მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
კვირა, მთვარის ოცდამეერთე დღე დაიწყება 02:39-ზე, მთვარე მერწყულში იქნება 09:27-დან
კარგი დღეა ფინანსური საკითხების მოსაგვარებლად; გუნდური მუშაობისთვის; ვაჭრობისთვის. კარგია საერთო მიზნისთვის გაერთიანება, მომავლის დასახვა. კარგია მგზავრობა, მივლინება; საქმიანობის შეცვლა. მოაგვარეთ საოჯახო საქმეები; დაისვენეთ. კარგი დღეა ქორწინებისა და ნიშნობისათვის. ერთგულების ფიცის დასადებად; მავნე ჩვევებისგან გასათავისუფლებლად. ნუ გადატვირთავთ ღვიძლს. გაისეირნეთ სუფთა ჰაერზე. არ დაძაბოთ და გადაღალოთ თვალები. კარგი დღეა დასვენებისთვის, შიმშილისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დიდ ბრიტანეთში გამოიგონეს ტექნოლოგია, რომელიც მკერდის კიბოს გავრცელების არეალს ადგენს და ისე ფუნქციონირებს, როგორც "ლითონის დეტექტორი"
13:53 / 17-05-2022
დიდ ბრიტანეთში გამოიგონეს ტექნოლოგია, რომლითაც მკერდის კიბოს გავრცელების ზუსტი არეალის აღმოჩენა იქნება შესაძლებელი. როგორც BBC-ი ბრიტანეთის ჯანდაცვის ეროვნულ სერვისზე (NHS) დაყრდნობით წერს, ის დაახლოებით ისე ფუნქციონირებს, როგორც "ლითონის დეტექტორი."
NHS-ის ცნობით, ახალი ტექნოლოგია შესაძლებელს გახდის მკერდის კიბოს გავრცელების არეალის მარტივად გამოვლენას. საუბარია Sentimag-ის ზონდზე, რომელიც პოულობს მაგნიტიზებულ სითხეს, Magtrace-ს.
Magtrace არის სითხე, რომელიც მედიკოსებს სიმსივნური ქსოვილის გარშემო შეჰყავთ. მოწყობილობა "აკვირდება" ამ სითხის გადაადგილებას - კანზე გადატარებისას კი ხმას გამოსცემს, რათა უჩვენოს, სად შეიძლება წარმოქმნილიყო სიმსივნე. ამის შემდეგ, ექიმებისთვის გაცილებით მარტივია სიმსივნური ქსოვილის მდებარეობის და გავრცელების ზონის დადგენა.
NICE (ჯანმრთელობისა და ზრუნვის ეროვნული ინსტიტუტი) ხელსაწყოს გამოყენებას რეკომენდაციას უწევს და სპეციალისტები აცხადებენ, რომ გამოგონება დაეხმარება უფრო მეტ კლინიკას (ჯერჯერობით მხოლოდ ინგლისსა და უელსში) სიმსივნეზე შემოწმება უფრო ეფექტიანი იყოს.
ამჟამად, სიმსივნის გავრცელების არეალის დასადგენად, ზოგიერთ კლინიკაში, რადიოაქტიური საღებავის ინექცია და სკანირება გამოიყენება, მაგრამ ეს მეთოდიც არაა უნივერსალური.
"სიმსივნის მქონე ადამიანებს აინტერესებთ, კიბო სხეულის ერთ კონკრეტულ ადგილასაა, თუ სხვა ადგილებშიცაა გავრცელებული. რაც უფრო ადრე დადგინდება ეს, მით უკეთესი იქნება მკურნალობის პოტენციური შედეგებიც", - ამბობს NICE-ის დირექტორი, ჟანეტ კუსელი.
მისი განმარტებით, ეს ახალი ტექნოლოგია კიდევ ერთი "დამხმარე საშუალება იქნება ქირურგებისთვის, რომლებიც ისეთ საავადმყოფოებში მუშაობენ, სადაც შეზღუდულია, ან საერთოდ არ აქვთ წვდომა რადიოფარმაციის განყოფილებაზე."
"ამ პერსპექტიულ კვლევას შეუძლია ჩვენს მეცნიერებს ისეთი ინსტრუმენტი მისცეს ხელთ, რომელიც მათ მკერდის კიბოს თვალყურის დევნებასა და გავრცელების შენელებაში შეუწყობს ხელს. ჩვენ ყოველთვის ინოვაციური მკურნალობის საშუალებების ძიებაში ვართ, რომ დიაგნოზის დასმა დავაჩქაროთ, გადარჩენის მაჩვენებლები კი გავაუმჯობესოთ". - ამბობს ბრიტანეთის ჯანდაცვის მინისტრი, საჯიდ ჯავიდი.
წყარო: bbc.com
მოამზადა: ანა სიბოშვილმა
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
