მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მაშინ, როცა ლუპის ქვეშ გვიყურებენ ევროპელი პარტნიორები, მურუსიძე და გვრიტიშვილი "კლანის“ გასამყარებლად ბრუნდებიან იუსტიციის საბჭოში " - ელენე ხოშტარია
13:05 / 24-10-2022
პარტია “დროას” ლიდერის, ელენე ხოშტარიას განცხადებით, იუსტიციის უმაღლესი საბჭოს მოსამართლე წევრებად ლევან მურუსიძისა და დიმიტრი გვრიტიშვილის არჩევამ მართლმსაჯულების სისტემაში “კლანური” მმართველობა გაამყარა.
როგორც მან პარტიის ოფისში გამართულ ბრიფინგზე აღნიშნა, ქართული საზოგადოება გულგრილად არ უნდა შეხვდეს მსგავს გადაწყვეტილებებს.
“დღეს საქართველო იმყოფება განვითარების იმ ეტაპზე, როდესაც ნებისმიერი პოლიტიკური გადაწყვეტილება, გარდა ჩვენი დემოკრატიის ხარისხისა, პირდაპირ გავლენას ახდენს ჩვენს ევროპულ პერსპექტივაზე. 24 ივლისის გადაწყვეტილების შემდეგ, ჩვენ მივიღეთ ძალიან მკაფიო სამოქმედო გეგმა, თუ რა უნდა გააკეთოს ქართულმა სახელმწიფომ იმისთვის, რომ ევროკავშირის წევრი გახდეს და ეს პერსპექტივა არის ძალიან ხელშესახები უკრაინის ბრძოლის გამო, თუ ჩვენ გვექნება პოლიტიკური ნება, რომ განვახორციელოთ რამდენიმე ფუნდამენტური რეფორმა. ერთ-ერთი ფუნდამენტური რეფორმა არის მართლმსაჯულების სისტემის რეფორმა. ამ გადაწყვეტილებიდან სულ რამდენიმე დღეში, "ქართულმა ოცნებამ“ ჩინჩალაძე დააწინაურა, დანიშნა და გაამყარა მართლმსაჯულების სისტემის “კლანის” მმართველობაში. ამდენი თვის შემდეგ, როდესაც ჩვენ ლუპის ქვეშ გვიყურებენ ჩვენი ევროპელი პარტნიორები, ვხედავთ, რომ სრულიად ცინიკურად, პრაქტიკულად, "სილის გაწვნით“ ჩვენი საზოგადოებისა და ჩვენი ევროპული პერსპექტივისთვის, მურუსიძე და გვრიტიშვილი მშვიდად ბრუნდებიან იუსტიციის საბჭოში, ასევე "კლანის“ გასამყარებლად და მართლმსაჯულების სისტემის ბოლომდე მისატაცებლად.
დღეს ასევე, იმართება ნიკა გვარამიას სააპელაციო სასამართლოს ბოლო სხდომა. პროცესი, რომელმაც პრაქტიკულად გაუგზავნა ევროპას მკაფიო გზავნილი, რომ "ქართული ოცნება“ არაფრის ფასად არ აპირებს ევროპული პერსპექტივის მიღებას და მას ურჩევნია, პოლიტიკურად დევნოს ოპონენტები, გაანადგუროს მედია, მართლმსაჯულების სისტემა, სცემოს საკუთარი მოქალაქეები, დევნოს აქტივისტები, ოღონდ შეინარჩუნოს ძალაუფლება და დააკარგვინოს ჩვენს ქვეყანას ევროპული პერსპექტივა. გუშინდელი გადაწყვეტილება არის კიდევ ერთი გზავნილი "ქართული ოცნების“ მხრიდან მოქალაქეების მიმართ, რომ ჩვენს ქვეყანას "ქართული ოცნების“ პირობებში არ აქვს არანაირი ევროპული პერსპექტივა“, - განაცხადა ხოშტარიამ.
რაც შეეხება უშუალოდ გვარამიას პროცესს, მისი თქმით, არ აქვს ილუზია იმასთან დაკავშირებით, რომ დღეს სააპელაციო სასამართლო ნიკა გვარამიასთან დაკავშირებით გონივრულ გადაწყვეტილებას მიიღებს.
"მივმართავ საზოგადოებას, ოპოზიციას და ყველა მოქალაქეს, რომლის კისერზე საბოლოოდ არის ჩვენი ევროპული მომავალი. "ქართულ ოცნებას“ არ ეკუთვნის ჩვენი სახელმწიფო, მიუხედავად იმისა, რომ მათ ის მიტაცებული აქვთ. ამ გადაწყვეტილებით, კიდევ ერთხელ გაამყარეს ეს მიტაცება. ეს სახელმწიფო გვეკუთვნის ჩვენ და ჩვენს აქტიურობაზე, ჩვენი დასკვნების გაკეთებაზე არის დამოკიდებული, დავთმობთ თუ არა ამ მომავალს. შესაბამისად, ჩვენ გულგრილად არ უნდა შევხვდეთ მსგავს მტკივნეულ გადაწყვეტილებებს“, - განაცხადა ხოშტარიამ.
ცნობისთვის, მოსამართლეთა 31-ე კონფერენციაზე, იუსტიციის უმაღლესი საბჭოს ორი მოსამართლე წევრი - ლევან მურუსიძე და დიმიტრი გვრიტიშვილი აირჩიეს.
დიმიტრი გვრიტიშვილის კანდიდატურა მოსამართლეებმა დაასახელეს, ხოლო ლევან მურუსიძემ, თავად დააყენა საკუთარი კანდიდატურა.
იუსტიციის უმაღლეს საბჭოში ორი წევრის ადგილი მას შემდეგ გახდა ვაკანტური, რაც გოჩა აბუსერიძემ და გიორგი გოგინაშვილმა თანამდებობა საკუთარი განცხადების საფუძველზე დატოვეს.
შეგახსენებთ, რომ იუსტიციის უმაღლესი საბჭოს მოსამართლე წევრები თანამდებობაზე 4 წლის ვადით ინიშნებიან.
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს პარტია 2017 წელსაა რეგისტრირებული და ხოშტარიამ სხვისგან იყიდა სავარაუდოდ 2021 წელს, რადგან რეესტრში არ იძებნება ადრე ვინები იყვნენ, ვერ გეტყვით ვინ გაყიდა, წესდებას ადევს გრიფი საიდუმლო და ვერ წავიკითხე , ანუ სახალხო დემოკრატიის კამერალური ნიმუშია , ტაბახმელური ! პროგრამა -ფულია !
მავნებლებო! ის პარტნიორები ტქვენს ქმედებებსაც ვერ ხედავენ ეტყობა და ალაგ-ალაგ უნათდებათ გონება! ვაი თქვენს ოპოზიციონერობას!