მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია -
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რეზო გიგინეიშვილის ახალი სიყვარული: ვინ არის სკანდალური რეჟისორის 48 წლის რჩეული - რუსეთში მოღვაწე ქართველი ხელოვანის სამი ცოლი და მრავალფეროვანი "ლავსთორები"
14:02 / 28-10-2022
ერთი თვის წინ, რუსეთში მოღვაწე ქართველმა რეჟისორმა რეზო გიგინეიშვილმა "ინსტაგრამზე" პოსტი გამოაქვეყნა, სადაც უკრაინაში ომის დაწყების შემდეგ, პირველად გამოხატა საკუთარი პოზიცია. გიგინეიშვილმა 2008 წელს რუსეთ-საქართველოს კონფლიქტი გაიხსენა და განაცხადა, რომ მისი სამშობლოც რუსეთის მიერ არის ოკუპირებული.
"კეთილი იყოს თქვენი მობრძანება საქართველოში, მაგრამ გთხოვთ, როცა გეკითხებიან ოკუპაციის შესახებ, არ თქვათ, რომ არ გესმით პოლიტიკა. ვეცადე ბევრი ხელოვანი, ჩემი კოლეგა დამერწმუნებინა, რომ საქართველო ოკუპირებული იყო, მაგრამ მათთვის აფხაზეთში არდადეგებზე და ფესტივალებზე ჩასვლა კომფორტული იყო. მე არ მესმის მათი. რაც ჩვენი ტკივილი იყო, მათი პატივისცემის ობიექტი არ გამხდარა. ახლა მაინც!..“ - წერს გიგინეიშვილი...
რუსეთში მოღვაწე ქართული წარმოშობის რეჟისორს საინტერესო ბიოგრაფია აქვს. რუსული მედია მასზე წერს, რომ საოცარი უნარი აქვს, შეკრიბოს რუსული კინოს ვარსკვლავები და კარგი ფილმი გადაიღოს.
ბავშვობა და ახალგაზრდობა
მომავალი კინემატოგრაფისტი 1982 წლის 19 მარტს თბილისში, ექიმისა და მევიოლინეს ოჯახში დაიბადა. შვილების გაჩენის შემდეგ დედამ ირინა წიქორიძემ მუსიკალური კარიერა მიატოვა და მათ გაზრდაზე გადაერთო. ამასობაში რეზოს მამის კარიერა ელვის სისწრაფით განვითარდა. დავით გიგინეიშვილი ბორჯომის ერთ-ერთი ცნობილი გამაჯანსაღებელი კურორტის უფროსად დაინიშნა. მამის საქმიანობიდან გამომდინარე, 1990-იანი წლების დასაწყისში გიგინეიშვილების ოჯახი საცხოვრებლად მოსკოვში გადავიდა.
დედაქალაქში რეზომ სწრაფად შეიძინა ახალი მეგობრები. სკოლის დამთავრების შემდეგ კი მომავალ პროფესიად კინო რეჟისორობა აირჩია. ორი წლით ადრე, გავლენიანი მამის დახმარებით, 15 წლის რეზო ერთ-ერთ ტელეარხზე ასისტენტად დაასაქმეს. ის პირველივე წელს ჩაირიცხა VGIK-ში, სადაც მარლენ ხუციევის ჯგუფში მიიღეს.
ფილმები
რეზო გიგინეიშვილის კინემატოგრაფიული ბიოგრაფია სტუდენტობის წლებში დაიწყო. პირველად ცნობილ სერიალში „Ice Age“, დათოს როლი ითამაშა, მაგრამ ბიჭი აღფრთოვანებული არ დარჩენილა სამსახიობო გამოცდილებით, რადგან თავად ოცნებობდა ფილმის გადაღებაზე.
მალე გიგინეიშვილი ფიოდორ ბონდაჩუკმა ბლოკბასტერი „მე-9 კომპანიის“ გადაღებისას ახალგაზრდა კოლეგა ასისტენტად მიიწვია. რის შემდეგაც, დამწყებმა რეჟისორმა მაყურებელს საკუთარი პროექტი წარუდგინა. მისი სადებიუტო კომედიური სერიალი „9 თვე“ წარმატებული აღმოჩნდა... ფილმში მონაწილეობდნენ კონსტანტინე კრიუკოვი, ალექსეი ჩადოვი, არტურ სმოლიანინოვი და ტიმატი. უარყოფითი რეიტინგებისა და მიმოხილვების მიუხედავად, 2 მილიონი დოლარის ბიუჯეტის მქონე სურათმა 16,8 მილიონი დოლარი გამოიმუშავა.
შემდეგ იყო კომედია „სიყვარული აქცენტით“, რომელიც ძალიან წარმატებული აღმოჩნდა. ფილმისთვის მსახიობმა ანა მიხალკოვამ საუკეთესო მსახიობი ქალის კატეგორიაში „ოქროს არწივი“ მიიღო.
გიგინეიშვილის ფილმში „სიყვარულის შესახებ, მხოლოდ მოზრდილებისთვის" მთავარ როლს ჰოლივუდის პოპულარული მსახიობი ჯონ მალკოვიჩი ასრულებდა. სურათი წარმატებული აღმოჩნდა, მისმა მოგებამ 2.5 მილიონი დოლარი შეადგინა.
ფილმმა "მძევლები," რომელიც რეზო გიგინეიშვილმა „თვითმფრინავის ბიჭების“ თემაზე გადაიღო, არაერთი კინოფესტივალის ჯილდო მიიღო.
