მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რუსეთის მიზანია ხელახლა შექმნას საბჭოთა კავშირი, მათ შორის საქართველოსაც გამოჰკრას ხელი...მივმართავ ქართველ ხალხს, პარლამენტს, დაგვეხმარეთ, რომ გიხსნათ " - პოროშენკო
22:53 / 15-06-2022
ყველას უნდა გვახსოვდეს, რა არის პუტინის მიზანი, რომ ხელახლა შექმნას დიდი რუსეთის იმპერია, საბჭოთა კავშირი, მათ შორის საქართველოსაც გამოჰკრას ხელი და საქართველოს ამის თაობაზე ეჭვი არ უნდა ეპარებოდეს, - ამის შესახებ უკრაინის ყოფილმა პრეზიდენტმა, პეტრო პოროშენკომ "პალიტრანიუსის“ გადაცემა "360 გრადუსში“ განაცხადა.
პეტრო პოროშენკოს თქმით, უკრაინის ძლიერება, ცივილიზებული სამყაროს სოლიდარობა და დახმარება არის ის საფუძველი, რაც აფიქრებინებს, რომ უკრაინა ომში გამარჯვებული დარჩება.
"მე ვამაყობ იმით, რომ საქართველოს ესმის, ვინ არის პუტინი, რა არის რუსეთი და რას წარმოადგენენ ისინი თავისუფალი დემოკრატიული სამყაროსათვის, რადგან პუტინი ებრძვის არა მარტო უკრაინას, საქართველოსაც ებრძვის, ევროპასაც ებრძვის და ებრძვის მთელს ცივილიზებულ სამყაროს. ამგვარად ეს სოლიდარობა და უკრაინის ძლიერება, ჩვენი ჯარის ძლიერება, დახმარება, მათ შორის იარაღის მოწოდება, არის სწორედ ის საფუძველი, რომელიც მარწმუნებს, რომ უკრაინას დარჩება გამარჯვება და გამარჯვება დარჩება მთელს ცივილიზებულ სამყაროს“, - განაცხადა პეტრო პოროშენკომ.
პეტრო პოროშენკოს განცხადებით, საქართველომ არ უნდა დაუჯეროს პუტინს და ასევე, არ უნდა ეშინოდეს მისი.
"ჩვენ ჩვენი თვალით ვიხილეთ ასობით მოკლული ქალი, გაუპატიურებული ბავშვი, მამაკაცები, მოხუცები, ხელებშეკრული, რომლებიც დახოცეს. ესენი არა მხოლოდ პუტინმა მოკლა, ესენი მოკლეს ე.წ. რუსმა ადამიანებმა, რომლებმაც გამოილაშქრეს სწორედ პუტინის დაძახებაზე. ასეთია რეალობა, ასეთია რეალური სურათი. ამის მნახველი კაცი უბრალოდ მშვიდად ვეღარ დაიძინებს. მათი იარაღი არის ჟლეტა, გაუპატიურება და უდანაშაულო ადამიანების ხოცვა. ამიტომ მე ყოველთვის ჩემი პირადი გამოცდილებიდან ვიძლევი რჩევა-დარიგებას, როგორ უნდა მოვეპყროთ ყველაფერ ამას, აი რეკომენდაციები: პირველი, არ დაუჯეროთ პუტინს, პუტინი იტყვის, სიტყვას მოგცემთ, რომ ყველაფერი რიგზე იქნება, ორი დღის შემდეგ ომი არ იქნება. 24 თებერვალს შემოიჭრა, არაერთხელ თქვა, აღგვითქვა, რომ გაიყვანს რუსეთის ჯარს და რა არის ამოცანა რუსეთის ჯარისა? როგორც თვითონ ამბობდა ეს არის დემილიტარიზაცია, დენაციონალიზაცია, მაგრამ ახლა კი რა არის მისი ამოცანა? მთელი უკრაინა ჩაიგდოს ხელთ. პუტინს რა უნდა? რომ ამოგვხოცოს. ჩვენ არ ვაძლევთ და არ მივცემთ ამის უფლებას. მას სურს, რომ წაშალოს უკრაინა მსოფლიოს რუკიდან და ამის ნაცვლად ააღორძინოს საბჭოთა კავშირი. ჩვენ ვამაყობთ იმით, ყველაფრით, რაც ახლა ხდება უკრაინაში, ჩვენ ვიბრძვით. მეორე, ნუ გეშინიათ პუტინის, არ დაუჯეროთ და ნუ გეშინიათ, არ მიიღოთ მისი შანტაჟის ენა. იცით რა? იგი ამბობდა, რომ სამ დღეში აიღებდა უკრაინას, მაგრამ ჩვენ არ მივეცით მას ამის საშუალება პუტინს და არც არავის მივცემთ“, - განაცხადა პეტრო პოროშენკომ.
- მინდა მივმართო ქართველ ხალხს, პარლამენტს დაგვეხმარეთ, რომ თქვენ გიხსნათ. ასეთი ურთიერთგაგება უნდა იყოს. ამგვარ სიტუაციაში, რა საკვირველია, ველით უფრო მეტ სოლიდარობას, მეტ სანქციას და მეტ მხარდაჭერას, - განაცხადა პოროშენკომ.
