მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა ქონებას ფლობს ყოფილი დეპუტატი ჩხოროწყუდან, რომელმაც საკუთარ ფრაზას ძეგლი დაუდგა - "კოჩანა, ირო კოჩანა, თეს ვაკო გურიშ გოჩამა“
13:50 / 01-08-2022
"კოჩანა, ირო კოჩანა, თეს ვაკო გურიშ გოჩამა“ (“კაცობა, მუდამ კაცობა, არ უნდა ამას დაფიქრება”), - ეს ფრაზა უკვე ბევრმა დაისწავალა ჩვენში, მისი ავტორი კი მე-9 მოწვევის პარლამენტის დეპუტატი "ქართული ოცნებიდან“ ჯუმბერ იზორიაა...
ფრაზა კი პოპულარული მას მერე გახდა, რაც გაირკვა, რომ ავტორმა ჯუმბერ იზორიამ თავისივე გამონათქამი ქვაზე ამოტვიფრინა და ძეგლი ჩხოროწყუს ცენტრში დადგა. ამ ფაქტს საზოგადოების მხრიდან არაერთგავროვანი დამოკიდებულება მოჰყვა და სოციალურ ქსელში ხუმრობის საგნადაც იქცა, რაზეც ექსდეპუტატი ძალიან განაწყენდა.
ჯუმბერ იზორიას თქმით, მან თავისი დაწერილი აფორიზმის ძეგლი მისსავე კუთვნილ ტერიტორიაზე დადგა. ჟურნალისტ ნოდარ მელაძეს კი ცილისმწამებელი უწოდა, შეგახსენებთ, რომ "კოჩანაზე“ სიუჟეტი პირველად "ტვ პირველზე“, ნოდარ მელაძის საავტორო გადაცემაში გავიდა...
ყოფილი ძალოვანი, როგორც ჩანს, საკუთარ ქალაქში კოლორიტული პიროვნებაა. სოციალურ ქსელში იძებნება ფოტო, რომელზეც ქალაქის ცენტრში თეთრ ცხენზეა ამხედრებული... ambebi.ge-ს არქივში კი იძებნება მასალა, რომლიდანაც ვიგებთ ამბავს, რომ იზორიამ სამი წლის ნანატრ, მსხმოიარე ვაშლის ხის ნაყოფზე ჯვრის გამოსახულება ნახა.
"გლეხის ოჯახში გავიზარდე, მუშაობას ვარ შეჩვეული. მიყვარს ყველაფერი, რაც ოჯახში შემოსავალს, ბარაქას ქმნის. ჩემს ეზოსაც მე ვუვლი, არასოდეს მეზარება. აღნიშნული ფოტოები გახმაურებისთვის არ დამიდია, უბრალოდ მენიშნა და გადავიღე. დავდე "ფეისბუქზე", არ ვიცი ვინ როგორ მიიღო. დიდება უფალს", - ამბობს იზორია იმჟამინდელ სტატიაში.
ჯუმბერ იზორია პოლიტიკაში ძალოვანი სისტემიდან მოვიდა. 2021 წელს შევსებულ დეკლარაციაში ვკითხულობთ, რომ ჰყავს მეუღლე ლელა ვახანია და შვილი, ნიკოლოზ იზორია...
იზორიების ოჯახი რამდენიმე არასაცხოვრებელ ფართს ფლობს..
2016 წელს იზორიამ ფოთში 163,71 კვ.მ. არასაცხოვრებელი ფართი ჩუქებით მიიღო, შვილმა ნიკოლოზ იზორიამ კი 2019 წელს 10 ათას დოლარად სოფელ ხაბუმეში 8645 კვ.მ მიწის ნაკვეთი შეიძინა.
ლელა ვახანიამ 2017 წელს 5000 დოლარად ჩხოროწყუში 170 კვ.მ. არასაცხოვრებელი ფართი შეიძინა. ქალს 2017 წელს აქვს ასევე გადაცემული ჩუქებით 485 კვ.მ არასაცხოვრებელი ფართი ჩხოროწყუში.
