18
მაისიდღის ზოგადი ასტროლოგიური პროგნოზი
გორელი გიორგი ორთანეზაშვილი გორის ცენტრში მდებარე საკუთარ საცხოვრებელ სახლს ლოტოტრონის პრინციპით ათამაშებს.
შენობა 2008 წელს შევიდა ექსპლუატაციაში, მოიცავს ორ სართულზე განლაგებულ 240 კვ.მ საცხოვრებელ ფართობს და 150 კვ.მ. სარდაფს.
ამგვარი გადაწყვეტილება მას შემდეგ მიიღო, რაც შემთხვევით წააწყდა ინტერნეტში ინფორმაციას, რომ რამდენიმე წლის წინ, ამერიკის შეერთებულ შტატებში მოქალაქემ საკუთარი სახლი გაათამაშა.
"იმ ამერიკელის იდეამ ძალზე დამაინტერესა, თუმცა, გადავწყვიტე, გათამაშების პირობები შემეცვალა - ის თუ ბილეთს 1$-ად ყიდდა და ეს პროცესი 2 წლის განმავლობაში გრძელდებოდა, მე მხოლოდ 3 თვეზე გამოვაცხადე გათამაშება და 1 ბილეთის ღირებულება 10 ლარს შეადგენს.
მოკლედ, ვათამაშებ საკუთარს სახლს, რომელიც მდებარეობს გორის ცენტრში. მისაღების, სასტუმრო ოთახისა და სასადილოს გარდა, სახლს 4 საძინებელი და 4 სააბაზანო ოთახი აქვს. გათამაშება შედგება მიმდინარე წლის 3 დეკემბერს, სწორედ ამ სახლში. ვისაც სურვილი ექნება, შეუძლია, ლოტოს პრინციპით გათამაშებას ადგილზე დაესწროს ან თვალი ადევნოს პირდაპირ ეთერს. მოგებული გამოვლინდება ლოტოტრონის საშუალებით და მოგებულს ბინა გადაეცემა სიმბოლურ ფასად - 10 ლარად. გათამაშების პირობა არის ის, რომ უნდა გაიყიდოს მინიმუმ 70 000 ბილეთი.
გათამაშებაში მონაწილეობის მიღება შეუძლია საქართველოს ყველა მოქალაქეს და ბოლო პირობა - აუცილებელია, რომ გათამაშებისას, ლოტოტრონიდან ამოღებულ ბილეთზე მითითებულ ნომერს უპასუხოს სავარაუდო მოგებულმა. თავდაპირველად, ბევრი სკეპტიკურად შეხვდა ჩემს ამ გადაწყვეტილებას, იყო ირონიული კომენტარებით, თუმცა, ეს ყველაფერი გადაწონა დაინტერესებულთა რიცხვმა. უამრავი ადამიანი მიკავშირდება და პირობებს აზუსტებს.
რაც შეეხება საზოგადოების სკეპტიკურად განწყობილ ნაწილს, გეტყვით, რომ ბილეთების არასაკმარისი რაოდენობით გაყიდვის შემთხვევაში, გათამაშება თუ არ შედგება, ბილეთის ყველა მყიდველს უკან დაუბრუნდება გადახდილი თანხა. ეს გახლავთ ასე ვთქვათ, ერთჯერადი სოციალური პროექტი. უკვე ბევრი ადამიანი გამოგვეხმაურა, გვიკავშირდებიან საბერძნეთში, იტალიასა და გერმანიაში მცხოვრები ქართველებიც, ამ დროისთვის, გაყიდულია 200-ზე მეტი ბილეთი და იმედს ვიტოვებ, რომ კიდევ უფრო მეტი ადამიანი დაინტერესდება და ბილეთების გაყიდვების ტემპიც გაიზრდება“, - აცხადებს გიორგი ორთანეზაშვილი.
რაც შეეხება ამგვარი გადაწყვეტილების მიზეზს, ორთანეზაშვილი ამბობს, რომ გარკვეული ფინანსური პრობლემების გამო სახლს ყიდის, თუმცა, იქიდან გამომდინარე, რომ ძვირადღირებული უძრავი ქონებაა და მოკლე დროში რეალიზაცია მარტივი არ იქნება, გასხვისების ამგვარი ფორმა მოიფიქრა.
ძალიან მაგარი იდეაა. უბრალოდ საქართველოში ყველამ იმედი დაკარგა და ასეთი სიახლეებისთვის მზად არ არის.ვერც გაამტყუნებ.მე მომწონს. წარმატებები
რა ჭკვიანი ხარ 😂😂😂😂