მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დაგვეხმარეთ, რომ დაგეხმაროთ დეკემბერში ევროკავშირის კანდიდატის სტატუსის მიღებაში" - ამერიკელი სენატორის გზავნილი საქართველოს მთავრობას
09:33 / 08-07-2022
დაგვეხმარეთ, რომ დაგეხმაროთ დეკემბერში ევროკავშირის კანდიდატის სტატუსის მიღებაში, - ეს არის ამერიკის შეერთებული შტატების სენატორ ჯინ შაჰინის გზავნილი საქართველოს მთავრობისადმი.
როგორც ჯინ შაჰინი "ამერიკის ხმასთან" აცხადებს, საქართველოს მთავრობას შეუძლია რეფორმების განხორციელებაში ოპოზიციურ პარტიებთან და სამოქალაქო საზოგადოებასთან, ინკლუზიური პროცესის წარმართვით, პროგრესს მიაღწიოს.
"მესმის, რომ ქართველი ხალხი, რომელიც უდიდესი უმრავლესობით მხარს უჭერს ევროკავშირში გაწევრიანებას, იმედგაცრუებული იყო იმით, რომ უკრაინას და მოლდოვას ევროკავშირის კანდიდატის სტატუსი მიენიჭათ, მაგრამ საქართველოს არა. საქართველომ დიდ პროგრესს მიაღწია კრიტიკული რეფორმების განხორციელების მიმართულებით ევროატლანტიკური მისწრაფებების დასაწინაურებლად, მაგრამ რჩება გარკვეული სფეროები, რომლებიც პროგრესს მოითხოვს. დარწმუნებული ვარ, რომ საქართველოს მთავრობას შეუძლია ამ რეფორმების განხორციელებაში ოპოზიციურ პარტიებთან და სამოქალაქო საზოგადოებასთან, ინკლუზიური პროცესის წარმართვით, პროგრესს მიაღწიოს“, - განაცხადა შაჰინმა.
სენატორი შაჰინი ევროკავშირის რეკომენდაციების განხორციელების აუცილებლობაზე საუბრობს და ამბობს, რომ ეს ადვილი არ იქნება, მაგრამ რეფორმების განხორციელება „საუკეთესო შანსია ქართველი ხალხისთვის ეკონომიკურად აყვავებული და დემოკრატიული მომავლის უზრუნველსაყოფად“.
სენატორი შაჰინი მთავრობას ინკლუზიური პროცესის წარმართვისკენ მოუწოდებს.
მისი თქმით, შეერთებულ შტატებში "არსებობს ფართომასშტაბიანი ორპარტიული მხარდაჭერა საქართველოს, მისი სუვერენიტეტისა და ტერიტორიული მთლიანობის მიმართ, განსაკუთრებით რუსეთის მხრიდან უკრაინაში არაპროვოცირებული და უკანონო შეჭრის ფონზე“.
"ქართველი ხალხი თავს დაუცველად გრძნობს და მე ვიცი, რომ შეერთებულ შტატებში არსებობს მხარდაჭერა იმისთვის, რომ გავაკეთოთ ყველაფერი, რაც შეგვიძლია, რათა ხელი შევუწყოთ საქართველოს მთავრობას, წინ წაწიოს ინკლუზიური რეფორმების ძალისხმევა. ჩვენი გზავნილია: „დაგვეხმარეთ იმაში, რომ დაგეხმაროთ“ დეკემბერში ევროკავშირის კანდიდატის სტატუსის მიღებაში“, - განაცხადა შაჰინმა „ამერიკის ხმასთან“ მადრიდის ნატოს სამიტის შემდეგ, სადაც ის საქართველოს პრემიერ-მინისტრ ირაკლი ღარიბაშვილს, ამერიკელი კანონმდებლების დელეგაციასთან ერთად შეხვდა.
მკითხველის კომენტარები /
48 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ღრმად პატივცემულო სენატორო, ვიცით ობიექტური ბრძანდებით და ნაცების 2012-ში უსისხლოდ გაშვებისათვის ძალისხმევას გიფასებთ , მაგრამ თუ შეიძლება დაინტერესდით თუ შეიძლება რატომ და როდიდან იბეგრება აქ ამერიკული და ნატოს ქვეყნების ფრახტი 10 %-თ რუსეთის სასარგებლოდ და როგორ გაიზარდა ის 4-დან 10 %-მდე ? აღმოაჩენთ, რომ ამ პოლიტიკურ კვანტს ოცდახუთი წლის წინ ლობირებდა დემოკრატიის მეგობრული შუქურა პროამერიკელი მიშა და 4 % მოქკავშირს მიაღებინა, როცა მისი ლიდერი ბრძანდებოდა , როგორც კი პრეზიდენტი გახდა, მაშინვე ათ პროცენტამდე გაზარდა , 4 რუსებს ეცოტავათ ! ეს მარტო ბეგარა არაა, მიშამ ფეხი ამოგიკვეთათ აბრეშუმის ამ გზიდან , ავღანეთიდანაც და გატარათ რუსეთზე , აი ეს გიქნათ ! ვინ იყო წინააღმდეგი ? მე და ჩვენიანები ! ახლაც წინააღმდეგი ვარ ! ქოცი კი არ შობა ! ნაცი მოვა გაასწორებს თავის დანაშაულს ? არ იზამს ! ხომ საინტერესოა ? უამრავი საინტერესო რამეებითაა სავსე ჩვენი ცხოვრება , ქალბატონო სენატორო !
ერთი ეს გამაგებინა რას გვაძლევს ეგ სტატუსი, მთლიანი შიდა პროდუქტი გაიზრდება ამით, თუ ბენზინის ფასი დავარდება? ევროპულ კანონმდებლობას ევროპული ეკონომიკა სჭირდება. სხვანაირად, ევროპის ღატაკი წევრი მთლად უუფლებო მგონია სამეზობლოში