მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ყველა, ვინც ჩვენ დროს საელჩოებში ფინანსური მენეჯერი იყო, მინისტრი გახდა: ა, ბატონო შედეგი!" - გრიგოლ ვაშაძე რეზოლუციას ეხმაურება
12:53 / 10-06-2022
ევროპარლამენტის რეზოლუციას ბევრი კომენტარი არ სჭირდება - ეს არის უმძიმესი რეზოლუცია საქართველოსთვის! - აღნიშნული შეფასება ჟურნალისტებთან პარლამენტის ოპოზიციონერმა დეპუტატმა გრიგოლ ვაშაძემ გააკეთა.
ვაშაძის განცხადებით, ის, რაც ევროპარლამენტში მოხდა, ხელისუფლების "დამსახურებაა“.
"სახელმწიფო, რომელიც ბრიუსელშიც, ვაშინგტონშიც, ბერლინშიც აღიქმებოდა როგორც რეფორმების ლოკომოტივი მთელს პოსტსაბჭოთა სივრცეში, აღმოჩნდა მაჩანჩალა. თუ ამის მიზეზის ძებნას დავიწყებთ და ხელს მივყოფთ იმას, რაც ქართულ პოლიტიკურ კლასს ასე ძალიან უყვარს - ერთმანეთის დადანაშაულება - მაშინ ევროპული პოლიტიკური ცხოვრების მთავარი პოსტულატი გავიხსენოთ: წარუმატებლობაში ყოველთვის პასუხს ხელისუფლება აგებს!
ის, რაც ევროპარლამენტში მოხდა, ხელისუფლების „დამსახურებაა“. საკმარისია ორი თარიღი გავიხსენოთ: 5 ივლისი, როდესაც ფიზიკურად დაამცირეს, გალახეს, უშვერი სიტყვებით ლანძღეს ჟურნალისტები და 19 აპრილის შეთანხმება, როცა ევროპის კავშირმა ყველაფერი გააკეთა იმისთვის, რომ საქართველოს პოლიტიკური ცხოვრება ასე თუ ისე ცივილიზებულ კალაპოტში დაბრუნებულიყო. რატომღაც მავანს ეგონა, რომ ევროპის კავშირი იმ შეურაცხყოფას დაივიწყებდა, რომელიც მას და მის უმაღლეს თანამდებობის პირს მივაყენეთ.
ევროკომისიის გადაწყვეტილებამდე ორი კვირა დარჩა. ამ ორი კვირის განმავლობაში საჭიროა, რომ ჩვენი თანამდებობის პირები, ვინც ბრიუსელში ექსკურსიაზე დადიან, ჩაბრძანდნენ, გამოიკვლიონ, ევროპარლამენტარებს შეხვდნენ, დაელაპარაკონ მათ და ჩვენთან მიმართებაში ყველა პრეტენზია გაარკვიონ, თუმცა მშვენივრად ვიცით, რა არის ეს პრეტენზიები. ეს არის: სამართალდამცავი სისტემა, სასჯელაღსრულების სისტემა, უკანონო მიყურადებები, საარჩევნო სისტემა. ავიღოთ ვალდებულება იმისა, რომ ეს ყველაფერი გამოსწორება!
არსებობს ამის ალტერნატივაც - „ქართული ოცნების“ „ლიდერშიფმა“ ევროპარლამენტარებთან ძველბიჭური ლაპარაკი გააგრძელონ და მაღალი ტრიბუნიდან აცხადონ, რომ ევროპარლამენტის რეზოლუციებს თურმე ჩალის ფასი აქვს. ეს არის მათთვის მეორე გამოსავალი.
ოპოზიციას ხელი არაფერზე მიუწვდება, არავინ არაფერს გვეკითხება, ყველაფერი თვითონ იციან, ყველაფრის სპეციალისტები არიან, ყველა დიპლომატიის ბრწყინვალე ოსტატია და ყველა, ვინც ჩვენ დროს საელჩოებში ფინანსური მენეჯერი იყო, თურმე მინისტრები გახდნენ. ა, ბატონო შედეგი!" - განაცხადა გრიგოლ ვაშაძემ.
კითხვაზე, გაიზიარებს თუ არა ევროპული საბჭო ევროპარლამენტის რეზოლუციის იმ ნაწილს, რომელიც ბიძინა ივანიშვილისთვის სანქციების დაწესებას ითვალისწინებს, ვაშაძემ აღნიშნა, რომ მან არ იცის, რა გადაწყვეტილებას მიიღებენ, თუმცა აქვე დასძინა, რომ „საქართველოს ყველა მოქალაქისთვის უკიდურესად მტკივნეულია გყავდეს სანქცირებული პერსონა - არა აქვს მნიშვნელობა მოგწონს ეს ადამიანი თუ არა“.
"ეს ის არის, რომ გაუთანასწორდე რუსეთსა და ბელარუსს“, - დასძინა გრიგოლ ვაშაძემ.
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რომელ დროზე ლაპარაკობ იასონ, ჩვენ დროსო რომ ამბობ?
სსრკ საგარეო საქმეთა სამინისტროში რომ მუშაობდი, სსრკ გოსბანკის მმართველის გოგო რომ გყავდა ცოლად და თავგადადებული კომპარტიელი იყავი?)))
გამოცდილი ჩეკისტია (კგბ) იცის რას და რატომ ამბობს! ისე კი მეორე ფრონტის არ გახსნის გამო ვისჯებით, თორე არც რეფორმები შეჩერებულა, სასამართლო მეტად თავისუფალი და სამართლიანია ვიდრე "იმ დროს" და არც ბიზნესს აწიოკებს ვინმე და არც ტელევიზიებს არბევს როგორც "იმ დროს"))