"მოვ­ლე­ნე­ბი, რომ­ლე­ბიც ახლა უკ­რა­ი­ნა­ში ვი­თარ­დე­ბა, პირ­და­პირ ეხე­ბა სა­ქარ­თვე­ლო­საც“, "უკ­რა­ი­ნის შემ­დეგ სა­ქარ­თვე­ლოს რიგი დგე­ბა“ - რუ­სე­თის უკ­რა­ი­ნა­ში შეჭ­რის შემ­დეგ მსგავ­სი ფრა­ზე­ბი ხში­რად გვეს­მის არა მხო­ლოდ ქარ­თვე­ლი ოპო­ზი­ცი­ო­ნე­რი პო­ლი­ტი­კო­სე­ბის, არა­მედ მსოფ­ლი­ოს მას­შტა­ბით, სხვა­დას­ხვა ქვეყ­ნის ლი­დე­რის­გან.

სა­ქარ­თვე­ლოს ხე­ლი­სუფ­ლე­ბა უკ­რა­ი­ნის მკვეთ­რად გა­მო­ხა­ტულ მხარ­და­ჭე­რას ერი­დე­ბა, არ უერ­თდე­ბა რუ­სე­თის სა­წი­ნა­აღ­მდე­გოდ და­წე­სე­ბულ და­სავ­ლე­თის სან­ქცი­ებს, ატა­რებს ე.წ. პრაგ­მა­ტულ პო­ლი­ტი­კას, რუ­სე­თის "არ გა­ღი­ზი­ა­ნე­ბის" მო­ტი­ვით. ამის გამო, რუ­სე­თის­გან სი­ტყვი­ე­რი შე­ქე­ბაც და­იმ­სა­ხუ­რეს. მა­გა­ლი­თად, რუ­სე­თის ფე­დე­რა­ცი­ის ფე­დე­რა­ლუ­რი ასამ­ბლე­ის საბ­ჭოს სა­ერ­თა­შო­რი­სო საქ­მე­თა კო­მი­ტე­ტის თავ­მჯდო­მა­რე, გრი­გო­რი კა­რა­სი­ნი ამ­ბობს, რომ რუ­სეთს ეს ფაქ­ტი "შე­უმ­ჩნე­ვე­ლი არ დარ­ჩე­ბა."

რუ­სუ­ლი სი­ტყვე­ბი და ქმე­დე­ბე­ბი რომ ერ­თმა­ნეთ­საა აც­დე­ნი­ლი, კი­დევ ერთხელ გა­მოჩ­ნდა და კი­დევ უფრო მწვა­ვედ და­ის­ვა სა­კი­თხი - რამ­დე­ნად "მუ­შა­ობს“ სა­ქარ­თვე­ლოს ხე­ლი­სუფ­ლე­ბის "პრაგ­მა­ტუ­ლი მიდ­გო­მა", როცა საქ­მე რუ­სეთს და მის იმ­პე­რი­ა­ლის­ტურ გეგ­მებს ეხე­ბა.

• ამ კი­თხვა­ზე პა­სუ­ხი ბევ­რის­თვის ნა­თე­ლი ხდე­ბა ბოლო დღე­ებ­ში რუ­სე­თის მიერ სა­ქარ­თვე­ლოს ოკუ­პი­რე­ბულ ტე­რი­ტო­რი­ებ­ზე - სა­მა­ჩაბ­ლო­სა და აფხა­ზეთ­ში გან­ვი­თა­რე­ბულ მოვ­ლე­ნებ­ზე დაკ­ვირ­ვე­ბის შე­დე­გად.

უკვე ცხა­დად ვხე­დავთ, რომ რუ­სე­თი გა­ჩე­რე­ბას არ აპი­რებს - აფხა­ზე­თის რუ­სეთ­თან მი­ერ­თე­ბის სა­ვა­რა­უ­დო გეგ­მა კრემ­ლის პრო­პა­გან­დის­ტის, მარ­გა­რი­ტა სი­მო­ნი­ა­ნის გან­ცხა­დე­ბით გა­აჟ­ღე­რეს, ხოლო ე.წ. სამ­ხრეთ ოსე­თის დე­ფაქ­ტო პრე­ზი­დენ­ტმა ანა­ტო­ლი ბი­ბი­ლოვ­მა პირ­და­პირ თქვა, რომ "სამ­ხრეთ ოსე­თი“ რუ­სეთს, "ის­ტო­რი­ულ სამ­შობ­ლოს“ მი­უ­ერ­თდე­ბა და აღ­ნიშ­ნულ სა­კი­თხზე რე­ფე­რენ­დუ­მი 10 აპ­რი­ლის საპ­რე­ზი­დენ­ტო არ­ჩევ­ნე­ბის შემ­დეგ გა­ი­მარ­თე­ბა.

