მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პრაქტიკული გზამკვლევი, როგორ გამოიმუშაო კარგი ჩვევები და გახდე ყოველდღე 1%-ით უკეთესი
14:43 / 27-06-2022
საზოგადოებაში გავრცელებული აზრით, საკუთარი ცხოვრების უკეთესობისკენ შეცვლას გრანდიოზული ძალისხმევა სჭირდება. ცუდი ჩვევებისგან გათავისუფლება და კარგი ჩვევების გამომუშავება თითოეული ადამიანის მიზანია, თუმცა ისინი მათ მისაღწევად სხვადასხვა გზას იყენებენ.
პრაქტიკა გვაჩვენებს, რომ დიდი ცვლილებები მცირე ცვლილებებით იწყება და შედეგის ერთიანად მიღება ფაქტობრივად გამორიცხულია. ამ პროცესში რამდენიმე ძირითადი საკითხი იჩენს თავს და სწორედ მათი გაანალიზებით, სწორი სტრატეგიის შერჩევით მიიღწევა მიზანი.
აღნიშნული თემა აქტუალურია მთელი მსოფლიოს მასშტაბით და მას არაერთი წიგნი და გამოცემაც მიეძღვნა. მათ შორის ერთ-ერთი გამორჩეულია ჯეიმს ქლიერის „ატომური ჩვევები“. ეს გახლავთ New York Times-ს ბესტსელერი, რომელიც 2022 წლის თბილისის წიგნის ფესტივალზე ბიზნეს ლიტერატურის ყველაზე გაყიდვადი წიგნიც გახდა. გთავაზობთ რჩევებს წიგნიდან, რომელიც საოცარი შედეგების მცირე ცვლილებებით მიღწევაში დაგეხმარებათ.
ქცევის ცვლილება 4 წესის დაცვით ხდება. ესენია: გააცხადე, აქციე მიმზიდველად, გაამარტივე და აქციე სასიამოვნოდ.
- ცუდი ჩვევისთვის თავის დანებების პირველი ნაბიჯი გააზრება, იგივე გაცხადებაა. ცუდი ჩვევის გააზრება და მისი ხმამაღლა გაცხადება მისი მიზეზით გამოწვეულ შედეგს უფრო რეალურს ხდის. გაცხადება ზრდის ალბათობას იმისა, რომ ამას ნამდვილად არ გააკეთებ ან შეცვლი. გაცხადების პროცესში დაგეხმარებათ ქცევების შეფასების ცხრილი. ჩამოწერეთ თქვენი ჩვევები და გვერდით მიუწერეთ შეფასების სიმბოლოები. ეს ცხრილი ქცევის სიღრმისეულ გააზრებაში გეხმარებათ, რადგან ცხადად დაინახავთ, რომ ეს ცუდი ჩვევაა. შედეგად გაუაზრებელი ჩვევიდან შეგნებულ საფეხურზე გადახვალთ.
- შემდეგ ეტაპზე ჩვევა, რომლის გამომუშავებაც გსურთ, თქვენთვის მიმზიდველად აქციეთ. ახლებურად ჩამოაყალიბეთ თქვენი დამოკიდებულებები. გამოკვეთეთ ცუდი ჩვევებისგან გათავისუფლების უპირატესობები. ამისთვის თქვენი ცდუნებები გამოიყენეთ. ცდუნებასთან, სასურველ ქმედებასთან დააკავშირეთ ის ქმედება, რომლის შესრულებაც საჭიროა. მნიშვნელოვანია გახდეთ იმ კულტურის ნაწილი, რომელშიც თქვენთვის სასურველი ქცევა ნორმალურ და დასაფასებელ ქცევად მიიჩნევა. უშუალოდ რთული ჩვევის განხორციელებამდე დანერგეთ მოტივაციის რიტუალი, რომლის დროსაც თქვენთვის სასიამოვნო ქმედებებით დაკავდებით.
- გამარტივება უმნიშვნელოვანესი ეტაპია. ამისთვის შეასუსტეთ წინაღობები. შეამცირეთ დისტანცია თქვენსა და კარგ ჩვევებს შორის. მოამზადეთ გარემოც. მოაწყვეთ ისე, რომ მომავალი სასურველი ქმედებები გაგიმარტივდეთ. გამოიყენეთ „ორი წუთის“ წესი. იმდენი იმუშავეთ თქვენს ჩვევებზე, სანამ მათი განხორციელება უმოკლეს დროში იქნება შესაძლებელი.
- და ბოლოს, გაცხადებული, მიმზიდველი და გამარტივებული ქცევა აქციეთ სიამოვნებად. ამისთვის დააჯილდოვეთ საკუთარი თავი, როგორც კი ჩვევას განახორციელებთ. შექმენით საშუალება, რომელიც ცუდი ჩვევებისგან გათავისუფლების სარგებელს დაგანახებთ. არ გაწყვიტოთ ჯაჭვი და არ დაარღვიოთ ჩვევის შესრულების უწყვეტობა.
„ატომურ ჩვევებს“ დადებითად შეხვდა ქართველი საზოგადოება და ის ყოველდღიურ პრაქტიკულ სახელმძღვანელოდაც მიიღო.
