მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პუტინმა მარიუპოლში “აზოვსტალზე" თავდასხმას შეუსაბამო უწოდა და შოიგუს შტურმის გაუქმება დაავალა - რას წერს რუსული მედია
11:53 / 21-04-2022
რუსეთის პრეზიდენტმა ვლადიმერ პუტინმა, მარიუპოლში “აზოვსტალის” ინდუსტრიულ ზონაზე თავდასხმას შეუსაბამო უწოდა და მისი გაუქმების ბრძანება გასცა.
გადაწყვეტილების სისრულეში მოყვანა მან რუსეთის თავდაცვის სამინისტროს ხელმძღვანელს, სერგეი შოიგუს დაავალა.
ამის შესახებ ინფორმაციას რუსული მედია ავრცელებს.
პუტინმა ბრძანება რუსი სამხედროების სიცოცხლის გადარჩენის მოტივით ახსნა:
"ჩვენი ჯარისკაცების და ოფიცრების სიცოცხლისა და ჯანმრთელობის გადარჩენაზე ყოველთვის უნდა ვიფიქროთ, მაგრამ განსაკუთრებით ამ შემთხვევაში. არ არის საჭირო ამ კატაკომბებში ასვლა და მიწისქვეშეთში სეირნობა. ეს სამრეწველო ობიექტებია“, - აღნიშნა პუტინმა.
ამასთანავე, მან შოიგუს უბრძანა, ისე ჩაკეტონ "აზოვსტალის“ მიმდებარე ტერიტორია, რომ "ბუზიც კი ვერ აფრინდეს“.
პუტინმა შოიგუს ასევე დაავალა, რომ კიდევ ერთხელ მოუწოდოს ყველა უკრაინელ სამხედროს, ვისაც იარაღი ჯერ არ დაუყრია, რომ მათ ექნებათ სიცოცხლის შენარჩუნების და ღირსეული მოპყრობის გარანტია, თუკი "აზოვსტალს" დატოვებენ.
ცნობისთვის, რუსულ ძალებს "აზოვსტალის" ინდუსტრიული ზონა რამდენიმე დღეა ალყაში აქვთ მოქცეული.
ბატალიონ "აზოვის“ ერთ-ერთმა დამფუძნებელმა, გიორგი ქუფარაშვილმა გუშინ "პალიტრანიუსის“ გადაცემა "360 გრადუსში“ უკრაინიდან ჩართვისას იქ არსებულ ვითარებაზე ილაპარაკა.
"იმდენად არიან გამწარებულები, რუსებს პუტინისგან დავალება აქვთ, რომ 9 მაისს "აზოვსტალი“ აღებული ჰქონდეთ, რომ მან ეს იზეიმოს. იქ არ მიდის ქვეითებით შეტევა, იქ მიდის საარტილერიო და საავიაციო დაუთოება. საკმაოდ მძიმე შეიარაღება მუშაობს აზოვსტალზე. ხდება მთლიანად დაუთოება აზოვსტალის - იქ არ არის განსხვავება მოქალაქეა თუ სამხედრო, აზოვი უნდა დამთავრდეს, მითი უნდა დაანგრიონ. უნდათ, რომ ამით მაინც გამოაჩინონ ძალა - რომ აი, აზოვი გავანადგურეთ. მთელი რუსეთი ეჯაჯგურება ერთი ქარხნის ტერიტორიას და ეს პირიქით, აჩვენებს რამდენად აბსურდულ მდგომარეობაში იმყოფებიან რუსები, უკვე ჭკუასთან ახლოს არ არიან", - განაცხადა მან.
იხილეთ ასევე:
00:00 / 00:00
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქარხნის ტერიტორიის სრული ბლოკადა და შიმშილით სიკვდილი მიუსაჯა!
შეუსაბამო კი არა, მიზანშეუწონელი უწოდა, нецелесообразный ქართულად ნიშნავს მიზანშეუწონელს