მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
კვირა, მთვარის ოცდამეერთე დღე დაიწყება 02:39-ზე, მთვარე მერწყულში იქნება 09:27-დან
კარგი დღეა ფინანსური საკითხების მოსაგვარებლად; გუნდური მუშაობისთვის; ვაჭრობისთვის. კარგია საერთო მიზნისთვის გაერთიანება, მომავლის დასახვა. კარგია მგზავრობა, მივლინება; საქმიანობის შეცვლა. მოაგვარეთ საოჯახო საქმეები; დაისვენეთ. კარგი დღეა ქორწინებისა და ნიშნობისათვის. ერთგულების ფიცის დასადებად; მავნე ჩვევებისგან გასათავისუფლებლად. ნუ გადატვირთავთ ღვიძლს. გაისეირნეთ სუფთა ჰაერზე. არ დაძაბოთ და გადაღალოთ თვალები. კარგი დღეა დასვენებისთვის, შიმშილისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კრემლში კადიროვის დაბლოკვა დაიწყეს - პუტინის გარემოცვის დიდი დაპირისპირება ჩეჩნეთის ლიდერთან: "როგორც ჩანს, "რუსეთის მეფე" მართლა ცუდად არის"
09:39 / 07-05-2022
რუსეთის პრეზიდენტის ფავორიტ რამზან კადიროვს, უკრაინის ომთან დაკავშირებით აზრის გამოთქმა, ვიდეოს ჩაწერა, მიმართვა და ინტერნეტში გავრცელება, მხოლოდ კრემლის ნებართვის შემდეგ შეეძლება.
ამის შესახებ ekhokavkaza.com წერს, რომლის მაუწყებლობაც კრემლმა რუსეთში ომის დაწყებიდან მალევე დაბლოკა.
მათივე ინფორმაციით, რამდენიმე რუსულ გამოცემას სრულად აეკრძალა ჩეჩნეთის ლიდერის ფრაზების გამოყენება. ამის შესახებ რუსული გამოცემა "Проект" იუწყება. ადგილობრივი ჟურნალისტების თქმით, "გადაწყვეტილება კრემლში რამზან კადიროვისა და დმიტრი პესკოვის, ასევე უკრაინასთან მოლაპარაკებების დელეგაციის ხელმძღვანელის ვლადიმირ მედინსკის შორის არსებული კონფლიქტის შემდეგ მიიღეს, რომლის შესახებაც ТАСС ანონიმურად აცნობეს".
"Проект" -ის წარმომადგენელმა რუსულ გამოცემას აცნობა, რომ კადიროვის განცხადებები მედიისთვის ხელმისაწვდომი იქნება მხოლოდ ხელმძღვანელობის ნებართვის შემდეგ. მისივე ცნობით, კადიროვი ერთადერთი მაღალჩინოსანია, რომლის განცხადებებსაც ცენზურის გავლა მოუწევს.
გამოცემა Кавказ.Реалии-ის ანალიზის თანახმად, უკრაინის ომის დაწყებისთანავე, კადიროვს ფედერალური ტელევიზიები ძალიან დიდ ყურადღებას უთმობდნენ.
3 მაისს, კადიროვმა ვლადიმირ პუტინს "მეორე ეტაპის" დაწყებისკენ მოუწოდა, რათა ე.წ. სამხედრო სპეცოპერაცია უკრაინის მთელ ტერიტორიაზე გავრცელებულიყო. მისივე თქმით, რუსულ არმიას ელვისებურად უნდა აეღო კიევი, ხარკოვი და ხერსონი.
ekhokavkaza.com-ის ცნობით, ბრიტანულმა საინფორმაციო სააგენტო Reuters-მა დაიწყო მასშტაბური გამოძიება ბუჩაში მშვიდობიანი მოსახლეობის მასობრივ მკვლელობებზე, რომელიც იმ პერიოდში მოხდა, როდესაც ქალაქი რუსული არმიის მიერ იყო ოკუპირებული.
ადგილობრივებისგან მიღებული ინფორმაციისა და მოპოვებული დოკუმენტების თანახმად, კიევის ოლქში სამხედრო დანაშაულებში ჩეჩნეთიდან გაწვეული სამხედროების მონაწილეობა იკვეთება.
