ცნობილი რუსი ჩოგბურთელი აცხადებს, რომ ჰომოსექსუალია - აღიარება და მხარდაჭერა უკრაინას - ინტერვიუ, რომლის გამოც შესაძლოა, სპორტსმენი სამშობლოში ვეღარ დაბრუნდეს
წარმატებული რუსი ჩოგბურთელი, დარია კასატკინა ამბობს, რომ ჰომოსექსუალია. ამ თემის შესახებ მან რუს ბლოგერ ვიტია კრავჩენკოსთან ინტერვიუში ისაუბრა. ის ჩოგბურთელებს შორის მსოფლიოს ამჟამინდელ რეიტინგში მე-12 ადგილს იკავებს.
როგორც მან ინტერვიუში თქვა, აღმოაჩინა, რომ აღარ სურს "ჩაკეტილი და მალული" ცხოვრება.
სპორტსმენმა ასევე "ინსტაგრამზე" გამოაქვეყნა ფოტო თავის გერლფრენდთან ერთად. მისი მეგობარი გოგო ნატალია ზაბიაკოა, ისიც სპორტსმენია და ფიგურული სრიალით არის დაკავებული.
25 წლის სპორტსმენმა ასევე ისაუბრა ჰომოსექსულიზმისა და ლგბტქ+ თემის მიმართ საზოგადოების დამოკიდებულებაზე რუსეთში. “ძალიან ბევრი თემა რუსეთში ტაბუდადებულია, წარმოდგენა, რომ ვიღაც შეიძლება გეი პროპაგანდით გახდეს, სასაცილოა. ვფიქრობ, ჰეტეროსექსუალად ყოფნაზე უფრო მარტივი არაფერია“, - ამბობს ჩოგბურთელი.
ის თვლის, რომ ადამიანებს არჩევანის გაკეთება რომ შეეძლოთ, არავინ აირჩევდა ჰომოსექსუალობას.
"სერიოზულად ვამბობ, ვინმეს რომ შეეძლოს არჩევანის გაკეთება, არავინ აირჩევდა რომ გეი იყოს რატომ ართულებთ ცხოვრებას, განსაკუთრებით კი რუსეთში?“ - ამბობს სპორტსმენი. კასატკინას თქმით, თავისი სექსუალური ორიენტაცვიის შესახებ საჯაროდ საუბარი მას შემდეგ გადაწყვიტა, რაც რუსმა ფეხბურთელმა ნადია კარპოვამ საჯაროდ აღიარა, რომ გეია და დარიასთვის ეს ფაქტი ფაქტი შთამაგონებელი გახდა.
ინტერვიუში კასატკინამ ასევე დაგმო რუსეთის ქმედებები უკრაინაში და მოუწოდა მმართველ ძალას ომის შეჩერებისკენ. ბლოგერმა მას ჰკითხა, თუ რა სურდა ცხოვრებაში ყველაზე მეტად, ნადიამ კი თქვა, რომ ყველაზე მეტად სურს კონფლიქტი დასრულდეს. რუსეთის შეჭრას უკრაინაში მან "ღამის კოშმარი" უწოდა. ვიდეოში კასატკინამ ცრემლები ვერ შეიკავა, როდესაც ჰკითხეს, ეშინოდა თუ არა, რადგანაც ინტერვიუს შემდეგ შესაძლოა, რუსეთში ვეღარ დაბრუნდეს.
როგორც ცნობილია, სპორტსმენი ამჟამად კანადაში იმყოფება.