სეულში, ჰელოუინის დღესასწაულზე მომხდარ ტრაგედიას სამხრეთ კორეელი პოპვარსკვლავი ემსხვერპლა
სამხრეთ კორეის დედაქალაქ სეულში, იტევონის უბანში მომხდარი ჭყლეტვის დროს დაღუპულ 154 ადამიანს შორის ერთ-ერთი კორეაში ცნობილი მომღერალი და მსახიობი ლი ჯიჰანი იყო.
24 წლის ბიჭის გარდაცვალების ამბავი მისმა აგენტებმა დაადასტურეს. ლი ჯიჰანისთვის კორეის გასართობ ინდუსტრიაში პირველი დიდი ნაბიჯი მუსიკალურ კონკურსში - Produce 101 მონაწილეობა იყო.
ის მაყურებელმა კონკურსის მეორე სეზონში იხილა, სადაც 101 ახალგაზრდა მომღერალი იბრძოდა 11-წევრიან ჯგუფში მოსახვედრად. მომღერალი მეხუთე ეპიზოდიდან გამოეთიშა შეჯიბრს.
Produce 101-ის შემდეგ, ჯიჰანმა 2019 წელს, კორეულ სატელევიზიო დრამაში - "Today Was Another Namhyun Day"-ში მიიღო მონაწილეობა.
ტრაგედიასთან დაკავშირებით, კორეის მთავრობამ საყოველთაო გლოვის დღეები გამოაცხადა, რომელიც 5 ნოემბრამდე გაგრძელდება.
ამავე თემაზე:
წყარო: billboard
მოამზადა: ანა სიბოშვილმა