• ანა­ტო­ლი ბი­ბი­ლო­ვის გან­ცხა­დე­ბა:

ასევე დაგაინტერესებთ

19:29 / 31-03-2022

"ხელფასსა და პენსიას რუსეთი გვიხდის, სამუშაოდ იქ დავდივართ და ქაღალდზე რას დაწერენ, რა მნიშვნელობა აქვს?" - როგორ შეხვდნენ "სამხრეთ ოსეთში" ბიბილოვის ინიციატივას?

ბი­ბი­ლო­ვის გან­ცხა­დე­ბით, "სამ­ხრეთ ოსე­თის რეს­პუბ­ლი­კა" ის­ტო­რი­უ­ლი სამ­შობ­ლოს რუ­სე­თის შე­მად­გენ­ლო­ბა­ში იქ­ნე­ბა. მისი მი­მარ­თვა რუ­სე­თის მმარ­თვე­ლი პარ­ტი­ის, "ეძი­ნა­ია რა­სი­ას“ ოფი­ცი­ა­ლურ ვებგ­ვერ­დზე გა­მოქ­ვეყ­ნდა.

რო­გორც ოკუ­პი­რე­ბუ­ლი რე­გი­ო­ნის დე ფაქ­ტო პრე­ზი­დენ­ტი აცხა­დებს, რუ­სე­თის შე­მად­გენ­ლო­ბა­ში სამ­ხრეთ ოსე­თის გა­სა­ერ­თი­ა­ნებ­ლად უახ­ლო­ეს მო­მა­ვალ­ში "სა­მარ­თლებ­რი­ვი ნა­ბი­ჯე­ბი გა­და­იდ­გმე­ბა“.

"ძვირ­ფა­სო თა­ნა­მო­ქა­ლა­ქე­ე­ბო! სამ­ხრეთ ოსე­თის რეს­პუბ­ლი­კა, რუ­სე­თის ფე­დე­რა­ცია და მთე­ლი მსოფ­ლიო ახლა გარ­დამ­ტეხ მო­მენტს გა­ნიც­დის. რუ­სუ­ლი სამ­ყა­რო დღეს იცავს მათ ინ­ტე­რე­სებს, ვინც მისი ერ­თგუ­ლია, ვინც ეწი­ნა­აღ­მდე­გე­ბა ნა­ციზმს, პა­ტივს სცემს უნი­ვერ­სა­ლურ ადა­მი­ა­ნურ ღი­რე­ბუ­ლე­ბებს და ფუნ­და­მენ­ტურ უფ­ლე­ბებს და ნორ­მებს, რომ­ლე­ბიც მი­ღე­ბუ­ლია მთელ სა­ერ­თა­შო­რი­სო სა­ზო­გა­დო­ე­ბა­ში.

უახ­ლეს ის­ტო­რი­ა­ში რუ­სუ­ლი სამ­ყა­როს პირ­ვე­ლი აღორ­ძი­ნე­ბა ნიშ­ნავს იმას, რომ არ­სე­ბობს ზღვა­რი, რომ­ლის გა­დაკ­ვე­თაც შე­უძ­ლე­ბე­ლია, რაც მოხ­და სწო­რედ აქ, სამ­ხრეთ ოსეთ­ში 2008 წელს, რო­დე­საც რუ­სეთ­მა გა­და­წყვი­ტა და­ეც­ვა ოსი ხალ­ხი და ეღი­ა­რე­ბი­ნა სამ­ხრეთ ოსე­თის რეს­პუბ­ლი­კის და­მო­უ­კი­დებ­ლო­ბა, რის­თვი­საც ყო­ველ­თვის მად­ლო­ბე­ლი ვიქ­ნე­ბით რუ­სე­თის ფე­დე­რა­ცი­ის ხელ­მძღვა­ნე­ლო­ბი­სა და ხალ­ხის

მად­ლო­ბა, ძმე­ბო და დებო. ეს იყო ის­ტო­რი­უ­ლი გა­და­წყვე­ტი­ლე­ბა, რო­მელ­მაც სამ­ხრეთ ოსე­თის მო­სახ­ლე­ო­ბას მშვი­დო­ბის გა­რან­ტი­ე­ბი და გან­ვი­თა­რე­ბის შე­საძ­ლებ­ლო­ბა მის­ცა.

