მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თუ ერთ სამადაშვილს უფრო მეტი გავლენა აქვს ევროპარლამენტში, ვიდრე საქართველოს ხელისუფლებას, მაშინ ის დავნიშნოთ მინისტრად დარჩიაშვილის მაგივრად" - ექსპერტი
10:32 / 28-05-2022
სამწუხაროდ, ქართული პოლიტიკური სპექტრი ერთმანეთთან დაპირისპირების და ერთმანეთის ლანძღვის სცენად გადაიქცა - ძალიან მძიმე ვითარებაა, ხელისუფლება აღმოჩნდა ისეთ ვითარებაში, როდესაც მხოლოდ ბრალდებები შეუძლია და მეტი არაფერი, - ამის შესახებ პოლიტოლოგმა, ვახტანგ ძაბირაძემ "პალიტრანიუსის" გადაცემა "360 გრადუსში" განაცხადა.
მისივე თქმით, დაპირისპირების ტონს ხელისუფლება იძლევა და ამას ემატება ისიც, რომ საერთაშორისო ვითარებაც საკმაოდ რთული და დაძაბულია.
"როდესაც ხელისუფლება ლაპარაკობს იმაზე, რომ ვიღაცები ევროპაში დადიან... პრემიერმა სამადაშვილი ახსენა ხომ? თუ ერთ სამადაშვილს უფრო მეტი გავლენა აქვს ევროპარლამენტში, ვიდრე საქართველოს ხელისუფლებას, მაშინ დარჩიაშვილის მაგივრად იქნებ სამადაშვილი დაგვენიშნა საგარეო საქმეთა მინისტრად?“, - განაცხადა ძაბირაძემ.
პოლიტოლოგის თქმით, ის არ ფიქრობს, რომ ხელისუფლება ევროკავშირთან ურთიერთობების დაზიანებას მიზანმიმართულად ცდილობს, თუმცა იმასაც არ აკეთებს, რაც გასაკეთებელია.
"სასამართლო პრობლემა რომ პრობლემაა საქართველოში, ეს დღევანდელი ხელისუფლების ხომ არაა მარტო?! რაც თავი მახსოვს, სამართლიან სახელმწიფოში ერთი წუთითაც არ გვიცხოვრია. რაც თავი მახსოვს, ქვეყანაში სამართალი არასდროს ყოფილა“, - აღნიშნა პოლიტოლოგმა.
მისივე შეფასებით, ძალიან მცირეა ალბათობა იმისა, რომ ქვეყნის შიდა პოლიტიკურ დებატებსა და იმ პრეტენზიებს, რაც დასავლეთს საქართველოს მიმართ აქვს, მოყვეს ის, რომ საქართველომ ევროკავშირის წევრობის კანდიდატის სტატუსი ვერ მიიღოს.
პოლიტოლოგმა ასევე, ოპოზიციის ნაწილის მხრიდან გავრცელებულ 7 პუნქტზეც ისაუბრა, რომელიც, მათი თქმით, აუცილებელია იმისთვის, რომ ქვეყნის ევროკავშირში წევრობის კანდიდატის სტატუსის მინიჭებას დაბრკოლება არ შეექმნას.
ძაბირაძის თქმით, აღნიშნული 7 პუნქტიდან 5-ის განხორციელებას ხელს არაფერი უშლის, თუმცა ხელისუფლება ამ მოთხოვნებს იმიტომ არ ასრულებს, რომ უკან დახევის ეშინია.
„დავანებოთ თავი სააკაშვილის და გვარამიას პუნქტებს. რა არის ამ 7 პუნქტიდან პირველ 5-ში ისეთი, რაც ქვეყანას დაანგრევს?! პირველი 5-ის განხორციელებას რა უშლის ხელს? ეს თქვას ხელისუფლებამ.
[ხელისუფლება] უკან დახევას სისუსტედ თვლის. დებატებში ვერ მოგყვება, ამიტომ ამ ყველაფერს იცილებს და პირდაპირ ლანძღვა-გინებაზე გადადის. ამას ხელს უწყობს ოპოზიციაც, რომელიც ვერაფერზე ჩამოყალიბდა. ოპოზიციის ბოლო ორი თემა არის სააკაშვილი და გვარამია. ორივე აწყობს ხელისუფლებას. მათზე კამათი ხელისუფლებისთვის მისაღებია“,-განაცხადა ვახტანგ ძაბირაძემ.
ასევე ნახეთ:
- "პირდაპირ მითხრეს ევროპარლამენტში, რომ სალომე სამადაშვილი და სხვა ადამიანები მიზანმიმართულად მტრობენ საქართველოს" - პრემიერი
- როგორ პასუხობს სალომე სამადაშვილი პრემიერის განცხადებას - "იტყუება, რადგან ცუდად არის ჩვენი განაცხადის საქმე ევროკავშირში"
მკითხველის კომენტარები /
32 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამ "გაექსპერტეულებსს" ხალხზე იმაზე მეტი გავლენა აქვთ და ზოგადად ჩვენს ცხოვრებაზე , პოლიტიკურ და ეკონომიკურ პროცესებზე , ვიდრე ცნობილ "პოლიტიკოსებს " , რომელთაც კანონით ავალიათ შემოსავლების და მათი წყაროს დეკლარირება ! ესენი რეჟიმის დამქაშებია ათეული წლებია და გაცილებით მდგრადებია , ვიდრე რომელიმე პარტია ! ისინი უნდა საზოგადოდ აქვეყნებდნენ უკანასკნელი 30 წლის განმავლობაში შემოსავლებს და მათ წყაროს , რომ დაინახოთ წითელია ეგ წყარო !
ვინმეს სჯერა რომ ესენი შეიცვალნენ?! მინდოდა დამეჯერებია მაგრამ,უკვე ნაცქალებიც მუქარაზე გადავიდნენ! საშიში,ძალიან საშიში ხალხია ქვეყნისთვის და გამოვფხიზლდეთ! თამარ კორძაია ჩვეულებრივი გამყიდველი,ურწმუნო ადამიანია და მუქარას თავი დაანებოს!