პირადი ცხოვრება
რეჟისორის პირველი ცოლი შოუ "ვარსკვლავების ფაბრიკის" მონაწილე ანასტასია კოჩეტკოვა გახდა. წყვილმა ერთმანეთი ჯერ კიდევ მაშინ გაიცნო, როდესაც ახალგაზრდა მომღერალი 17 წლის იყო. ანასტასიას მშობლები კატეგორიულად ეწინააღმდეგებოდნენ ამ ქორწინებას, რადგან გოგონას ოჯახური ცხოვრებისთვის ძალიან ახალგაზრდად თვლიდნენ. მაგრამ მალე ქორწილი გამოაცხადეს.
მალე საერთო ქალიშვილი მაშა შეეძინათ, მაგრამ მათი ქორწინება სკანდალური განქორწინებით დასრულდა. წყვილი არაერთხელ დაშორდა ერთმანეთს და შემდეგ ისევ რიგდებოდნენ. საბოლოოდ, ქორწინება მაინც დასრულდა.
მალე გიგინეიშვილის ცხოვრებაში ახალი ქალი შემოვიდა, როდესაც გადასაღებ მოედანზე რეჟისორ ნიკიტა მიხალკოვის ქალიშვილი, მსახიობი ნადეჟდა მიხალკოვა გაიცნო. 4 წლის შემდეგ სიყვარულის ისტორია ქორწინებით გაგრძელდა. წყვილმა კახეთში, ბოდბის უძველეს მონასტერში იქორწინა. ქორწილი კი წინანდალში გადაიხადეს. მაშინ ამ ქორწინებაზე როგორც რუსული, ასევე ქართული მედია ბევრს წერდა, რადგან ქორწილს ქართული შოუბიზნესის ცნობილი სახეები და პოლიტიკოსები ესწრებოდნენ. ამბობდნენ, რომ ქორწილს დაესწრო მაშინდელი პრეზიდენტი მიხეილ სააკაშვილი.
წყვილს ორი შვილი, ქალ-ვაჟი - ნინა და ივანე შეეძინათ. და-ძმა ერთსა და იმავე დღეს, 21 მაისს დაიბადა, მაგრამ 2011 და 2013 წლებში.
2016 წელს რუსულ მედიაში წერდნენ, რომ წყვილი განქორწინების ზღვარზე იყო. მაშინ რეჟისორმა ინტერვიუში ჭორები უარყო და განაცხადა, რომ დაშორებაზე არც კი ფიქრობდნენ. თუმცა, 2017 წლის სექტემბერში ნადეჟდამ ოფიციალურად შეიტანა განცხადება განქორწინებაზე. „მძევლების“ პრემიერაზე წყვილი ცალ-ცალკე გამოჩნდა. მიხალკოვა კამერების წინ მარტო პოზირებდა, რეჟისორი კი ბავშვობის მეგობართან სოფიკო შევარდნაძესთან ერთად - წერდა რუსული მედია.
მალე რეზოს ცხოვრებაში ახალი ქალი ნადეჟდა ობოლენცევა გამოჩნდა. წყვილმა ხელი 2019 წლის 18 ივლისს მოაწერა, რის შემდეგაც მასშტაბური წვეულება გამართეს. როგორც რეზოსთვის, ასევე ნადეჟდასთვის ეს მესამე ქორწინება იყო. ნადეჟდა ობოლენცევა ორჯერ იყო გათხოვილი. მისი პირველი მეუღლე ცნობილი რუსი ბიზნესმენი დენის მიხაილოვი, მეორე კი "ნეფტოგაზ ინდუსტრიის" თანამფლობელი აირატ ისხაკოვი გახლდათ. ობოლენცევა მეორე მეუღლეს სკანდალურად გაშორდა. მედია მაშინაც წერდა, რომ მიზეზი ფულადი გარჩევები გახდა.
სამწუხაროდ, იდილია დიდხანს არ გაგრძელებულა. 2020 წლის აგვისტოში მედია წერდა, რომ მათ პრობლემები ჰქონდათ, ოქტომბერში ცნობილი გახდა, რომ წყვილი დაშორდა.
განქორწინების შემდეგ
2 წლის შემდეგ მედიაში გაჩნდა ინფორმაცია, რომ რეჟისორმა ახალი სიყვარული იპოვა. მისი რჩეული 48 წლის მსახიობი ქსენია რაპოპორტია. 90-იან წლებში ქსენია რაპოპორტს ბიზნესმენ ვიქტორ ტარასოვისგან ქალიშვილი შეეძინა. მსახიობს ასევე მიაწერენ რომანს ედუარდ ბოიაკოვთან, თუმცა ოფიციალური დასტური არ არსებობს, გარდა ეკატერინა ვოლკოვას განცხადებებისა, რომ ქსენიამ მას საქმრო წაართვა. 2011 წელს რაპოპორტს შეეძინა კიდევ ერთი ქალიშვილი იური კოლოკოლნიკოვისგან, რომელსაც 2015 წელს დაშორდა. რომანი დაიწყო რესტავრატორ დიმიტრი ბორისოვთან. წყვილმა 2016 წელს ფარულად იქორწინა და სამი წლის წინ დაშორდნენ.
მკითხველის კომენტარები /
30 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რუსეთი დიდი მდელოა, ყველა ყვავილს ვერ მოწყვეტ. უნახავივით არ უნდა იქცეოდე კაცი
ამ ბიჭს რაღა მოუვიდა თავის მოსაწონი ქართველი გოგონა ვეღარ მოძებნა ?ამ რუს პრასტიტუტკებს რომ დაერია და ქართულ გენს ამრავლებს , რომლებიჩ მერე მტრებად გვექცევიან.