"პირველ რიგში, მე ვიცი, რომ საქართველოს და საქართველოს მოსახლეობას ვუჭერ მხარს, მადლობელი ვარ მათი გულისხმიერებისთვის, სტუმართმოყვარეობისთვის, მხარში დგომისთვის. ჩვენ არამხოლოდ უკრაინისთვის ვიბრძვით. საქართველო არის სუვერენული, დამოუკიდებელი სახელმწიფო. მინდა მივმართო ქართველ ხალხს, პარლამენტს დაგვეხმარეთ, რომ თქვენ გიხსნათ. ასეთი ურთიერთგაგება უნდა იყოს და ამგვარ სიტუაციაში, რა საკვირველია, ველით უფრო მეტ სოლიდარობას, მეტ სანქციას და მეტ მხარდაჭერას“,- განაცხადა პოროშენკომ.
მან უპასუხა შეკითხვას, აკეთებს თუ არა მაქსიმუმს საქართველოს ხელისუფლება უკრაინის დასახმარებლად.
"აღმოსავლეთ პარტნიორობის სამი სახელმწიფო თავისი ურთიერთქმედების კოორდინირებას ახდენს იმისთვის,რომ მოხდეს ევროკავშირში შესვლა.აქ მოქმედებს კოპენჰაგენის კრიტერიუმი და ეს კრიტერიუმია: დემოკრატია, თავისუფლება, პრესის თავისუფლება, კანონის უზენაესობა. უნდა განხორციელდეს ის, რასაც მისდევს ევროკავშირი. მე მესმის,რომ თქვენ გსურთ ევროკავშირში გაწევრიანება და თუ გსურთ ევროკავშირში წევრობა, სტატუსის მიღება, რა საკვირველია, თქვენ უნდა გაჰყვეთ ევროკავშირის აი ამ სანქციებს. სხვა გზა აქ,უბრალოდ,აღარ არსებობს“ ,- განაცხადა პოროშენკომ.
მისი განმარტებით, უკრაინაზე თავდასხმა საქართველოზე თავდასხმაა.
"მე მადლობით დავიწყე საუბარი და მადლობა გადავუხადე ქართველ ხალხს მხარდაჭერისთვის. მადლობა მოვახსენე საქართველოს პოლიტიკოსებს, რომლებიც გვეხმარებიან ამ ძალიან მძიმე მდგომარეობაში, მათ შორის საერთაშორისო ფორუმებზე, გაერთიანებულ ერებში. 5 წლის განმავლობაში ვხედავდი თქვენს მხარდაჭერას, ჩემს პრეზიდენტობისას. "ევროპის სახალხო პარტია“ და კიდევ სხვა გაერთიანებები ვგრძნობთ ამას და არ გაჩერდეთ, არ შეანელოთ, არ დაამუხრუჭოთ. დიდ მადლობას გიხდით, რომ მიიღეთ უკრაინელი ლტოლვილები, არნახულად ვაფასებთ ამ სტუმართმოყვარეობას და ამგვარ მდგომარეობაში ეს ყველაზე მთავარია.
ამით ხდება დემონსტრირება იმისა,რომ ჩვენ ერთმანეთს მხარში ვუდგავართ. როდესაც რუსეთი საქართველოს 2008 წელს თავს დაესხა ჩვენ გარკვეული შეიარაღება გადავეცით საქართველოს, რაკეტები და ა.შ. ასეთ მდგომარეობაში ერთიანობა კვლავ უნდა შევინარჩუნოთ. რა არის ეს ერთობა? პოლიტიკა სანქციების სფეროში. გარდა ამისა,ურთიერთგაგება და გაცნობიერება იმისა, რომ საქართველოში ყველას უნდა ესმოდეს - უკრაინაზე თავდასხმა ეს არის თავდასხმა საქართველოზე. როგორც იტყვიან, მეგობრები და ძმები ბრძოლის ველზე ვართ, საბრძოლო ძმობა გვაკავშირებს. საქართველომ ხომ უნდა დაიბრუნოს "სამხრეთ ოსეთი“ და აფხაზეთი, ეს ყველას ესმის“,- განაცხადა პეტრო პოროშენკომ.
00:00 / 00:00
მკითხველის კომენტარები /
99 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს კაცი მგონი მთვრალია. რატომ არ მიიღო უკრაინამ აგვისტოს ომის შემდგომ პერიოდში საქართველოს მხარდამჭერი რეზოლუცია? რატომ შეეკარით საქართველოში ჩვენი ქვეყნის დაუძინებელ მტრებს ე.წ. ოპოზიციურ პარტიას ნაცებს? იმისათვის ხომ არა რომ საქართველო არ გახდეს ევროკავშირის წევრი?
ამაზე იმდენი კლმპრომატებია, მე ეს ციხეში მეგონა თანაც დიდი ხნით))