მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია -
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გავრილოვს შეუძლია მიმართოს საქართველოს პარლამენტს და პრეზიდენტ ზელენსკის არა, ამას ჩვენი ისტორია შესაბამისად შეაფასებს" - ხატია დეკანოიძე
16:30 / 18-03-2022
მათ აირჩიეს სირცხვილი, როცა გავრილოვს შეუძლია მიმართოს საქართველოს პარლამენტს და პრეზიდენტ ზელენსკის არა, ამას ჩვენი ისტორია შესაბამისად შეაფასებს, - ამის შესახებ დღეს, პარლამენტში გამართულ ბრიფინგზე "ნაციონალური მოძრაობის" დეპუტატმა ხატია დეკანოიძემ განაცხადა.
მისი თქმით, საქართველოს ხელისუფლებამ ეს საკითხი აქცია შიდა დაპირისპირების თემად.
"თავისუფლებისთვის მებრძოლი ყველა ქვეყანა უსმენს წარმომადგენლობით ორგანოში პრეზიდენტ ზელენსკის და "ქართულმა ოცნებამ" გადაწყვიტა უარი უთხრან საქართველოს მოქალაქეებს, რომ პარლამენტიდან გაჟღერდეს პრეზიდენტი ზელენსკის მიმართვა საქართველოს მოქალაქეებისადმი. შევახსენებ ხელისუფლებას, როცა ისინი რაიმე სახის სირცხვილზე საუბრობენ, ამ პარლამენტის დარბაზიდან "ქართული ოცნების" პარტიის თავმჯდომარის მოწვევით, ჩამობრძანებული იყო და საუბრობდა რუსეთის დუმის დეპუტატი, კომუნისტი გავრილოვი, რომელმაც ამ პარლამენტის დარბაზიდან საქართველოს მოქალაქეებს მიმართა რუსულად და ეს ადამიანი არის მტერი, არამხოლოდ კრემლთან ასოცირებული, არამედ საქართველოს მტერი. "ქართულმა ოცნებამ" იგი მოიწვია, დასვეს პარლამენტში და ამის შემდეგ ეს პარლამენტი და ეს უმრავლესობა უარს ეუბნება პრეზიდენტ ზელენსკის ჩართვაზე. ამ უმძიმეს ვითარებაში, როცა მთელი მსოფლიო როგორც შეუძლია, ეხმარება და სოლიდარულია, საქართველოს ხელისუფლებამ მოახერხა ის, რაც არის სირცხვილი, რომ უკრაინის პრეზიდენტმა, თავისუფალი სამყაროსთვის მებრძოლმა და თავისუფალი სამყაროს ლიდერმა გაიწვია ელჩი საქართველოდან. მაშინ, როცა პრეზიდენტი ზელენსკი მიმართავდა მოსახლეობას ყველა დიდ ქალაქში და ადგილობრივი თვითმმართველობების წარმომადგენლები, მერები, ხელისუფლების წარმომადგენლები ჩართულები იყვნენ ამ ძალიან დიდებული მიმართვების ორგანიზებაში, საქართველოს ხელისუფლების არც ერთი წარმომადგენელი, მათ შორის, კახა კალაძე არც კი მობრძანებულა რუსთაველზე, რომ დასწრებოდა საქართველოს მოქალაქეებთან ერთად პრეზიდენტ ზელენსკის მიმართვას. ამიტომ ხელისუფლებას ღიად შემიძლია ვუთხრა - რა არის ეს თუ არა რუსეთის მხარეს დგომა?! უკრაინასთან ჩვენი სოლიდარობა რომ არ გასულიყო საერთაშორისო ასპარეზზე, მათ საქართველოს პრეზიდენტს ასევე ვიზიტები დაუბლოკეს. ამიტომ როცა ვსაუბრობთ იმაზე, თუ რა არის სირცხვილი და რა უნდა იყოს საქართველოს ეროვნული ინტერესი, შევახსენებ ჩემს გამოსვლას, რომ უნდა გვეჩვენებინა ერთიანობა. ზელენსკის ადმინისტრაცია თანახმა იყო იმაზე, რომ პრეზიდენტი ჩართულიყო საქართველოს პარლამენტში, მე ღიად მოვუწოდე პარლამენტის თავმჯდომარეს, რომ ჩართულიყო კონსულტაციებისთვის, რათა ფორმალური მხარეც მოგვეგვარებინა პროცედურულად, მაგრამ სამწუხაროდ, მათ აირჩიეს ისევ სირცხვილი, როცა გავრილოვს შეუძლია მიმართოს საქართველოს პარლამენტს და პრეზიდენტ ზელენსკის - არა, რადგან "ქართული ოცნებისთვის" ეს არ არის გამართლებული. ეს არის სირცხვილი და ამას ჩვენი ისტორია შეაფასებს შესაბამისად,"- განაცხადა დეკანოიძემ.
ის ასევე გამოეხმაურა მამუკა მდინარაძის განცხადებას, რომ "ნაციონალურ მოძრაობას" ბოდიში აქვს მოსახდელი ჰიბრიდული ომისთვის და აღნიშნა, რომ ამაზე კომენტარს არ გააკეთებს, თუმცა მიიჩნევს, რომ "ქართულ ოცნებას" თავად აქვს მოსახდელი ბოდიში ქართველი ხალხისთვის ისტორიის არასწორ მხარეს დგომის გამო.
"ბოდიში მოიხადონ თავად, რომ "ქართული ოცნება" აღმოჩნდა რუსულ მხარეს, ბოდიში მოუხადონ მოსახლეობას გავრილოვის ჩამოყვანის გამო და ბოდიში მოუხადონ მოსახლეობას, რომ ამ მძიმე ვითარებაში საქართველოს ხელისუფლება არ დადგა უკრაინის ხელისუფლების გვერდით და ეს არის ისტორიის არასწორ მხარეს დგომა,"- განაცხადა დეკანოიძემ.
მკითხველის კომენტარები /
72 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამან საერთოდ დაკარგა სინდისი
სხვა ქვეყნებმა რომ მოუსმინეს მერე რა რო? რომელს აუჩუყდა გული აბა დამანახეთ. რომ მიმართოს ამ ისედაც გაღიზიანებულ ხალხს კიდევ მეტად გააღიზიანებს თავისი მოწოდებებით და ისევ ქუჩაში გამოსული ხალხი დესტაბილიზაციის საწინდარია. სინამდვილეში ზელენსკის შენი საქართველო სულ ფეხზე კიდია! რატო უნდა მიმართოს, ჩვენც რომ ჩაგვითრიოს მაგიტომ?!