძა­ლი­ან დიდ მსხვერ­პლს გა­მო­იწ­ვევს, საფრ­თხე არის, მაგ­რამ მა­ინც მგო­ნია, რომ პუ­ტი­ნი ამ სა­კი­თხით მა­ნი­პუ­ლი­რებს. ახლა ბირ­თვუ­ლი ია­რა­ღის შან­ტა­ჟით ცდი­ლობს უკ­რა­ი­ნის მო­ლა­პა­რა­კე­ბის მა­გი­დას­თან დას­მას, მაგ­რამ უკ­რა­ი­ნამ იცის, კრემლს რა­ტო­მაც სურს მო­ლა­პა­რა­კე­ბა - ეს არის ოკუ­პი­რე­ბუ­ლი ტე­რი­ტო­რი­ე­ბის და­კა­ნო­ნე­ბა. ამა­ზე კი უკ­რა­ი­ნე­ლე­ბი არ წავ­ლენ.

იხი­ლეთ ასე­ვე:

• რუსი აგ­რე­სო­რე­ბის ქარ­თვე­ლი რის­ხვა - 14 წლის ასაკ­ში ბრძო­ლა აფხა­ზეთ­ში და 3-თვი­ა­ნი ტყვე­ო­ბა: "ერთხე­ლაც გა­ვი­გეთ, რომ მა­მუ­კაც გა­ი­პა­რა, დე­დამ მა­მას მი­აწ­ვდი­ნა ხმა, რომ ისიც აფხა­ზეთ­ში იყო"

ავ­ტო­რი: ხა­თუ­ნა ბახ­ტუ­რი­ძე