შაკირამ ატრაქციონზე ასასვლელად რიგში მდგომი ხალხი არაფრად ჩააგდო და საზოგადოება გაანაწყენა - "ყველას გადაასწრო და შვილებთან ერთად ავიდა, წარბიც არ შეუხრია"

შაკირამ არაერთი მშობელი აღაშფოთა თავისი საქციელით მას შემდეგ, რაც ჰელოუინის ატრაქციონზე მომლოდინე ხალხს 90-წუთიანი რიგი ჩაუჭრა. მომხდარზე რამდენიმე ესპანურმა გამოცემამ დაწერა და 45 წლის მომღერალი "თავხედობისა და შვილების არასწორად აღზდისთვის" გააკრიტიკა.

მედიის ცნობით, შაკირამ არაფრად ჩააგდო რიგში მდგომი მშობლები და ბავშვები, ყველას გადაასწრო და 9 და 7 წლის ვაჟებთან ერთად ატრაქციონზე ავიდა.

"მიუხედავად აღშფოთებული მშობლების ყვირილისა, შაკირას წარბიც არ შეუხრია, როცა მათ წინ ჩაუდგა. რა მაგალითს აძლევს თავის შვილებს? ისინი პატარა ასაკიდანვე სწავლობენ, რომ ყველას თვალწინ შეუძლიათ სხვებს გზა გადაუღობონ", - ამბობს მომღერლის ქცევით აღშფოთებული ერთ-ერთი ესპანელი ჯურნალისტი.

შაკირას არც თუ ისე სახარბიელო წელიწადი აქვს. ფეხბურთის ესპანელ ვარსკვლავთან პიკესთან დაშორების შემდეგ შვილებზე მურვეობის მოპოვებას და 8-წლიანი პატიმრობის თავიდან აცილებასაც ცდილობს. სამამართლო დავა ჯერ კიდევ მიმდინარეობს, ეს უკანასკნელი კი საგადასახადო თაღლითობას უკავშირდება.

წყარო:pagesix

მოამზადა: ანა სიბოშვილმა