თუმ­ცა, ოსი ხალ­ხის - გა­ყო­ფი­ლი ხალ­ხის მთა­ვა­რი ის­ტო­რი­უ­ლი, სტრა­ტე­გი­უ­ლი მი­ზა­ნი ერთი სა­ხელ­მწი­ფოს სა­ზღვრებ­ში გა­ერ­თი­ა­ნე­ბაა. ეს სა­ხელ­მწი­ფო არის რუ­სე­თის ფე­დე­რა­ცია. ჩვენ­მა ხალ­ხმა არა­ერ­თხელ და­ი­სა­ხა ეს მი­ზა­ნი, ჩვენ გვქონ­და შე­საძ­ლებ­ლო­ბა 2014 წელს აგ­ვეს­რუ­ლე­ბი­ნა ჩვე­ნი მრა­ვალ­სა­უ­კუ­ნო­ვა­ნი ოც­ნე­ბა, როცა ყი­რი­მი მშობ­ლი­ურ ნავ­სად­გურს და­უბ­რუნ­და. მა­შინ ხე­ლი­დან გა­ვუშ­ვით ჩვე­ნი შან­სი, მაგ­რამ ამის გა­მე­ო­რე­ბას ვერ და­ვუშ­ვებთ.

ვფიქ­რობ, რუ­სეთ­თან გა­ერ­თი­ა­ნე­ბა არის ჩვე­ნი სტრა­ტე­გი­უ­ლი მი­ზა­ნი, ჩვე­ნი გზა და ხალ­ხის მო­ლო­დი­ნი. ჩვენ ამ გზით ვივ­ლით. უახ­ლო­ეს მო­მა­ვალ­ში გა­დავ­დგამთ შე­სა­ბა­მის სა­მარ­თლებ­რივ ნა­ბი­ჯებს. სამ­ხრეთ ოსე­თის რეს­პუბ­ლი­კა იქ­ნე­ბა მისი ის­ტო­რი­უ­ლი სამ­შობ­ლოს - რუ­სე­თის ნა­წი­ლი“, - წე­რია ბი­ბი­ლო­ვის გან­ცხა­დე­ბა­ში.

• მარ­გა­რი­ტა სი­მო­ნი­ა­ნის გან­ცხა­დე­ბა

ბი­ბი­ლო­ვის გან­ცხა­დე­ბის პა­რა­ლე­ლუ­რად, კრემ­ლის პრო­პა­გან­დის­ტმა, რუ­სე­თის სა­ხელ­მწი­ფო პრო­პა­გან­დის­ტუ­ლი მა­უ­წყებ­ლის, RT-ს მთა­ვარ­მა რე­დაქ­ტორ­მა, მარ­გა­რი­ტა სი­მო­ნი­ან­მა "ფე­ის­ბუ­ქის" პი­რად გვერ­დზე გა­მო­აქ­ვეყ­ნა პოს­ტი, სა­დაც რუ­სეთ­სა და აფხა­ზეთს შო­რის არ­სე­ბულ სა­ბა­ჟო გამ­შვებ პუნ­ქტს "სა­მარ­ცხვი­ნო უწო­და და აღ­ნიშ­ნა, რომ ეს სა­ზღვა­რი რუ­სე­თის მო­ქა­ლა­ქე­ებს "ნერ­ვებს უშ­ლის."

"გუ­შინ აფხა­ზეთ­ში ვი­ყა­ვი - იქ მე­დი­ა­ცენ­ტრი გავ­ხსე­ნით. პრე­ზი­დენტ ას­ლან ბჟა­ნი­ას­თან ვი­ვახ­შმეთ და ბევ­რი ვი­ლა­პა­რა­კეთ.

შე­უ­და­რე­ბე­ლი, ულა­მა­ზე­სი მიწა, მე­გობ­რუ­ლი, გუ­ლი­თა­დი ხალ­ხი. ჩვე­ნი ხალ­ხი. ისი­ნი ახლა ჩვენ­თან ერ­თად და ჩვენ­თვის იბ­რძვი­ან.

