"ჯერ არავის გამოუყენებია ასე აშკარად ატომური ელექტროსადგური იმისთვის, რომ მთელ მსოფლიოს დაემუქროს" - ვოლოდიმირ ზელენსკი ზაპოროჟიეს აეს-ში შექმნილ ვითარებაზე
მხოლოდ რუსების სრულად გასვლა ზაპოროჟიეს ატომური ელექტროსადგურიდან და მასზე უკრაინის კონტროლის აღდგენა იქნება გარანტია ევროპაში ბირთვული უსაფრთხოების აღდგენისთვის, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
მისი თქმით, ის, რაც ახლა ზაპოროჟიეს ატომური ელექტროსადგურის გარშემო ხდება, ტერორისტული სახელმწიფოს ერთ-ერთი ყველაზე დიდი დანაშაულია.
"ჯერ არავის გამოუყენებია ასე აშკარად ატომური ელექტროსადგური იმისთვის, რომ მთელ მსოფლიოს დაემუქროს. მსოფლიოში, აბსოლუტურად, ყველას უნდა ჰქონდეს რეაქცია, რომ ოკუპანტები ზაპოროჟიეს ატომური ელექტროსადგურიდან გააძევონ. ეს გლობალურ ინტერესებშია და მხოლოდ უკრაინის საჭიროება არ არის. მხოლოდ რუსების სრულად გასვლა ზაპოროჟიეს ატომური ელექტროსადგურიდან და მასზე უკრაინის კონტროლის აღდგენა შექმნის გარანტიას ევროპაში ბირთვული უსაფრთხოების აღდგენისთვის“, - განაცხადა ვოლოდიმირ ზელენსკიმ.
იხილეთ ასევე: