მარადონას მაისური, რომელიც ლეგენდას მაშინ ეცვა, როცა ხელით გოლი გაიტანა, აუქციონზე იყიდება

1986 წლის არგენტინა-ინგლისის მსოფლიო ჩემპიონატის მატჩზე მარადონას მიერ ხელით გატანილი გოლის შემდეგ, საფეხბურთო სამყარომ მარადონას ხელს "ღმერთის ხელი" უწოდა.

2002 წელს, 340 000 გულშემატკივრის გამოკითხვის შედეგად ის საუკუნის გოლად დასახელდა, ხოლო მაისური, რომელიც ლეგენდარულ ფეხბურთელს ამ დღეს ეცვა, მალე აუქციონზე 4 მილიონ ფუნტად გაიყიდება.

არგენტინამ 1986 წლის უმნიშვნელოვანესი მატჩი 25 წლის მარადონას წყალობით, 2-1-ით დაასრულა. მიუხედავად იმისა, რომ ხელით გატანილი გოლები ფეხბურთის წესებს ეწინააღმდეგება, მსაჯმა ვერ მოახერხა კარგად დანახვა და გოლი ჩათვალა.

ფეხბურთელის 10-ნომრიანი მაისური, ბოლო 35 წლის განმავლობაში, ინგლისის ნაკრების ყოფილ ნახევარმცველთან, სტივ ჰოჯთან ინახებოდა, რადგან ამ ორმა მოთამაშემ მაისურები გაცვალა.

"მარადონა ახსოვთ, როგორც საუკეთესო ფეხბურთელი და ეს კონკრეტული თამაში მისი მემკვიდრეობის ერთ-ერთი ყველაზე მნიშვნელოვანი ნაწილია", - ამბობს ბრემ ვოჩტერი, ადამიანი, რომელმაც მარადონას მაისური სოთბის აუქციონზე გაიტანა.

წყარო: theguardian

მოამზადა: ანა სიბოშვილმა