ამაზე მიანიშნებს თავად სამხედროების მიერ სოციალურ ქსელში გავრცელებული ვიდეოები. სააგენტოს ცნობით, ბუჩაში, სულ ცოტა სამი დანაყოფი მოქმედებდა, რომელთაც რამზან კადიროვთან მუდმივი კავშირი ჰქონდათ.
რუსი ინტერნეტმომხმარებლები სოციალურ ქსელებში წერენ, რომ თუ კადიროვს დროებით მაინც არ გააჩუმებენ, ის თავად მოუყვება მსოფლიოს, უკრაინაში მისი სამხედროების მიერ ჩადენილი დანაშაულების შესახებ, რომელიც მათი ლიდერის წაქეზებით ჩაიდინეს...
სწორედ მისი გაუაზრებელი ქცევები გახდა კრემლის გაღიზიანების მიზეზი, რადგან კადიროვის მიმართ უკვე წლებია პუტინის გარემოცვაში უკმაყოფილებაა, მაგრამ ჯერჯერობით პესკოვის გარდა ამის ხმამაღლა თქმა ვერავინ გაბედა. პირიქით, ვინც გააკრიტიკა, შემდეგ ვიდეო-მიმართვაში ბოდიში მოუხადა, რომ სხვა რამეს გულისხმობდა.
"პესკოვს პუტინი ან ძალიან ენდობა, ან "რუსეთის მეფე" მართლა ცუდად არის, რადგან "პატარა მეფეს"(კადიროვს) ასე არავის დააჩაგვრინებდა" - წერს ინტერნეტმომხმარებელი ალექსეი აკიმენკო.
"არაერთი გამოცემა წერს კადიროვის ოჯახის წარმოუდგენლად დიდ ქონებაზე. თუმცა, პუტინი მას ყველაფრის უფლებას აძლევს და კრემლში არსებული უკმაყოფილებაც აქამდე გაუხმაურებელი იყო. რაც ზედაპირზე დევს, კადიროვის დანაშაულებზე, ჩრდილოეთ კავკასიის რეგიონში, დანარჩენ რუსეთსა და მის გარეთ, უკვე ნიშნავს იმას, რომ ეს კაცი, თავის მფარველებთან ერთად დაუსჯელი არ უნდა დარჩეს. წარმოდგენაც არ მინდა რა მასშტაბის დანაშაულები აქვს ჩადენილი პუტინის რეჟიმს თავისი მმართველობის პერიოდში, ამის გამოაშკარავება კი, მხოლოდ ერთადერთ შემთხვევაში - პოლიტიკური ცვლილების შემდეგ არის შესაძლებელი, მაგრამ ამის ნიშნები ჯერჯერობით არ ჩანს" - მიაჩნია ლუდმილა კონდრაშენკოს.
ekhokavkaza.com-ის ცნობით, ბოლო ერთი წლის განმავლობაში, ჩეჩნეთის ლიდერის ქალიშვილის შემოსავალი, 50-ჯერ გაიზარდა. აიშატ კადიროვას ჩეჩნეთის რესპუბლიკაში კულტურის მინისტრის პოსტი უჭირავს, ის ამ თანამდებობაზე მამამ დანიშნა.
ჩეჩნეთის ლიდერი ხშირად აქვეყნებს ქალიშვილის ვიზიტის ამსახველ ვიდეოებს, სადაც ის ყვითელი Lamborghini Urus-ით გადაადგილდება. მის ქონებრივი დეკლარაციაში 44 მილიონი რუბლია მითითებული, რაც ანტიკრემლისტური რუსული მედიის ცნობით, სინამდვილეს არ ასახავს. მის მფლობელობაშია 1617 კვადრატული მეტრის საცხოვრებელი ფართი, ასევე კერძო სახლები, რომელთაც ღირებულებაც 50 მილიონი რუბლია.
მკითხველის კომენტარები /
24 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბოროტება რუსეთის სახით დამარცხდება და ბავშვების მკვლელი ოკუპანტები, წარსგდებიან ჰააგის ტრიბუნალზე!
ზელენსკი კარგად არის.