ახლა ამიხ­სე­ნით მე, იქ რა­ტომ არის სა­ჭი­რო ეს სა­მარ­ცხვი­ნო სა­ბა­ჟო-გამ­შვე­ბი პუნ­ქტი, რო­მე­ლიც ნერ­ვებს უშ­ლის ჩვენს მო­ქა­ლა­ქე­ებს, ამ­ცი­რებს მი­ლი­ო­ნო­ბით რუ­სის ღირ­სე­ბას, რომ­ლე­ბიც ყო­ველ­წლი­უ­რად კვე­თენ ამ სა­ზღვარს, ასე­ვე ჩვე­ნი მო­კავ­ში­რე­ე­ბის, რომ­ლე­ბიც ახლა სის­ხლს ღვრი­ან ჩვენ­თვის. ახლა ამის დრო არ არის, მაგ­რამ მერე გე­ტყვით, ვის სჭირ­დე­ბა და რა­ტომ. იქ ბევ­რი სა­ინ­ტე­რე­სო რამ არის", - წერს სი­მო­ნი­ა­ნი.

• სა­ინ­ტე­რე­სოა ასე­ვე ის ფაქ­ტიც, რომ რო­გორც ე.წ. სამ­ხრეთ ოსეთ­ში ასე­ვე აფხა­ზეთ­ში სა­ზო­გა­დო­ე­ბი­სა და ე.წ. ოპო­ზი­ცი­ის უკ­მა­ყო­ფი­ლე­ბა უკ­რა­ი­ნის წი­ნა­აღ­მდეგ ომში მათი ჯა­რის­კა­ცე­ბის წაყ­ვა­ნის გამო, სულ უფრო იზ­რდე­ბა.

უკ­მა­ყო­ფი­ლე­ბას უფრო მწვა­ვე ფორ­მა აქვს ცხინ­ვალ­ში, სა­დაც არ­სე­ბუ­ლი ინ­ფორ­მა­ცი­ით, უკ­რა­ი­ნა­ში წა­სუ­ლი ჯა­რის­კა­ცე­ბის ნა­წი­ლი უკან დაბ­რუნ­და და ბრძო­ლის ვე­ლი­დან გა­მო­იქ­ცა.

ინ­ფორ­მა­ცია ამის შე­სა­ხებ "ტე­ლეგ­რა­მის" ად­გი­ლობ­რივ არ­ხებ­ზე გავ­რცელ­და. არ­სე­ბუ­ლი ცნო­ბე­ბით, ცხინ­ვალ­ში რუ­სე­თის ფე­დე­რა­ცი­ის გვარ­დი­ის მე-4 სამ­ხედ­რო ბა­ზა­ში მომ­სა­ხუ­რე სამ­ხედ­რო­თა ნა­წი­ლი დაბ­რუნ­და. ასე­ვე ბოლო დღე­ე­ბია ომში წა­სუ­ლი ჯა­რის­კა­ცე­ბის ახ­ლობ­ლე­ბი ცხინ­ვალ­ში აქ­ცი­ებს მარ­თა­ვენ და ად­გი­ლობ­რი­ვე­ბის ომში წაყ­ვა­ნას აპ­რო­ტეს­ტე­ბენ.

აღ­ნიშ­ნულ თე­მა­ზე "ტე­ლეგ­რა­მის“ არხზე გან­ცხა­დე­ბა გა­მო­აქ­ვეყ­ნა დე ფაქ­ტო სამ­ხრეთ ოსე­თის რეს­პუბ­ლი­კის ე.წ.-მა ექ­სპრე­ზი­დენ­ტმა ედუ­არდ კო­კო­ით­მა.

“ჩვენ ყვე­ლა­ნი შეშ­ფო­თე­ბუ­ლი ვართ ჩვე­ნი ჯა­რის­კა­ცე­ბის ირ­გვლივ გან­ვი­თა­რე­ბუ­ლი მოვ­ლე­ნე­ბით, რომ­ლე­ბიც ომის ზო­ნი­დან სამ­შობ­ლო­ში დაბ­რუ­დნენ. არა­ვის აქვს უფ­ლე­ბა დაგ­მოს ეს ბი­ჭე­ბი და და­ა­და­ნა­შა­უ­ლოს ისი­ნი სიმ­ხდა­ლე­ში. უნდა გვეს­მო­დეს, რა მოხ­და და რო­გორ იყო ორ­გა­ნი­ზე­ბუ­ლი მათი მო­ნა­წი­ლე­ო­ბა.

