30
მარტიდღის ზოგადი ასტროლოგიური პროგნოზი
უკრაინული მედიის ცნობით, მარიუპოლში რუსმა საოკუპაციო ძალებმა უკრაინელი სამხედროებისა და მშვიდობიანი მოსახლეობის წინააღმდეგ უცნობი მომწამვლელი ნივთიერება გამოიყენეს, რომელიც მტრის უპილოტო საფრენი აპარატიდან გააფრქვიეს. მედია ეყრდნობა "აზოვის" ბატალიონის მიერ მიწოდებულ ინფორმაციას.
- აღსანიშნავია, რომ ქიმიური იარაღის წარმოება და გამოყენება გაეროს ფარგლებში არსებული "ქიმიური იარაღის კონვენციის“ საერთაშორისო ხელშეკრულებით აკრძალულია. შეთანხმებას, ხელს რუსეთის ფედერაციაც აწერს.
"მარიუპოლში დრონიდან მომწამვლელი ნივთიერება ჩამოაგდეს. დაშავებულებს სუნთქვის უკმარისობა აღენიშნებათ“ , - ნათქვამია "აზოვის“ ბატალიონის "ტელეგრამარხზე" გავრცელებულ ინფორმაციაში.
როგორც InformNapalm-ი იუწყება, შესაძლოა ადგილზე "ზარინი" გამოიყენეს, რომელიც ქიმიური იარაღია.
"რუსებმა ქიმიური იარაღით შეუტიეს მარიუპოლს, აზოვსტალის ქარხანას. თუ დარტყმის პრაქტიკულ მხარეზე ვისაუბრებთ, ეს არ არის კარგი. სამ ადამიანს აქვს საბრძოლო ქიმიკატებით მოწამვლის აშკარა ნიშნები, მაგრამ კატასტროფული შედეგების გარეშე ...
- მარიუპოლზე ქიმიური თავდასხმა მხოლოდ ერთს ნიშნავს: რუსები ვერ იღებენ მარიუპოლს და ვერ ამარცხებენ უკრაინის დამცველებს. მათ სხვა გზა არ აქვთ გარდა აკრძალული იარაღის განურჩევლად გამოყენებისა“, - აღნიშნა "აზოვის" ლიდერმა ანდრეი ბელეცკიმ მიმართვისას.
მისი თქმით, დაშავებულების მდგომარეობა დამაკმაყოფილებელია.
უკრაინის პრეზიდენტი ვოლოდიმირ ზელენსკი თავის ვიდეომიმართვაში გამოეხმაურა რუსების მიერ ქიმიური იარაღის შესაძლო გამოყენების ფაქტს.
"ახლა, რუსეთის წინააღმდეგ, სანქციების მე-6 პაკეტის განხილვა დაიწყო. დროა, ეს პაკეტი ისეთი იყოს, რომ რუსული მხარის მხრიდან, მასობრივი განადგურების იარაღზე სიტყვაც კი აღარ ისმოდეს", - განაცხადა მან.
ზელენსკიმ მსოფლიო ლიდერებს შეახსენა, რომ ქიმიური იარაღის შესაძლო გამოყენების შესახებ საკითხი უკვე მრავალჯერ იყო განხილული და ამასთან დაკავშირებით, მათი მხრიდან დროული და მკაცრი რეაგირება იყო საჭირო.
"დღეს ოკუპანტებმა ახალი განცხადება გაავრცელეს, რაც უკრაინისა და ჩვენი დამცველების წინააღმდეგ, ტერორის ახალი ეტაპისთვის მათ მომზადებას მოწმობს. ოკუპანტების ერთ-ერთმა პირმა განაცხადა, რომ მათ, მარიუპოლის დამცველების წინააღმდეგ, ქიმიური იარაღის გამოყენება შეეძლოთ. ჩვენ ამას, მაქსიმალურად სერიოზულად ვეკიდებით.
- მსოფლიო ლიდერებს მინდა შევახსენო, რომ რუსი სამხედროების მიერ, ქიმიური იარაღის შესაძლო გამოყენების შესახებ უკვე განხილულია და უკვე იმ დროს, ეს იმას ნიშნავდა, რომ რუსეთის აგრესიაზე, ბევრად უფრო სწრაფი და მკაცრი რეაგირება იყო საჭირო. ევროკავშირმა ახლა, რუსეთის წინააღმდეგ, სანქციების მე-6 პაკეტის განხილვა დაიწყო. დროა, ეს პაკეტი ისეთი იყოს, რომ რუსული მხარის მხრიდან, მასობრივი განადგურების იარაღზე სიტყვაც კი აღარ ისმოდეს. რუსეთის წინააღმდეგ, ნავთობის ემბარგო სავალდებულოა", - განაცხადა ზელენსკიმ.
მოგვიანებით აღნიშნულ ფაქტს გამოეხმაურა პენტაგონიც.
