მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რუსეთის აგრესიული ქმედებების დაგმობის გამო, ლია ახეჯაკოვას შესაძლოა სახალხო არტისტის წოდება ჩამოართვან
18:08 / 20-03-2022
რუსული მედიის ცნობით, რუსეთის ფედერაციის პრეზიდენტთან არსებული სახელმწიფო ჯილდოების კომისია მზადაა განიხილოს წინადადება იმ ხელოვანებისთვის სახელმწიფო წოდებებისა და ჯილდოების ჩამორთმევის შესახებ, რომლებმაც დაგმეს უკრაინაში მიმდინარე რუსული "სპეცოპერაცია".
ინიციატივის ავტორია დუმის დეპუტატი ეკატერინა სტენიაკინა.
NEWS.ru - სთან ინტერვიუში სტენიაკინამ გააკრიტიკა ცნობილი რუსები, რომლებიც ქვეყნიდან რუსეთის მიერ უკრაინაში შეჭრის გამო წავიდნენ. მისი თქმით, სახელმწიფო ჯილდოების მქონე პირი არ შეიძლება იყოს არაპატრიოტი. დეპუტატმა აღნიშნულ საკითხზე საუბრისას, განსაკუთრებული აქცენტი მაქსიმ გალკინის, ვერა ბრეჟნევასა და მსახიობ ლია ახეჯაკოვას განცხადებებზე გააკეთა.
"როდესაც საჯარო პირს მინიჭებული აქვს სახელმწიფო ჯილდოები ან საპატიო წოდება, ეს დამატებით პასუხისმგებლობაა, ვინაიდან მათ ჰყავთ თაყვანისმცემლებისა და მიმდევრების დიდი აუდიტორია. შესაბამისად, მათი ქმედებები ბევრისთვის გარკვეული დოგმაა. დაუშვებელია როგორც გაუცნობიერებელი ქცევა და განცხადებები ”- განაცხადა სტენიაკინმა.
რუსული მედიის ცნობით, ქვეყანაში მოქმედი კანონმდებლობა, კერძოდ, სახელმწიფო ჯილდოების შესახებ დებულება ადგენს, რომ საპატიო წოდების ან სახელმწიფო ჯილდოს ჩამორთმევა შესაძლებელია მხოლოდ იმ შემთხვევაში, თუ მოქალაქემ ჩაიდინა მძიმე ან განსაკუთრებით მძიმე სისხლის სამართლის დანაშაული. რუსეთის პრეზიდენტის დაქვემდებარებაში მყოფი სახელმწიფო ჯილდოების კომისიის ხელმძღვანელს, დიმიტრი მირონოვს, სტენიაკინამ დებულებაში კიდევ ერთი პუნქტის დამატება შესთავაზა: სიტყვები ან ქმედებები, რომლებიც შეიძლება განიმარტოს, როგორც შეურაცხმყოფელი ქვეყნის მიმართ.
ცნობისთვის, მაქსიმ გალკინმა ალა პუგაჩოვასთან ერთად რუსეთი მას შემდეგ დატოვა, რაც ცოლ-ქმარმა ომის საწინააღმდეგო განცხადებები გააკეთეს. ამის შემდეგ გალკინს რუსეთში ყველა გამოსვლა გაუუქმეს.
ოჯახთან დაახლოებული წყარო ამბობს, რომ ვარკვლავური ოჯახი იძულებული გახდა რუსეთის ფედერაცია დაეტოვებინა, რადგან ეშინიათ შვილების მომავლის.
რაც შეეხება ლია ახეჯაკოვას, მან რუსეთის აგრესიულ ქმედებებზე არაერთი განცხადება გაავრცელა. განსაკუთრებით კრიტიკული იყო დონბასის აღიარებასთან დაკავშირებული მიმართვა, სადაც იგი ამბობდა, რომ რუსეთის მიერ დონბასის აღიარება წარმოუდგენელი საძაგლობა იყო.
"ჩვენ ვლადიმერ პუტინისაგან ისტორიის ახალ სახელმძღვანელოს გავეცანით, პუშილინთან (ე.წ. დონეცკის რესპუბლიკის მეთაურთან) და "მოტოროლასთან“ (ე.წ. ლუგანსკის რესპუბლიკის საველე მეთაურთან, მეტსახელად "მოტოროლა“) ერთად.
ეს მთელმა მსოფლიომაც მოისმინა. მე ვფიქრობ, რაღაც გამოუსწორებელი რამ მოხდა. ეს მთელი მსოფლიოსთვის ომის გამოცხადებას ჰგავს. დონბასის აღიარება წარმოუდგენელი საძაგლობაა. შედეგები საშინელი იქნება. როცა ქვეყნის მიზანი მოქალაქეთა კეთილდღეობა და ეკონომიკის განვითარება კი არ არის, არამედ ვიღაც სამხედროების განზრახვის შესრულება, ეს საშინელებაა." - თქვა ცნობილმა მსახიობმა.
ლია ახეჯაკოვამ თავისი კარიერის ათწლეულების განმავლობაში არაერთი ჯილდო დაიმსახურა. მას მინიჭებული აქვს რუსეთის სახალხო არტისტის წოდებაც.
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რაღაც არ მახსოვს, რომელიმე მათგანს, პროტესტი გამოეხატათ, აფხაზეთისა და სამაჩაბლოს, ე.წ. ,,დამოუკიდებლობის" გამოცხადების შემდეგ.
მივანიჭოთ საქართველოს სახალხო არტისტის წოდება.