"ჩერნობილის ტრაგედია მხოლოდ ყვავილები იქნება იმასთან შედარებით, რაც შეიძლება ზაპოროჟიეს ატომურ ელექტროსადგურზე მოხდეს" - დანილოვი
"მიუღებელია სიტუაცია, როდესაც რუსმა ტერორისტებმა იარაღით დაიპყრეს ზაპოროჟიეს ატომური ელექტროსადგური და პირობებს გვკარნახობენ", - ამის შესახებ უკრაინის ეროვნული უსაფრთხოებისა და თავდაცვის საბჭოს მდივანმა ოლექსი დანილოვმა განაცხადა.
"რუსმა ტერორისტებმა სხვა ქვეყნის ტერიტორიაზე აიღეს ატომური ობიექტი და პარალელურად თავადვე იწვევენ გაერო-ს უშიშროების საბჭოს. მსოფლიო თავდაყირა დადგა, მსოფლიო დღეს სულ სხვა გახდა, არ ესმის რა ხდება", - აღნიშნა დანილოვმა.
- მან ხაზი გაუსვა, რომ ზაპოროჟიეს ატომურ ელექტროსადგურზე ავარიის შემთხვევაში, მთელი ევროპა საფრთხის ქვეშ დადგება.
"ის, რაც ჩერნობილში მოხდა, მხოლოდ ყვავილები იქნება იმასთან შედარებით, რაც შეიძლება მოხდეს ზაპოროჟიეს ატომურ ელექტროსადგურზე“, - აღნიშნა დანილოვმა.
- მისი თქმით, ახლა მთელმა მსოფლიომ უნდა მოსთხოვოს რუსეთის, რომ უკრაინის ტერიტორიიდან საკუთარი ჯარი გაიყვანოს.
შეგახსენებთ, 5 და 6 აგვისტოს რუსულმა ძალებმა ცეცხლი გაუხსნეს ზაპოროჟიეს ატომურ ელექტროსადგურს. გუშინ კი ოკუპანტებმა ევროპის უდიდესი ატომური ელექტროსადგური კიდევ ერთხელ დაბომბეს.
იხილეთ ასევე: