შაკირა და პიკე ერთმანეთს დაშორდნენ - "მომღერალმა ღალატის შესახებ შეიტყო და პიკე სახლიდან გააძევა": რას წერს ესპანური მედია
როგორც ესპანური ტაბლოიდები იტყობინებიან, ესპანური ფეხბურთის ვარსკვლავი ხერარდ პიკე და მომღერალი შაკირა ერთმანეთს დაშორდნენ. მედიის ცნობით, მიზეზი ისაა, რომ ფეხბურთელმა შაკირას უღალატა.
შაკირამ საყვარელი მამაკაცი სხვა ქალთან ერთად საწოლში "გამოიჭირა.“ როგორც ესპანური გამოცემა El Periodico წერს, ისინი უკვე რამდენიმე კვირაა ცალ-ცალკე ცხოვრობენ.
მათივე ინფორმაციით, მას შემდეგ, რაც შაკირამ ღალატის შესახებ გაიგო, პიკე სახლიდან გააძევა. ახლა ფეხბურთელი თავისუფალი, მარტოხელა კაცის ცხოვრებით ცხოვრობს და წვეულებების ხშირი სტუმარია.
ესპანური გამოცემის ჟურნალისტის ინფორმაციით, შაკირამ დაშორების გადაწყვეტილება მტკიცედ მიიღო და ნაკლებად, სავარაუდოა, რომ მომღერალმა ფეხბურთელს ღალატი აპატიოს.
წყვილს ოფიციალური კომენტარი ამ თემასთან დაკავშირებით ჯერჯერობით არ გაუკეთებია.
ითვლებოდა, რომ შაკირასა და პიკეს ერთ-ერთი ყველაზე მყარი კავშირი ჰქონდათ და ფანებისთვის ცნობა მათი დაშორების შესახებ შოკისმომგვრელი აღმოჩნდა.
ერთმანეთი 2010 წელს, სამხრეთ აფრიკაში მსოფლიო ჩემპიონატზე გაიცნეს. წყვილს ორი შვილი ჰყავს.