19
მაისიდღის ზოგადი ასტროლოგიური პროგნოზი
შეიარაღებაზე კონტროლისა და საერთაშორისო უსაფრთხოების საკითხებში აშშ-ის სახელმწიფო მდივნის მოადგილე ბონი ჯენკინსი 5-7 ოქტომბერს საქართველოს ეწვევა.
ინფორმაციას ამის შესახებ აშშ-ის სახელმწიფო დეპარტამენტი ავრცელებს.
“შეიარაღებაზე კონტროლისა და საერთაშორისო უსაფრთხოების საკითხებში მდივნის მოადგილე ბონი დ. ჯენკინსი თბილისს 5-7 ოქტომბერს ეწვევა. თბილისში ყოფნისას, იგი გახსნის და ძირითად დაკვირვებებს გამოთქვამს ბიოუსაფრთხოების ასოციაციის ცენტრალური აზიისა და კავკასიის რეგიონის კონფერენციაზე COVID-19-დან მიღებული გაკვეთილების შესახებ. მდივნის მოადგილე ასევე დაესწრება ორმხრივ შეხვედრებს” , - წერია სახელმწიფო დეპარტამენტის განცხადებაში.
ანალიტიკოსი ზურაბ ბატიაშვილი მიიჩნევს, რომ აშშ-ის სახელმწიფო მდივნის მოადგილის ვიზიტი მეტად მნიშვნელოვანია.
როგორც ბატიაშვილმა "ინტერპრესნიუსთან" საუბრისას აღნიშნა, ის ანტიდასავლური განცხადებები, რომელიც როგორც მმართველი პარტიის, ასევე მათთან დაკავშირებული ჯგუფების მიერ კეთდება, ბუნდოვანს ხდის საქართველოს შეიარაღებული ძალების მომავალს წახალისება-გადაიარაღების თვალსაზრისით.
"ასეთი რანგის მაღალჩინოსნის ჩამოსვლა ყოველთვის მნიშვნელოვანია და უკავშირდება როგორც რუსეთ-უკრაინის ომს, ასევე ამ ომის შედეგად შექმნილ უსაფრთხოების გარემოს რეგიონში და მთელს მსოფლიოში. ამ შემთხვევაში, მნიშვნელოვანია სად იქნება საქართველოს ადგილი, მაშინ, როდესაც კეთდება ბუნდოვანი განცხადებები ხელისუფლების და მათთან დაკავშირებული ჯგუფების მხრიდან, რომლებიც ორგანიზებულ ხასიათს აძლევენ თავიანთ მოძრაობას. ამ ფონზე მსგავსი ვიზიტები კიდევ უფრო მნიშვნელოვანია, რათა მეტი სიცხადე შევიტანოთ იმ საკითხში, თუ სად არის საქართველოს ადგილი.
შეიარაღების თვალსაზრისით ეს ვიზიტი მეტად მნიშვნელოვანი იქნება, ის შეიარაღება და აღჭურვილობა, რომელიც საქართველოს გააჩნია, არის საბჭოთა, ეს იარაღი საერთოდ გამოუსადეგარი იქნება რამდენიმე თვეში, ტყვია-წამალიც კი არ იქნება ამისთვის არსად მთელს მსოფლიოში.
ამიტომ, დღეიდანვე უნდა დაიწყოს ყველა ქვეყანამ ფიქრი გადაიარაღებაზე, მათ შორის საქართველომაც. მაგრამ იმ ფონზე, როგორი ანტიდასავლური განცხადებებიც კეთდება, ეს ბუნდოვანს ხდის საქართველოს შეიარაღებული ძალების მომავალს წახალისება-გადაიარაღების თვალსაზრისით. ამ მხრივადაც მნიშვნელოვანია ეს ვიზიტი, რომ რაღაც გზა გამოიკვეთოს და დაისახოს“, - აღნიშნა ზურა ბატიაშვილმა.
ბატიაშვილი არის ერთი პოლიტიკურად ანგაჟირებული, ვერშემდგარი ვერაფერი, ადამიანი კამათში ვერ შედის მეორე ადამიანთან ეგრევე ბლოკავს, ძალიან სუსტია. რეალური ანალიზები გვჭირდება მიმდინარე სიტაუცაისთან დაკავშირებით და არა ეს რაღაცა მიდებ-მოდება.
მოგვაშორე ელჩი და ცხადი გახდება ყველაფერი
რაც ეგ და ნაცები ერთმანეთს ლანძღავდნენ, რატომ ასე რადიკალური ცვლილება? აშშ ახალი ადმინისტრაციის ბრალია?