ყვე­ლას, გან­სა­კუთ­რე­ბით კი ჩვე­ნი ჯა­რის­კა­ცე­ბის ნა­თე­სა­ვებს ვთხოვ, შე­ი­ნარ­ჩუ­ნონ სიმ­შვი­დე და თავი შე­ი­კა­ვონ პრო­ვო­კა­ცი­ე­ბი­სა და საპ­რო­ტეს­ტო აქ­ცი­ე­ბის­გან. ამან შე­იძ­ლე­ბა მხო­ლოდ ზი­ა­ნი მი­ა­ყე­ნოს ჩვენს ჯა­რის­კა­ცებს და გა­არ­თუ­ლოს ისე­დაც და­ძა­ბუ­ლი ვი­თა­რე­ბა. ჩვე­ნი ბი­ჭე­ბის შე­უ­რა­ცხყო­ფის უფ­ლე­ბას არა­ვის მივ­ცემთ და ვიბ­რძო­ლებთ თი­თო­ე­უ­ლი მათ­გა­ნის­თვის.

უნდა გვახ­სოვ­დეს, რომ ასო­ბით ჩვე­ნი მებ­რძო­ლი ახლა საბ­რძო­ლო მოქ­მე­დე­ბის ზო­ნა­ში იმ­ყო­ფე­ბა და გმი­რუ­ლად ას­რუ­ლებს თა­ვის მო­ვა­ლე­ო­ბას.

ეჭვი არ მე­პა­რე­ბა, რომ ის ბი­ჭე­ბი, რომ­ლე­ბიც სახ­ლში დაბ­რუნ­დნენ, თუ სა­ჭი­როდ ჩათ­ვლი­ან, სა­თა­ნა­დო ორ­გა­ნი­ზე­ბით, კვლავ შეძ­ლე­ბენ წა­ვიდ­ნენ სპე­ცო­პე­რა­ცი­ის ზო­ნა­ში და და­ეხ­მა­რონ დონ­ბა­სის გა­თა­ვი­სუფ­ლე­ბა­ში. მაგ­რამ ხაზს ვუს­ვამ, რომ ეს უნდა იყოს მაქ­სი­მა­ლუ­რი პა­სუ­ხის­მგებ­ლო­ბით ორ­გა­ნი­ზე­ბუ­ლი. ჩვენ უნდა და­ვიც­ვათ ყვე­ლა სი­ცო­ცხლე“, - ნათ­ქვა­მია კო­კო­ი­თის გან­ცხა­დე­ბა­ში.

• აღ­სა­ნიშ­ნა­ვია, რომ ამ დრომ­დე სა­ქარ­თვე­ლოს სო­ხუმ­სა და ცხინ­ვალ­ში მიმ­დი­ნა­რე მოვ­ლე­ნებ­თან და­კავ­ში­რე­ბით არა­ფე­რი უთ­ქვამთ ხე­ლი­სუფ­ლე­ბა­ში.

პირ­ვე­ლი შე­ფა­სე­ბე­ბი მოჰ­ყვა "სამ­ხრეთ ოსეთ­ში" და­ა­ნონ­სე­ბულ რე­ფე­რენ­დუმს ოპო­ზი­ცი­ა­ში და გთა­ვა­ზობთ რამ­დე­ნი­მე კო­მენ­ტარს.

და­ვით უსუ­ფაშ­ვი­ლი "ლელო-სა­ქარ­თვე­ლოს­თვის“ ერთ-ერთი ლი­დე­რი: "ეს კარ­ტი რომ გა­თა­მაშ­დე­ბო­და, პრო­ცე­სებ­ში ოდ­ნავ ჩა­ხე­დულ­მა ყვე­ლა ადა­მი­ან­მა კარ­გად იცის. რუ­სეთს გა­ცი­ლე­ბით უჭირს აფხა­ზეთ­ში, ვი­ნა­ი­დან, აფხა­ზე­ბის უმ­რავ­ლე­სო­ბა არ არის თა­ნახ­მა რუ­სე­თის შე­მად­გენ­ლო­ბა­ში აღ­მოჩ­ნდეს, მაგ­რამ ცხინ­ვა­ლის რე­გი­ონ­ში სულ სხვა მო­ცე­მუ­ლო­ბა გვაქვს. რო­დის დას­ჭირ­დე­ბა პუ­ტინს ტაქ­ტი­კუ­რი მო­საზ­რე­ბე­ბით, მა­შინ გა­ა­კე­თებს. ის მარ­თავს კი­დეც და მი­ერ­თე­ბუ­ლიც აქვს, იუ­რი­დი­უ­ლად მა­შინ გა­ა­ფორ­მებს, რო­დე­საც დას­ჭირ­დე­ბა. პუ­ტინს სურს, სად­მე წარ­მა­ტე­ბის პრო­პა­გან­დის­ტუ­ლი თემა შექ­მნას, იტყვის - უკ­რა­ი­ნა თუ ვერა, სამ­ხრეთ-ოსე­თი შე­მო­ვი­ერ­თე­თო. ამი­ტომ, უნდა ვი­ყოთ პრინ­ცი­პუ­ლე­ბი, ომი არ უნდა გა­ვა­ჩა­ღოთ, მაგ­რამ თავ­დაც­ვის­თვის მზად უნდა ვი­ყოთ და და­ვად­გეთ იმ გზას, რო­მელ­ზეც უკ­რა­ი­ნაა, რო­მელ­საც მთე­ლი და­სავ­ლე­თი გვერ­დით უდ­გას.

