მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია -
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
20 წლით უმცროსი ქმარი და მდიდრული უძრავი ქონება საზღვარგარეთ - პუტინის ყოფილი ცოლის სკანდალური პირადი ცხოვრება
10:52 / 01-10-2022
რუსეთის პრეზიდენტის, ვლადიმერ პუტინის პირადი ცხოვრება მედიის ყურადღების ცენტრში არაერთხელ მოქცეულა, მაგრამ უკრაინაში ომის დაწყების შემდეგ ოლიმპიური ჩემპიონის ალინა კაბაევასა და პუტინის შესაძლო თანაცხოვრებაზე და მათ საერთო შვილებზე უამრავი სტატია დაიწერა. თუმცა საინტერესოა სად არის ქალი, რომელიც წლების მანძილზე იმყოფებოდა პუტინთან ქორწინებაში, ის ფიურერის ორი კანონიერი ქალიშვილის, მარია და კატერინას დედაა.
რუსეთის პრეზიდენტი ლუდმილა პუტინაზე 31 წელი იყო დაქორწინებული, მაგრამ ზუსტად არ არის ცნობილი, როდის დაიწყო მათ ურთიერთობაში პრობლემები. სავარაუდოდ, წყვილის ქორწინებაში ბზარი 2001 წელს გაჩნდა, როდესაც პუტინი კაბაევას შეხვდა. სპორტსმენთან რომანის შესახებ ჭორები 2006 წელს დაიწყო...
რაც შეეხება თავად ლუდმილა პუტინას, ცოტა რამ არის ცნობილი მისი ცხოვრების შესახებ, რა თქმა უნდა, ისევე როგორც რუსი "ფიურერის" ყველა ნათესავზე. იგი დაიბადა 1958 წლის 6 იანვარს კალინინგრადში, ალექსანდრე შკრებნიოვის, სარემონტო და მექანიკური ქარხნის მუშისა და კატერინას, სატვირთო კომპანიის მოლარის ოჯახში. საშუალო სკოლა კალინინგრადში დაამთავრდა. ქალი მსახიობობაზე ოცნებობდა, ამიტომ ის სპეციალურ წრეზეც კი დადიოდა. რუსეთის მომავალი პირველი ლედი მუშაობდა არც თუ ისე პრესტიჟულ სამსახურებში, როგორიცაა ფოსტალიონი, მედდა, დრამატული კლუბის ხელმძღვანელი და კალინინგრადის ავიახაზების ბორტგამცილებელიც კი. 80-იან წლებში იგი სავარაუდოდ საცხოვრებლად ლენინგრადში (ახლანდელი სანკტ-პეტერბურგი) გადავიდა, 1986 წელს დაამთავრა ლენინგრადის სახელმწიფო უნივერსიტეტი ფილოლოგ-რომანისტის სპეციალობით. 1990-1994 წლებში თავის უნივერსიტეტში ასწავლიდა გერმანულს.
პუტინამ ერთხელაც მედიასთან ქმართან უცნაურ ურთიერთობაზე ისაუბრა. მან აღიარა, თუ როგორ გააჩინა პირველი შვილი მარტომ... საავადმყოფოში მისასვლელად ტაქსი გააჩერა, რადგან ამ დროს ქმარი მივლინებაში იყო. როდესაც პუტინი დაბრუნდა, მან გამოაცხადა, რომ გოგონას ბებიის პატივსაცემად მაშას დაარქმევდნენ, მიუხედავად იმისა, რომ ლუდმილას ქალიშვილისთვის ნატალიას დარქმევა უნდოდა: "ცრემლები მომადგა. მაგრამ შემდეგ მივხვდი, რომ ამ საკითხში არჩევანი არ მქონდა და მაშა ჩემი ქალიშვილი იქნებოდა. ”- თქვა მან. მან ასევე თქვა, რომ როდესაც პუტინი კგბ-ში მუშაობდა, ის ძალადობდა ცოლზე და ჰქონდა რომანი.
წყვილი ოფიციალურად 2013 წელს განქორწინდა. თუმცა მანამდე, როდესაც ტელეარხ „რასია 24“-ის ჟურნალისტმა ჰკითხა, თუ რატომ ჩნდებოდნენ ისინი ასე იშვიათად ერთად, წყვილმა განქორწინების მიზეზად ლუდმილას უხალისობა დაასახელა...
