როდის გადასცემს აშშ უკრაინას NASAMS-ის სისტემებს?

შეერთებული შტატები NASAMS-ის საჰაერო თავდაცვის სისტემების უკრაინის შეიარაღებული ძალებისთვის გადაცემას, ასევე ამ კომპლექსების გამოყენებაზე უკრაინელი სამხედროების მომზადებას უახლოეს კვირებში გეგმავს, - უკრაინული მედიის ინფორმაციით, ამის შესახებ აშშ-ის თავდაცვის მინისტრმა, ლოიდ ოსტინმა განაცხადა.

"რაც მათ ყველაზე მეტად სჭირდებათ, არის საჰაერო თავდაცვის აღჭურვილობა. ჩვენ ძალიან ვცდილობდით მათთვის NASAMS-ის გადაცემას და ველით, რომ მომავალი თვის დასაწყისში, ჩვენ შევძლებთ მათ ეს საშუალებები გადავცეთ და გავწვრთნათ ჯარისკაცები უკრაინაში“, - აღნიშნა ოსტინმა.

აშშ-ის თავდაცვის მინისტრმა ხაზი გაუსვა, რომ შეერთებული შტატები გააგრძელებს ძალისხმევას, უკრაინას რაც შეიძლება სწრაფად გადასცეს საჰაერო თავდაცვის საშუალებები.