რო­გორ შე­იძ­ლე­ბა ვენ­დოთ რუ­სეთს, რომ ისევ ხელი არ წა­უც­დე­ბა სა­ქარ­თვე­ლოს­კენ?! ჩვენ უნდა ვი­ყოთ ძლი­ე­რე­ბი და ომში კი არ უნდა ჩა­ვე­ბათ, არა­მედ თავ­დაც­ვის­თვის უნდა ვი­ყოთ მზად. სა­უ­ბა­რი მაქვს არამ­ხო­ლოდ ჯარ­ზე, არა­მედ მთელს მო­სახ­ლე­ო­ბა­ზე. ამა­ზე, რომ ვსა­უბ­რობ "ომის პარ­ტია“ ხარ და ომი გინ­დაო, ომი კი არა, მშვი­დო­ბა მინ­და, რომ­ლის უზ­რუნ­ველ­სა­ყო­ფად უნდა გვქონ­დეს თავ­დაც­ვის უნა­რი."

ანა დო­ლი­ძე, პარ­ტია "ხალ­ხის­თვის" ლი­დე­რი: "დე­ო­კუ­პა­ცი­ის პო­ლი­ტი­კა ფაქ­ტობ­რი­ვად, მკვდა­რია. მცო­ცა­ვი ოკუ­პა­ცია და ა.შ. გრძელ­დე­ბა. სწო­რედ დღეს არის დრო იმი­სათ­ვის, რომ ხე­ლი­სუფ­ლე­ბამ აფხა­ზე­თის და სა­მა­ჩაბ­ლოს მო­სახ­ლე­ო­ბას აუხ­სნას, თუ რა­ტომ არის კარ­გი მათ­თვის ის, რომ სა­კუ­თა­რი თავი სა­ქარ­თვე­ლოს შე­მად­გენ­ლო­ბა­ში წარ­მო­იდ­გი­ნონ. პო­ლი­ტი­კა არის შე­საძ­ლებ­ლო­ბის ხე­ლოვ­ნე­ბა და დღე­ვან­დე­ლი გლო­ბა­ლუ­რი სი­ტუ­ა­ცია ამ შე­საძ­ლებ­ლო­ბას იძ­ლე­ვა.

გა­სა­გე­ბია, რომ ოკუ­პი­რე­ბუ­ლი ე.წ. სამ­ხრეთ ოსე­თის და აფხა­ზე­ბის ელი­ტე­ბი და "მმარ­თვე­ლი წრე­ე­ბი“ შე­თან­ხმე­ბუ­ლე­ბი არი­ან რუ­სეთ­თან. ისი­ნი ამ­ბო­ბენ და იმ გზავ­ნი­ლებს ახორ­ცი­ე­ლე­ბენ, რომ­ლე­ბიც პუ­ტი­ნის ხე­ლი­სუფ­ლე­ბას სჭირ­დე­ბა. თუმ­ცა, სწო­რედ ამ შემ­თხვე­ვა­შია აუ­ცი­ლე­ბე­ლი ხალ­ხთან მუ­შა­ო­ბა. სწო­რედ დღეს არის დრო მო­ლა­პა­რა­კე­ბე­ბის და ახა­ლი სამ­შვი­დო­ბო-სა­ხალ­ხო პო­ლი­ტი­კის შე­თა­ვა­ზე­ბის­თვის, რო­მე­ლიც პირ­და­პირ აფხა­ზი და ოსი ხალ­ხის მი­მართ მი­მარ­თუ­ლი იქ­ნე­ბა."