რუსეთში, სამხედრო ნაწილში აფეთქება მოხდა, არის მსხვერპლი
რუსეთში, ხაბაროვსკის ოლქის ამურსკის რაიონში, ტეისინის დასახლებაში სამხედრო ნაწილში აფეთქების შედეგად მინიმუმ ერთი ადამიანი დაიღუპა და შვიდი დაშავდა, - ინფორმაციას რუსული მედია ავრცელებს.
"იქ არის სამხედრო ბაზა, რაღაც აფეთქდა. ერთი დაიღუპა, რამდენიმე დაშავდა. ისინი საავადმყოფოში გადაიყვანეს", - განაცხადა წყარომ TASS-თან საუბრისას.
ამასთან, კიდევ ერთმა წყარომ საგანგებო სიტუაციების სამსახურიდან გამოცემას უთხრა, რომ, სავარაუდოდ, დენთი აფეთქდა.
"წინასწარი მონაცემებით, დენთის აფეთქება უყურადღებობამ გამოიწვია. ზუსტი ვერსია გამოძიების მსვლელობისას დადგინდება", - განაცხადა წყარომ.