მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
კვირა, მთვარის ოცდამეერთე დღე დაიწყება 02:39-ზე, მთვარე მერწყულში იქნება 09:27-დან
კარგი დღეა ფინანსური საკითხების მოსაგვარებლად; გუნდური მუშაობისთვის; ვაჭრობისთვის. კარგია საერთო მიზნისთვის გაერთიანება, მომავლის დასახვა. კარგია მგზავრობა, მივლინება; საქმიანობის შეცვლა. მოაგვარეთ საოჯახო საქმეები; დაისვენეთ. კარგი დღეა ქორწინებისა და ნიშნობისათვის. ერთგულების ფიცის დასადებად; მავნე ჩვევებისგან გასათავისუფლებლად. ნუ გადატვირთავთ ღვიძლს. გაისეირნეთ სუფთა ჰაერზე. არ დაძაბოთ და გადაღალოთ თვალები. კარგი დღეა დასვენებისთვის, შიმშილისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ღვთის გულისთვის, პუტინი ხელისუფლებაში ვერ დარჩება" - ჯო ბაიდენის ემოციური სიტყვა ვარშავაში და ყველა მნიშვნელოვანი გზავნილი
10:05 / 27-03-2022
აშშ-ის პრეზიდენტმა, ჯო ბაიდენმა პოლონეთში ვიზიტის დროს მკვეთრი განცხადებები გააკეთა რუსეთის უკრაინაში შეჭრასთან და რუსეთის ფედერაციის პრეზიდენტ, ვლადიმერ პუტინთან დაკავშირებით.
"ღვთის გულისთვის, ეს ადამიანი ხელისუფლებაში ვერ დარჩება" - თქვა ჯო ბაიდენმა რუსეთის პრეზიდენტის ვლადიმერ პუტინის შესახებ ვარშავაში სიტყვით გამოსვლისას.
თეთრი სახლის ლიდერმა პუტინი გააფრთხილა, "ერთი დიუმით“ არ გადაადგილდეს ნატოს ტერიტორიაზე. ბაიდენმა ასევე თქვა, რომ "სწრაფი და დამსჯელი ხარჯები“ ერთადერთია, რაც მოსკოვს კურსის შეცვლას აიძულებს.
"მსოფლიოს ყველა დემოკრატიას ეკისრება პასუხისმგებლობა, დაეხმაროს უკრაინას. ომი უკვე იყო რუსეთის სტრატეგიული მარცხი“, - განაცხადა ბაიდენმა.
მანვე აღნიშნა, რომ უკრაინის პასუხის არასწორად გაანგარიშებით, ვლადიმერ პუტინი "არც ისე დიდად ისტორიის მცოდნე“ აღმოჩნდა. შეერთებული შტატების პრეზიდენტის თქმით, "რუსეთიდან ტვინების გადინება ხდება“ და ასევე განაცხადა, რომ რუსული სახელმწიფო მედია პროპაგანდისტულია.
აშშ-ის პრეზიდენტმა დასძინა, რომ ევროპამ უნდა დაასრულოს დამოკიდებულება რუსულ საწვავზე.
- "თქვენ არ ხართ ჩვენი მტერი“- ასე მიმართა ბაიდენმა რუს ხალხს
"მე ყოველთვის პირდაპირ და გულწრფელად გელაპარაკებოდით თქვენ, რუს ხალხს. ნება მომეცით გითხრათ ეს, თუ თქვენ შეგიძლიათ ამის მოსმენა: რუსი ხალხი არ ხართ ჩვენი მტერი. მე არ მჯერა, რომ თქვენ მიესალმებით უდანაშაულო ბავშვების და ბებია-ბაბუების მკვლელობას, ან საავადმყოფოების, სკოლების, სამშობიაროების - რუსული რაკეტებით დაბომბვას“, - განაცხადა ბაიდენმა.
თეთრი სახლის ლიდერმა ასევე აღნიშნა, რომ უკრაინაში მიმდინარე კონფლიქტი არ მოითხოვს ამერიკის პირდაპირ სამხედრო ჩარევას.
"ამერიკული ძალები ევროპაში არ არიან იმისთვის, რომ კონფლიქტში ჩაერთონ რუსულ ძალებთან, ამერიკული ძალები აქ არიან ნატოს მოკავშირეების დასაცავად“, - თქვა მან.
- "უკრაინაში ომი სწრაფად არ დასრულდება"
"უკრაინაში მიმდინარე ომი სწრაფად არ დასრულდება. ხალხი წინ ხანგრძლივი ბრძოლისთვის უნდა მოემზადოს, - ამის შესახებ შეერთებული შტატების პრეზიდენტმა ჯო ბაიდენმა პოლონეთის დედაქალაქ ვარშავაში გამოსვლისას განაცხადა.
თეთრი სახლის ლიდერმა ცივი ომის დროს კომუნიზმსა და დასავლეთს შორის ბრძოლა გაიხსენა და აღნიშნა, რომ ეს იყო "ბრძოლა თავისუფლებისთვის", "თავისუფლებასა და რეპრესიებს შორის".
"რუსეთმა დაახრჩო დემოკრატია. ვლადიმერ პუტინის პრეტენზია უკრაინის დენაციფიკაციის შესახებ არის უხამსი“, - დასძინა ბაიდენმა.
"ჩვენ თქვენ გვერდით ვდგავართ, წერტილი“- განუცხადა უკრაინელ ხალხს აშშ-ის პრეზიდენტმა.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სამაგიეროდ, თქვენ ხართ კაცობრიობის მტერი
ამერიკელი ბრეჟნევი, გვარად ბაიდენი...