სოსო გალუმაშვილი, „ჯეპრას“ უფროსი კონსულტანტი: „ეს გახლავთ წიგნი, რომელსაც კონკრეტული სამიზნე აუდიტორია არ ჰყავს. ის გათვლილია საბავშვო ასაკიდან ზრდასრულობამდე - ყველასთვის. „ატომური ჩვევები“ უნივერსალური წიგნია, რომელიც მკითხველს არასდროს ავიწყდება. ის მთელი ჩვენი ცხოვრების სახელმძღვანელოა, რადგან ცხოვრება პატარ-პატარა ჩვევებისგან შედგება. წიგნში თავმოყრილია კონკრეტული, პრაქტიკული თვალსაჩინო მაგალითები როგორც თავად ავტორის, ისე ცნობილი ადამიანების ცხოვრებიდან. ის სახელმძღვანელოა მათთვის, ვინც აქამდე უშედეგოდ ცდილობდა ცუდი ჩვევებისგან გათავისუფლებას. მეგზურია მათთვის, ვისაც ახალი ჩვევების ჩამოყალიბებისთვის აქამდე საკმარისი ცოდნა და მოტივაცია არ ჰქონდა. გზამკვლევია მათთვის, ვინც მეგობრებსა თუ კოლეგებს, შვილებსა თუ ახლობლებს სწორი რჩევებით ეხმარება.“
ნიკოლოზ შურღაია, „პაშა ბანკის“ აღმასრულებელი დირექტორი, „ვიდეობლოგი წიგნებზე“ - ავტორი: „წარმატება დღიური მცდელობების ჯამია და არა ერთი დიდი მოვლენის შედეგი. წარმოიდგინეთ ყინულის კუბზე, რომელიც ჩვენს წინ დევს დიდი ხანი არაფერი ემართება. გარკვეული ხნის შემდეგ, ის ერთბაშად იწყებს დნობას. ბამბუკი რამდენიმე წელი მცირე ბუჩქივითაა და შემდეგ ერთბაშად 3 მეტრ სიმაღლეს აჭარბებს. ადამიანები ხშირად თავს ვანებებთ რაიმეს და ვერ ვითვალისწინებთ, რომ მცდელობა აკუმულირდება და ერთბაშად ხორციელდება. ოსტატობა და წარმატება მოთმინებას მოითხოვს. ეს წიგნი არის პაწაწინა ჩვევებზე, რომლებიც გროვდება და გიგანტურ ცვლილებებს ახდენს. მახსოვს, როგორ სიძნელედ მეჩვენებოდა მარხვის დაცვა 30 წლის წინ; როგორ მიძნელდებოდა რეგულარული ვარჯიშის დაწყება 26 წლის წინ. უკანასკნელი 30 წლის მანძილზე ბევრი დადებითი ჩვევა ჩამოვიყალიბე და ცუდისგან გავთავისუფლდი. ეს მოხდა თანდათან, ჩემთვისვე შეუმჩნევლად. შედეგად, ბევრი თვალსაზრისით ახლა უფრო ჯანმრთელი ვარ ფიზიკურად, გონებრივად და სულიერად, ვიდრე 20 და 25 წლის წინ. ყველაზე მეტად, ამას კარგი ჩვევების გათავისებას ვუმადლი. მათ პაწაწინა ნაბიჯებით წარმოუდგენელი ცვლილებები შემაძლებინეს.“
მათთვის, ვინც უკვე წაიკითხა ან ახლა აპირებს „ატომური ჩვევების“ წაკითხვას; ვისაც აინტერესებს, როგორ აყალიბებს ჩვევები ადამიანის იდენტობას (ან იქნებ პირიქით)? რომელი უფრო მნიშვნელოვანია სასურველი შედეგების მისაღწევად: თვითდისციპლინა, მოტივაცია თუ გარემო, 28 ივნისს 19:00 საათზე „ლურჯი ოკეანე“ იწვევს ფაბრიკაში, პანელურ დისკუსიაზე, რომელიც სწორედ პატარა ჩვევებით დიდი მიზნის მიღწევას შეეხება. დისკუსიის სპიკერები: „ჯეპრას“ უფროსი კონსულტანტი სოსო გალუმაშვილი, „პაშა ბანკის“ აღმასრულებელი დირექტორი ნიკოლოზ შურღაია, საერთაშორისო აკადემია „ლოგოსის“ აღმასრულებელი დირექტორი გიორგი ჩავლეიშვილი და „ლობს ქოუჩინგის“ დამფუძნებელი, ქოუჩი კახი ლობჟანიძე დამსწრეებს გაესაუბრებიან წიგნზე და საკუთარ გამოცდილებასაც გაუზიარებენ.
პანელურ დისკუსიაზე დასასწრები ბილეთის შესაძენად ეწვიეთ ბმულს. სტუდენტებისთვის მოქმედებს 35%-იანი ფასდაკლება. პრომო კოდის მისაღებად მიიწერეთ „ლურჯი ოკეანის“ გვერდზე.
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