"ჩვენ ამ დროისთვის ვერაფერს დავადასტურებთ და სიტუაციის ყურადღებით მონიტორინგს გავაგრძელებთ, - მარიუპოლში, ქიმიური იარაღის შესაძლო გამოყენების შესახებ" - თქვა პენტაგონის სპიკერმა, ჯონ კირბიმ.
კირბის თქმით, ინფორმაციის დადასტურების შემთხვევაში, აღნიშნული ფაქტი შემაშფოთებელია.
"ვიცით სოციალური მედიის ცნობები, რომლებიც ამტკიცებენ, რომ რუსულმა ძალებმა, მარიუპოლში, პოტენციური ქიმიური საბრძოლო მასალა განალაგეს. ჩვენ ამ დროისთვის ვერაფერს დავადასტურებთ და სიტუაციის ყურადღებით მონიტორინგს გავაგრძელებთ. თუ ეს ცნობები სიმართლეა, ღრმად შემაშფოთებელია და ასევე ასახავს იმ შეშფოთებას, რომელიც გვქონდა, უკრაინაში, რუსეთის მიერ, პოტენციურად, არეულობის მაკონტროლებელი საშუალებების გამოყენების შესახებ. მათ შორისაა, ცრემლსადენი გაზი, შერეული ქიმიური საშუალებები", - განაცხადა კირბიმ.
ოკუპანტების მიერ ქიმიური იარაღის შესაძლო გამოყენებაზე შეფასებები გააკეთეს დიდი ბრიტანეთისა და ავსტრალიის საგარეო საქმეთა მინისტრებმა.
დიდი ბრიტანეთის საგარეო საქმეთა მინისტრის ლიზ ტრასის თქმით, დიდი ბრიტანეთი მუშაობს, რათა დეტალები გადაამოწმოს.
მისი თქმით, მსგავსი იარაღის გამოყენება კონფლიქტის ესკალაცია იქნება, რისთვისაც პუტინი და მისი რეჟიმი პასუხისგებაში მიეცემა.
"ვრცელდება ინფორმაცია იმის შესახებ, რომ რუსულმა ძალებმა, მარიუპოლის მოსახლეობაზე თავდასხმისას, შესაძლოა ქიმიური საშუალებები გამოიყენეს. ჩვენ, დეტალების გადასამოწმებლად, სასწრაფოდ ვმუშაობთ პარტნიორებთან. ასეთი იარაღის ნებისმიერი გამოყენება, ამ კონფლიქტის გულქვა ესკალაცია იქნება და ჩვენ, პუტინსა და მის რეჟიმს, პასუხისგებაში მივცემთ", - წერს ტრასი "ტვიტერში".
"თუ რუსეთის მხრიდან ქიმიური იარაღის გამოყენება დადასტურდა, ეს იქნება საერთაშორისო სამართლის სრულმასშტაბიანი დარღვევა" - ამის შესახებ ავსტრალიის საგარეო საქმეთა მინისტრმა მარიზ პეინმა განაცხადა.
მისი თქმით, უკრიანაში ქიმიური იარაღის გამოყენების შესახებ ცნობები ძალიან შემაშფოთებელია.
”ძალიან შემაშფოთებელია ცნობები უკრაინაში რუსეთის მიერ ქიმიური იარაღის გამოყენებასთან დაკავშირებით. თუ მათი გამოყენება დადასტურდება, ეს იქნება საერთაშორისო სამართლის სრულმასშტაბიანი დარღვევა. ავსტრალია იმუშავებს კოლეგებთან ერთად, რათა დადგინდეს ამ ინფორმაციის სისწორე და დეტალურ ინფორმაციას მოგვიანებით გავავრცელებთ“, - განაცხადა მან.
რუსეთმა ქიმიური იარაღი გამოიყენა და სამ კაცს თავბრუსხვევა აქვსო???? ასეთი სისულელეების გავრცელება თავად უკრაინას ვნებს. ნატოს წარმომადგენლებს ადრე ჰქონდათ ნათქვამი - ჩვენ იმ შემთხვევაში ჩავერევით, თუ რუსეთი ქიმიურ იარაღს გამოიყენებსო. ეხლა კი განაცხადეს: მაგრად შევშფოთდით, მაგრამ მგონი არ გამოუყენებიათო?! რავი, ჩვენ მტკიცებულებები არ გვაქვსო?! სამაგიეროდ უკრაინელებს ეუბნებიან - მართალია ომი თქვენ ტერიტორიაზეა, თქვენ გბომბავენ, მაგრამ უპირატესობა თქვენ გაქთო. ამას მარაზმიც აღარ ჰქვია და კომენტარიც ზედმეტია.
რუსეთი როგორც კი დაატყობს რომ ეკარგება! თავისი აზრით! საკუთარი საკუთრება! მაშინ შეიქმნება ყველანაირი რისკები გამოიყენოს! ქიმიური და ატომური იარაღი უკრაინის წინააღმდეგ!