ლელა ვახანიას 2018 წელს კიდევ ერთი არასაცხოვრებელი ფართობი აჩუქეს, ისევ ჩხოროწყუში და ამჯერად 1781 კვ.მ. თუმცა ამ კონკრეტულ ფართობს ვახანია ვინმე ვეფხვია იზორიასთან ერთად 80/20%-ზე იყოფს.
ლელა ვახანიამ კიდევ ერთი არასაცხოვრებელი ფართობი 2019 წელს, 10 000 ლარად შეიძინა. ესეც ჩხოროწყუში მდებარეობს და მისი ფართობი 601 კვ.მ-ია.
ჯუმბერ იზორიას ჩხოროწყუში 10000 კვ.მ. მიწის ფართობი 1989 წელსაც აჩუქეს, სადაც ექსდეპუტატმა 1990 წელს საკუთარი სახლის აშენება დაიწყო. მშენებლობა 70 000 იმჟამინდელი მანეთი დაჯდა...
ჯუმბერ იზორიამ საცხოვრებელი ბინა თბილისში, გლდანის პირველ მიკრორაიონში 1998 წელს, 8500 დოლარად შეიძინა.
იზორიას ჰყავს Toyota-ს ფირმის მანქანა ჰყავს, რომელშიც 2011 წელს 12 000 დოლარი გადაიხადა.
დეკლარაციის შევსების დროს ჯუმბერ იზორიას ლიბერთი ბანკი სახელფასო ანგარიშზე 50 ლარი ერიცხებოდა. შვილს ნიკოლოზ იზორიას "საქართველოს ბანკი" ანაბარზე 2325 დოლარი. მეუღლეს, ლელა ვახანიას კი "ლიბერთი ბანკის" მიმდინარე ანგარიშზე 300 ლარი.
ლელა ვახანია ინდივიდუალური მეწარმეა, მის მფლობელობაშია კომპანია 'ლელა ვახანია“, საიდანაც შემოსავლის სახით 12 500 ლარი უფიქსირდება... ის ვეფხვია იზორიასთან ერთად კიდევ ერთ შპს-ს ფლობს, საიდანაც შემოსავალი არ აქვს.
ჯუმბერ იზორია საქართველოს შინაგან საქმეთა სამინისტრო შსს სამეგრელო-ზემო სვანეთის პოლიციის დეპარტამენტის, ჩხოროწყუს რაიონული სამმართველოს უფროსის პოსტზე 2019 კალენდარულ წელს ხელფასის სახით 32 035,2 ლარი ერიცხება.
მისი სასოფლო-სამეურნეო პროდუქციის რეალიზაციიდან მიღებული შემოსავალი კი 25 000 ლარია...
შეგახსენებთ, რომ ჯუმბერ იზორიამ ჩხოროწყუს პოლიციის უფროსის თანამდებობა 2018 წლის ოქტომბერში დატოვა. მას შემდეგ, რაც "რუსთავი 2-მა“ გაავრცელა ინფორმაცია, რომ ის და მისი ოჯახი ოკუპირებული აფხაზეთიდან გადმოტანილ კონტრაბანდულ სიგარეტსა და საწვავს ყიდიდა.
2019 წლის დეკემბერში კი ჯუმბერ იზორია საქართველოს პარლამენტის წევრი გახდა, მან პარლამენტიდან წასული დეპუტატი აკაკი ზოიძე ჩაანაცვლა.
იხილეთ ასევე:
მკითხველის კომენტარები /
24 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამ ტექსტს ჩემი აწ გარდაცვლილი მეზობელი ამბობდა 30 წლის უკან, ასე რომ......
გამოვიდეს მიშა. მაი ცხენივით რომ გაგიკეთებს. აი მაშინ აი მაშინ გაგვივლის ნაცსექტას მუცლის გვრემა და ტკივილი.