"მთელი ჩემი საქმიანობა დაკავშირებულია საჯაროობასთან, აბსოლუტურ საჯაროობასთან. ზოგს მოსწონს, ზოგს არა, მაგრამ არიან ადამიანები, რომლებისთვისაც ეს შეუძლებელია. ”- განაცხადა პუტინმა თითქმის 31 წლიან ქორწინებაზე.
"ეს მართლაც ჩვენი ერთობლივი გადაწყვეტილება იყო. ჩვენი ქორწინება დასრულდა იმის გამო, რომ ჩვენ პრაქტიკულად არ ვნახულობდით ერთმანეთს, ვლადიმირი მთლიანად არის ჩაფლული სამუშაოში, ჩვენი შვილები გაიზარდნენ, თითოეული თავისი ცხოვრებით ცხოვრობს. მე ნამდვილად არ მიყვარს საჯაროობა და ფრენა მიჭირს“, - თქვა ლუდმილამ, რომელიც ახალგაზრდობაში ბორტგამცილებლად მუშაობდა.
2014 წლის 1 აპრილს პუტინის პრესმდივანმა დიმიტრი პესკოვმა დაადასტურა, რომ მისი განქორწინება ლუდმილასთან დასრულდა. თუმცა, პრეზიდენტის ყოფილი მეუღლე დიდხანს არ ყოფილა მარტო და 2016 წლის იანვარში იგი დაქორწინდა ინტერპერსონალური კომუნიკაციების განვითარების ცენტრისა და გამომცემლობა "ლიტერატურული განათლების" 37 წლის ხელმძღვანელზე, არტურ ოჩერეტნიზე და შეიცვალა გვარი. მათ შორის ასაკობრივი სხვაობა 20 წელია.
აგვისტოს დასაწყისში ნავალნის გუნდმა გამოაქვეყნა ინფორმაცია, რომლის თანახმად რუსეთის ყოფილი პირველი ლედი ესპანეთში ორ ძვირადღირებულ ბინას ფლობს. ლუდმილა პუტინას უძრავი ქონების საერთო ღირებულება ორ მილიონ ევროზე მეტია. ამასთან გამომძიებლებმა LiveJournal-ში ამოაჩინეს ბლოგი, რომელსაც, სავარაუდოდ, ლუდმილა პუტინა 2008 წლამდე უძღვებოდა.
ნავალნის თანამოაზრეების თქმით, მალაგაში აღმოაჩინეს ორი ბინა, რომელიც ლუდმილა პუტინას და მის ამჟამინდელ მეუღლეს არტურ ოჩერეტნის ეკუთვნის. ოჩერეტნიმ, რომელმაც ლუდმილა პუტინაზე 2016 წელს იქორწინა, პირველი ბინა 10 წლის წინ 790 ათას ევროდ შეიძინა. მაშინ ის პუტინის ზედამხედველობით დაარსებულ "ინტერპერსონალური კომუნიკაციების განვითარების ცენტრს" ხელმძღვანელობდა. მანამდე, 2014 წელს ოჩერეტნიმ მალაგაში 1,3 მილიონ ევროზე ძვირადღირებული კიდევ ერთი ბინა შეიძინა.
გამოძიების თანახმად, პუტინა და ოჩერეტნი საფრანგეთში ბიარიცში 5.3 მილიონ ევროს ღირებულების სახლსაც ფლობენ. გარდა ამისა, ამ გაზაფხულზე შვეიცარიელმა ჟურნალისტებმა დაადგინეს, რომ 2015 წელს ლიუდმილა პუტინას ქმარმა შვეიცარიის დავოსში დაახლოებით 3,5 მილიონი ევროდ კიდევ ერთი ბინა შეიძინა.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა დახვეწილი და გემოვბებიანი ქალბატონია :))))
ალაბათ პუტინმა გაათხოვა და თანაც ასაკით პატარაზე, მასზე ნაკლები რომ ილაპარაკონ. ანდა ამან ასე გაუპროტესტა პუტინს კაბაევა