ლუკა ლოჩოშვილი წლის ყველაზე ემოციური მომენტისთვის დააჯილდოვეს - ქართველმა სპორტსმენმა ფეხბურთელი სიკვდილს გადაარჩინა

ლუკა ლოჩოშვილი წლის ყველაზე ემოციური მომენტისთვის დააჯილდოვეს - ქართველმა სპორტსმენმა ფეხბურთელი სიკვდილს გადაარჩინა.

Lotteries Sporthilfe Gala-ს ფარგლებში, ავსტრიის წლის საუკეთესო სპორტსმენები დააჯილდოვეს. ავსტრიაში ეს ყველაზე მასშტაბური სპორტული დაჯილდოებაა.

ღონისძიებას 1200 სტუმარი ესწრებოდა. ნომინანტები სხვადასხვა კატეგორიებში სექტემბრის ბოლოს გამოაცხადეს და ხმის მიცემის უფლება ავსტრიის სპორტულ ჟურნალისტთა ასოციაციის წევრებს ჰქონდათ.

სპორტსმენები 12 კატეგორიაში დაჯილდოვდნენ და ერთ-ერთი კატეგორიის გამარჯვებული ქართველი ფეხბურთელი, ლუკა ლოჩოშვილი გახდა. მან ჯილდო "ყველაზე ემოციური სპორტული მომენტისთვის" კატეგორიაში მიიღო.

საქმე ეხება ეპიზოდს საფეხბურთო მატჩის მიმდინარეობის დროს, როცა ლუკამ ფეხბურთელი სიკვდილისგან იხსნა.

როდესაც ლუკა "ვოლფსბერგის“ რიგებში თამაშობდა, მან "აუსტრიას" ფეხბურთელი, ჯორჯ ტაიგლი გადაარჩინა. შეხვედრის მიწურულს, მასპინძელთა ნახევარმცველი ტაიგლი ცუდად გახდა და გონება დაკარგა. ფეხბურთელთან სწრაფად გაჩნდა ლოჩოშვილი, რომელმაც პირველადი დახმარება გაუწია კოლეგას და მისი სიცოცხლე იხსნა.

როგორც ცნობილია, ლოჩოშვილს ამავე ინციდენტის შემდეგ კარინტიას მხარის გუბერნატორმა, პიტერ კაიზერმა, სპორტულმა დირექტორმა არნო არტოფერმა და საბჭოს ხელმძღვანელმა, სებასტიან შუშნიგმაც გადასცეს საპატიო ჯილდო.

წყარო: leadersnet

მოამზადა: ანა სიბოშვილმა