13 წლის მოზარდი, რომელსაც ვაკის პარკის შადრევანში დენმა დაარტყა, გარდაიცვალა
13 წლის მოზარდი, რომელსაც ვაკის პარკში, შადრევანში, დენმა დაარტყა, გარდაიცვალა. ამის შესახებ ხეჩინაშვილის კლინიკის ექიმმა განაცხადა.
"პირველი პაციენტის, ბიჭის მდგომარეობის დასტაბილურება მოხდა. გადაყვანილია პროფილურ კლინიკაში. რაც შეეხება გოგონას, შემოვიდა გულის გაჩერებით. რეანიმაციული ღონისძიებები უშედეგო აღმოჩნდა. დაფიქსირდა ბიოლოგიური სიკვდილი" - განაცხადა ხეჩინაშვილის კლინიკის ექიმმა.
ცნობისთვის, ვაკის პარკში თამაშისას ბავშვებს ბურთი შადრევანში ჩაუვარდათ, მის ამოსაღებად მასში ჩასულ ორ არასრულწლოვანს დენმა დაარტყა.
შინაგან საქმეთა სამინისტრომ მომხდარზე გამოძიება სსკ-ის 240-ე პრიმა მუხლის 1-ლი ნაწილით დაიწყო, რაც ობიექტზე უსაფრთხოების წესების დარღვევას გულისხმობს, რამაც ჯანმრთელობის ნაკლებად მძიმე ან მძიმე დაზიანება გამოიწვია.
შეგახსენებთ, ვაკის პარკში არსებული მცირე კასკადისა და მრგვალი შადრევნის რეაბილიტაცია გუშინ დასრულდა.
- ambebi.ge მომხდარის გამო ღრმა მწუხარებას გამოთქვამს და უსამძიმრებს ოჯახსა და ახლობლებს